Er það hægt?

Að hafa of mörg tungumál?

Stundum líður mér eins og ég hafi of mörg tungumál, svona eins og þrengir að í búinu hér að ofan.  Þessi eina sem hefur verið undir miklu álagi undanfarið er á fullu að eiga við allskonar mál og þess fyrir utan talar hún nokkur tungumál.  Já, Sellan er seig. 

Stundum stend ég mig að því að deila við hana og hún fullyrðir ýmislegt við mig sem ég trúi stundum.  Held að hún blöffi mig oft!  Ég t.d. skil nokkur tungumál, tala þau og skrifa sem er kostur.  Sellan gefur mér boð og stundum bönn með ditten sem er leyndó!  En, varðandi boðin þá erum við ekki allskostar sammála um datten sem er líka leydnó.

Allt voða mikið leyndó enda er Selluræfillinn búin að lenda í þvílíku veseni.  Hún ræður ekkert við dingulinn drjúga sem framleiðir í gríð og erg efni sem konulíkami hefur ekkert við að gera.  Ef ég vissi ekki betur þá væri ég í senn þunguð ca 5 til 9 mánuði gengin í brjálaðri hreiðurgerð.

Ekki að undra að ég var farin að prjóna litlar gular hosur og sauma silkibönd í gríð og erg.  Segi nú bara konnjó á gamla mátan enda algjörlega búin á því.

Held að íhugun sé málið

Svo er það þessi tómafilfinning sem fyllir hug.  Halló, er hægt að vera svona uppfullur af tómatilfinningu, það hálfa væri hellingur. 

Það er nefnilega málið þegar við erum tóm að þá getum við fyllt okkur af góðum anda, orðum og ást.  Við getum valið hvað við setjum í okkur, nært andann og tekið spyrnuna með trompi.  Það heitir stöðugleiki að snerta jörð, vera á botninum.  Ég næ góðri spyrnu, svei mér þá!

Alveg heill km á Bakkann

Er eins og Ingjaldsfíflið á þessari mynd.  Var í fínu formi, vel upplýst í vestinu hans Albert og þarna lá leiðin til baka að fallegasta stað á Suðurlandi.  Nefnilega Þorlákshöfn elskurnar mínar.

Mikið var hressandi að taka fákinn og rúnta aðeins um Suðurlandið.  Í þessari ferð vorum við flottur hópur hjólreiðarmanna (1 maður og 5 kvenndi), allir gerðu planka með glæsilegum hætti og viðurkennist að kvenndið moi á myndinni hér að ofan er ekki í sínu flottasta planki.  En að söguþræðinum þá var haldið á veitingarstaðinn Rauða Húsið sem var ÆÐI.  Humarsúpa og salat er fóðraði vambir og gladdi sálir.  Svona er nú gaman að vera til

Ljúf ást

Svo var það þetta með tungumálin.  Kanski er kominn tími að leyfa sellunni að læra nýtt mál.  Lífið verður bara flóknara og flóknara.  Held það!  Samt ætti það ekki að vera þannig, held það líka.  Já, lífið er undarlegt og stundum flókið en oftast er það yndislegt í sinni einföldu mynd.

Sellan þarf að hugsa.  Sumir segja að konur eigi ekki að hugsa en well life is a bits and then you die!  Er það ekki bara þannig, eða ekki .....

 

Athugasemdir

[Ásdís Sigurðardóttir, 10.10.2011 kl. 21:10]

[Hrönn Sigurðardóttir, 10.10.2011 kl. 21:33]

Á meðan ekki þarf að borga yfirvigt er um að gera að fylla á tómarúmið

[www.zordis.com, 10.10.2011 kl. 22:24]

Ég náði einu sinni að prútta niður yfirvikt þar sem ég hafði grennst ógurlega.  Eftir það var ég kölluð HamsterLaydy.  Það er í senn efni í nýja færslu því enska kaldhæðna tjékk inn liðið á Standsted er búið að ramma inn mynd af mér og afslættinum vegna yfirviktarinnar.  Mini Moi að ferðast, tja, tja, tja!

[antonia (IP-tala skráð) 11.10.2011 kl. 07:34]

Þú ert alltaf yndisleg í myndum og máli, hugsunum og skrifum. Haltu bara áfram að vera þú, vera til. Tóm, tvöföld amk ertu uppfull af fallegum orðum og elsku! Gefandi af sjálfri þér út um kvipp og kvapp. Virkar róleg á yfrrborðinu en uppfull af hugsunum og tilfinningum. Kannski bara hætta að hugsa svona mikið og gefa og í staðin bara VERA . Þú ert einstakt eintak stúfull af hormónum og elsku bestust

[Margrét Birna Auðunsdóttir, 11.10.2011 kl. 21:09]

[Guðlaug Björk Baldursdóttir, 12.10.2011 kl. 14:00]

Elsku Þórdís mín, hvaða mál ertu að spá í að fara að læra núna??? Tell me tell me!!!!já tómleikin getur fyllt mann allan, en þá er um að gera að t.d. læra nýtt mál, eða mála mynd og vera góður við sig ekki gleyma því elsku Dísin mín...

[www.zordis.com, 12.10.2011 kl. 17:28]

Ég er t.d. núna að læra á nýju heimasíðuna mína.  Var að skoða námskeið í heimasíðugerð en það þarf að fljúga í 2 klst til að komast þangað svo ekki er það að virka.  Bömmer!

Annars var ég að spá í að fara í næringarfræðina sem er heillandi.  Gallinn er að loknu námi (fjarnámi) þarf að greiða 1500 evrur (kemur hvergi fram í námslýsingu) til að uppfæra titilinn.  Held bara áfram að lesa um bætiefni,, steinefni og vítamín á netinu etc ...