Kasta sér á eftir kúlunni .....

.....  Hreyfing er gullsins verð og það má segja að hreyfing eflir og kætir.  Í upphafi mánaðar ákváðum við mæðgur að skella okkur í magadans, seiðandi arabískan dans er krefst natni og lipurðar.

Natni og lipurð til að framkalla seiðandi hreyfingar, algjör list 

Eftir stuttan vetur er varði í skamma stund þykir konu líklegt að farið sé að vora.  Grundirnar taka kipp og smáfuglarnir flögra og syngja chi í hjörtun.  Er þetta ekki allt of gott til að vera satt?  Lífið getur ekki verið gott og bara gott, eða hvað?

Margar spurningar og svörin eru mörg, liggja í þúsund hjörtum er slá hvert í sinn sanna takt.  Við erum það sem við gerum, segjum og ætlum.  Leiðin er mislöng að markinu en hún er svo miklu sælli ef við höfum jákvæðnina og gleðina við hönd.  

Ég get tekið pirr og angur út í geðveikum spinning tima, á lóðunum i anda Jón Páls heitins sem er mitt inspireitjón   Annars þá get ég sagt ykkur að magadans er ekki bara góð mittisæfing, rass og læra heldur ýfir það upp bros og hlátur.  Það var sko skellt uppúr í tímanum í kvöld.  Minnti mig töluvert á það þegar ég fór í bowling í gamla daga, samt ekki svo eldgamla daga því ég er töluvert ung.

Til að gera langa sögu stutta þá átti ég leik, var búin að troða puttunum í þessi göt á risastóru og þungu bowling kúlunni og tók vænleg tilþrif.  Ég gerði svo vel að ég kastaði kúlunni og flaug á eftir henni.  Ég lýg engu þegar að bowling höllin hló í takt og ég reyndar hló ekki minna hehehehe ...  Hef ekki farið í bowling síðan ..... 

 

Elska þessi blóm

 

Kyssti froskinn og fann þann sanna

 

Svona líka fínann

 

Svo er bara að muna eftir að taka næringu í hjartað.  Þakka fyrir það góða sem birtist í þúsund myndum í lífinu okkar.  Þakka fyrir það litla og agnarsmáa sem nær fram brosinu hjá þér, hjá mér hjá okkur öllum er greiðum götu hvers annars í þessari lífsbaráttu.  

Ég elska blogg sem hafa fullt af myndum, ég elska að skoða myndir af fólki, sitja á kaffihúsi með sódavatn og sítrónu og horfa á allskonar fólk, í öllum stærðum, gerðum, litum og ljósi.

Það að elska gerir okkur gott en ástin er eins og trampólín þar sem jafnvægi er krafist.  Kanski ég taki smá dýfu og lyfti mér í hæstu hæðir og klóri í silfurlitaða skýjið mitt.  Náttstaðinn eina.

 Lífið er gott á nóttunni 

 

Athugasemdir

[Hrönn Sigurðardóttir, 4.2.2010 kl. 08:23]

Magadans hljómar mjög seiðandi. Þú hefur svo kúrs fyrir okkur Sollurnar hér heima í sumar.....

Lovjúbeibí

[Ásdís Sigurðardóttir, 4.2.2010 kl. 13:50]

Að elska er best í heimi, maður verður svo mjúkur að innan. Knús til þín kæra Zordis.

[Linda Linnet Hilmarsdóttir, 9.2.2010 kl. 21:17]

Innlitskvitt og ljúfar kveðjur :O)

[Gudrún Hauksdótttir, 13.2.2010 kl. 07:57]

Hvad er yndislegra en ástin  og kunn afara med hana til hún verdi ad eilífu.....Magadans  sé mig alveg í anda dansa hann ,bara snúa baki í spegil. hahahahahahaha.

Njóttu alls tetta sem tú hefur elsku Dísin,svo er vorid á leidinni til ykkar.Vid sjáum tad í hyllingum en í nótt var -10 stiga frost.brrrr.

Vorid er langtrád á tessum bæ svo er bara ad bída med tolinmædi.

Knús og kram til konunnar í sudrinu sem dansar sig inn í lífid.

[Elín Björk, 16.2.2010 kl. 11:49]

Trúi því að magadansinn sé skemmtilegur, hefði sko komið með ef ég hefði ekki þurft að fara .
Er annars heima að sötra á kaffi , strákarnir mínir 4 eru hér líka í vetrarfríi en húsbandið í vinnunni.
Ást til þín mín yndisfríð

[Margrét Birna Auðunsdóttir, 16.2.2010 kl. 20:56]

Ég elska magadans, þú ert heppin að komast í svoleiðis. Ef maður kæmi nú kellunum hér á Egils í magadans, one can only dream...

Það er eitthvað svo seiðandi að hrista mjaðmirnar og láta heyrast í bjöllunum, það gæti jafnvel gert Gyðu Sól að KONU