Gyllta bókin ....

Hún er gyllt og innihaldið tryllt.  Auðkýfingsfærslur og fjársjóðir læða sér allir í gylltu bókina.

Hún hefur lit sólarinnar, er sterk og varðveitir ljúfar hugmyndir.  Í bókina færi ég orð í búning sem taka völdin og leiða konu áfram hispurslaust með bros á vör!

Gerum allt sem við tökum að okkur vel er mottóið mitt í dag.  Ég er líklega ekki að gera neitt súper dúper æðislegt en ég ætla að gera það vel svo mér líði vel með sjálfa mig.  Er ekki galdurinn að gæla við góða líðan og láta gott af sér leiða.

Í bókinni fæðast gullpeningar

Vissulega er ekki allt gull sem glóir svo mikið er víst og enginn vill verða eins og Jóakim Aðalönd, eða hvað.  Jóakim er pínu sexý þótt félagsskapurinn sé ekki sá mikilfenglegasti.

Hvaða Disney fígúru úr Andrésar blöðunum værir þú til í að deita?  Fara á villt stefnumót;  byrja á góðum tíma í líkamsrækt og gæða sér á einhverju léttu í hádeginu.  Fara á Kjöl eða Gullna hringinn og enda með stútfulla körfu í guðsgrænni náttúrunni a la picknikk ....

Hvaða Disney fígúra fengi kossinn þinn?

Lífið er vissulega skemmtileg og stundum kjánalegt.  Kjánalegt og skemmtilegt svo mikið er víst!

Athugasemdir

[Ásdís Sigurðardóttir, 3.8.2010 kl. 15:43]

Þú ert skemmtileg ekki spurning

[Hrönn Sigurðardóttir, 3.8.2010 kl. 16:46]

.....Bjarnabófarnir! ;)

[Jóhanna Magnúsdóttir, 4.8.2010 kl. 10:44]

Einhvern veginn er engin Disney fígúra nógu sexý fyrir mig, og betur er autt rúm en illa skipað.  Eða hvað?? .. Á maður/kona að láta á það reyna?