Mikilvægt að þvo sér um hendurnar eftir þvaglát ....

 Ég rölti markaðsgötuna með Fjallinu og það vildi svo vel til að það byrjaði að rigna.  Herramaðurinn var fljótur til að græja regnhlíf svo að drottningin hans kurlaðist ekki á hárinu.  Er með svo púffý hár í raka, sem getur verið sætt nema hvað ég var nýbúin að slétta.

Við kíktum í bankann, viðskiptabanka og ætluðum að skipta seðli.  Kassadaman spurði hvort við værum viðskiptavinir bankans en Fjallið sem var í hinum enda bankans taldi svo ekki vera, þá breyttist svipurinn á henni og hún sagðist ekki skipta.  Ég greip nú til leikjar og sagði hátt og snjallt að við værum viðskiptavinir bankans en það væri nú ekki til að hrósa velvild bankans, fáránlegt að vilja ekki skipta við aðra einstaklinga.  Þetta væri léleg þjónusta og mér væri það skapi næst að loka þeim 3 reikningum sem ég ætti hjá bankanum.  Ég vandaði mig að tala hátt!

Sumir gerðu tákn með fingrunum til að sýna hvað þeir voru sammála mér.  Ég verð svo yfirmig hissa á þjónustunni, svo yfirmig (set þessi 2 orð saman af miklum ásetningu) hissa á hvað sumir nentu ekki að gera vinnuna sína vel.  Hverjum langar að vera viðskiptavinur í svona banka, ekki eins og við værum að koma inní útibúið í fyrsta skipti á ævinni.

Burt séð frá þessu þá breyti ég ekki heiminum nema ég byrji á sjálfri mér   Ansi mikil vinna sem liggur þar sem þýðir að líklega hef ég ekki tíma í að taka kassadömuna í læri. 

Ástarkrunk, akrýlmynd á pappastriga í ramma 14 x 14

Eftir bankann og viðeigandi orðasamskipti, héldum við hjónin áleiðis að skólanum þar sem ungherrann vildi fylgd heim að dyrum í hádegishlénu sínu.  Við stöldruðum við á nokkrum sölubásum og keyptum m.a. Sevillana olífur með steinum, olífur fylltar með smágúrkum og ediklagðan lauk.  Ég ætlaði að kaupa falleg afskorin blóm en hætti snögglega við það þar sem að blómasölumaðurinn hafði (á leiðinni bankann sá ég hann)  Já, hann (blómasölumaðurinn) brugðið sér afsíðis og migið utan í frístundavegg og þar var sko enginn vaskur til að þvo hendurnar.  Hverjum langar í afskorin blóm með svona húðkámi af prívatsvæði.  Æjjjj, stundum á ég ekki að hugsa svona og líklega pirraði þetta mig og ég lét kassadömuna heyra það ......

Lífið er bara dásamlegt svona eftirá að hyggja.

 

Athugasemdir

[Heiða Þórðar, 17.11.2010 kl. 16:24]

Sem minnir mig á einn starfsmann fyrirtækisins, fór á eftir henni á salernið...sturtað niður og beint út. Vaskurinn þurr einsog harðfiskur...hef ekki litið hana sömu augum síðan...

[Inga María, 18.11.2010 kl. 19:35]

...ansi oft sem ég hef nú rekið nemendur mína aftur inn á það heilaga til að nota hreina vatnið okkar....og alltaf verða þeir jafn skömmustulegir..og með hækkandi aldri þá fór ég einmitt að tala um bakteríurnar sem þeir skildu alls staðar eftir sig, hurðahúnum, verkefnum o.s... og alltaf heyrðist óhljóð í hinu kyninu zzzzzz

ástarkrunk til þin krumma mamma

[Margrét Birna Auðunsdóttir, 19.11.2010 kl. 12:17]

Hahaha, stundum verður maður bara að láta í sér heyra, held að það sé ekki lítill hluti af því að breyta sjálfum sér, að láta í sér heyra þegar maður er óánægður

Og það er semsagt migið utan í veggi víðar en í Austurstrætinu