Að vatna músum ....

Með ólíkindum hvað Frúin er viðkvæm.  Sennilega ekki í frásögur færandi en ævaforn og yndisleg l-amma mín, sem fór þegar ég var lítil snót í rimlarúmmi, stóð upp á endann þegar hún kvaddi þennan heim og ég kvaddi hana á óskiljanlegu málinu.

Tár eru perlur þeirra látnu, djásn í heim fegurðar, hjörtu sem svífa um heima og geyma.  Í kvöld þegar ég keyrði heim var bros á himnum.  Ég hugsaði með mér "Bros bræðir hjarta" og mýkti hjörtun ...... Tárin mín eru drykkur ástarinnar, drykkur sem við njótum saman.  Ástin erum við.

 

 

Ég felli tár mín fyrir þig

 

Þrungin ást

 

rauð sem þú

 

lifandi minning

 

ég græt í glasið

 

blóði

 

Fallegasta langamma er hjá mér og hvílir í hjartastað, þess vegna falla tárin rauð í glasið.  Í ævintýraheimi er ekkert salt heldur bara ilmur ávaxta.

 

Bara þú og ég 

 

Athugasemdir

[Katrín Snæhólm Baldursdóttir, 20.2.2007 kl. 23:28]

Ohhh.....rautt tár....Áxatasafar og fólk sem bar ávöxt í lífi manns. Bara fallegt.

[Margrét M, 21.2.2007 kl. 09:10]

eitt orð ::: yndislegt 

[Guðríður Hrefna Haraldsdóttir, 21.2.2007 kl. 17:35]

Ljúft ...

[Guðný Anna Arnþórsdóttir, 21.2.2007 kl. 20:40]

Fallegt og fallegt....