Hefðarkona að skúra, skrúbba og pakka niður .....

Aldrei sprækari og frískari!  Búin að skúra pleisið, skrúbba postulínsfákinn .... úða Ajax á sturtuklefann og nuddgræjuna.  Eldaði Lasagna og Tabaði mér í drykkju ( Tab frá Coca Cola)  Ef Miranda væri selt hefði ég eflaust fengið mér það eða Spur Cola!

Nú er komið að því .... kveðja klakann, faðma náttúruna niður í hjartarætur, leggjast nakin út í hraun og finna fyrir ástinni sem hylur þokuhjúpaðan kroppinn.  Dagurinn fer að mestu leyti í ferðalagið en ég fagna því að um 1700 fæ ég faðmlög frá elskulegu börnum og manni.  Með viðkomu í Standsted held ég áfram til Murcia   Hef alltaf sagt að ég elski að fljúga (smá plat), ég leiði það í raun eins mikið hjá og ég get, sem ljóð, teikna og stundum les ég.  Ég er með bók sem heitir "El Poder del Ahora" (the power of now / A guide to a spiritual enlightment) e. Eckhart Tolle sem ég glugga í  ............... það verður gaman.  Muna bara að kaupa tyggjó og gjafir í Keflavík.

 

 

Bráðum heima......

 

Ég hef hugleitt það

haldið því fram

 klæðst því

tekið í sátt

hver er ég

hver var ég

hver verð ég

ég er

það sem

ég er 

 

Er þetta ég

ég held það

ég hef séð mig í draumi í þessum kjól

Ai wo Ni

Í hönd mína leit og sá þar óteljandi línur sem lágu hver yfir aðra.  Ég gekk venusarhæðinu og leið vel þar.  Ég hef valhoppað einn tæplega helming af lífslínunni  og á eftir að upplifa sælustundir ávaxtanna.  Ferðalögin eru mörkuð fyrir lífstíð og ekki hægt að afmá!

Undarlegt að sitja á öxl sinni, sjá yfir höfuðmótin og geta valið.

Við höfum öll val og eigum að njóta þess að finna andann, finna hvert fyrir öðru, finna til.

Ég sagði við Fjallið mitt, " ef ég kemst ekki heim þá veistu að ég elska þig mikið"  Það fussaði nú aðeins í honum ...... Ég sagði "ég mun leiðbeina þér úr hásæti himnaríkis við val á þeirri konu sem mun ala upp börnin mín og elska þig eins og ég"  meira fuss og mildur hlátur .....  

Eitt orð sem varð að mörgum

Góða Nótt

Athugasemdir

[Gerða Kristjáns, 4.3.2007 kl. 23:52]

Góða ferð heim ljúfust......hlakka til að sjá frá þér þegar þú verður komin út

[Doddi - Þorsteinn G. Jónsson (IP-tala skráð) 5.3.2007 kl. 01:34]

Góða ferð!!

[Ólafur fannberg, 5.3.2007 kl. 08:15]

góða ferð

[Maggý Jónsdóttir (IP-tala skráð) 5.3.2007 kl. 13:52]

Góða ferð og njóttu þín í botn..

[Margrét M, 5.3.2007 kl. 15:11]

góða ferð heim ... ooooo ...það er alltaf svo gott að koma heim ...

[Solla Guðjóns, 5.3.2007 kl. 17:28]

Er ekki mál til komið að segja velkomin heim til þín

[Guðný Anna Arnþórsdóttir, 5.3.2007 kl. 22:01]

Ég vona að þú yrkir ódauðleg ljóð í flugvélinni! Gott flug....

[Heiða B. Heiðars, 6.3.2007 kl. 00:29]

Æi..bömmer! Hittumst vonandi í næstu ferð þinni um klakann!! Góða ferð mín kæra

[Vatnsberi Margrét, 6.3.2007 kl. 09:38]

Dáist að þér að fljúga svona mikið, er alveg á því að ég sé svona heimakær af því mér leeeiiiðist svoo að fljúga. Knús til þín og við verðum að festa dag næst þegar þú kemur:)