a ... b ... c ... d ....

Venjulegur dagur hjá ósköp venjulegri fjölskyldu.  Við gætum í raun verið hluti af hvaða þjóðfélagi sem er en erum hluti af okkur og tyllum tásum niður á þá laut er okkur ber.

Í dag hef ég verið að spekulera í öllu sem engu og farið um heima og geima hjá bloggvinum!  Eitthvað snart sál mín sjálfið og hef ég verið undir meðallagi seinnipart dags.  Í gær faðmaði ég 2 striga og hóf sköpun lita í dag .... það er gaman að geta lagt hönd á og unnið af hjartans list og lyst!

Ég fékk góðar vinkonur í heimsókn og er orðið ansi langt síðan við áttum stund saman eins og í dag.  Kaffikannan fann fyrir hlutverki sínu en miklar prúðmanneskjur skröfuðu um allt og ekkert og skemmtileg stelpuferð var skipulögð sem fara á í lok október!  Ekki ráð nema í tíma sé tekið, förinni er heitið til Rika í Lettlandi ....... auðvitað mun ég stimpla mig inn og fara með   það verður gaman!

 

 

 Ég hugleiði blómið sem opnar sig fyrir hamingju heimsins

Ég tek þátt í gleði og sorg þeirra sem það kjósa

Ég er hluti af þeirri einingu sem hefur valið mig

Lífið er allt of gott til að gleypa það

Allt of gott til að gefa það

Allt of gott til að verða ekki hluti af þvi

Lífið er

okkar!

Hamingjan er tilfinning sem við getum þjálfað eftir eigin hug.  

Það er allt undir okkur sjálfum komið

Er líf þitt gott?

Ert þú sátt  (ur) við Guð og menn

Hjartans mál

  ekki auðvelt að svara 

Athugasemdir

[Heiða Þórðar, 15.4.2007 kl. 22:22]

Úff! Mig svimar

[Guðný Anna Arnþórsdóttir, 15.4.2007 kl. 23:15]

[Solla Guðjóns, 16.4.2007 kl. 09:23]

Halló snúlla,Þú verður í Rika áður en þú veist af.

[Margrét M, 16.4.2007 kl. 10:58]

lettland hljómar spennandi .

[Kristín Katla Árnadóttir, 16.4.2007 kl. 15:25]

Það verður skemmtilegt hjá þér zordís mín  og hafðu það gott.

[Ólafur fannberg, 16.4.2007 kl. 17:08]

örugglega gaman að koma til léttlands hef reyndar verið sitthvoru við örugglega svipað.