Kvik Yndi ..... Wild Cats og Heimsókn hins heilaga ......

Gráðugu kvikyndin eru farin að láta til sín taka ......  Sonur minn vaknaði upp í gærmorgun með 4 bit, hvert öðru ljótara.  Litli engillinn minn er viðkvæmari fyrir og bólgnar upp og þessi fylgir mikill kláði.

Það var allt sett í gang í gær og sértilgerð ilmtæki sett í samband til að svæla viðbjóðinn út, moskítóin eru komin á kreik, leiðindamál bara! 

Það þýðir víst lítið að kvarta yfir þessum kvimleiða fjanda heldur fyrirbyggja að viðkomandi komist inn.  Þessar dúllur lauma sér inn yfir daginn og halda sig rólegar og liggja svo fyrir bráð sinni þegar hún leggst til hvílu eða þegar setið er úti að kvöldi.  Lítil vampýra er rétta orðið yfir varginn!  Eitt sinn sáum við eina sem var svo full af blóði að hún hélt sér varla á lofti, græðgin var svo mikil.  Sú hafði margstungið drenginn okkar á sama stað þannig að hann bólgnaði ógurlega!  Tími fyrir aðgerðir er greinilega kominn og hér verður allt sett á fullt ALERT.  

Þakka bara fyrir að leðurblökur séu ekki á sveimi eða snákar eða krókódílar eða tígrisdýr eða ísbirnir (je right) Gæti verið verra er kanski málið hjá mér!

GLEÐITÍÐINDI

Það fæddust 3 oggulitlar kisur í sveitinni og sá ég dúllurnar nýfæddar og móðirin Tigrilla (borið fram tigríja) hugsaði vel um þá, breiddi loppuna yfir þá til að vernda.  Nýbökuð móðirin var hálftitrandi og hægt var að lesa úr augum hennar að eitthvað merkilegt og yndislegt hafði gerst!  Skemmtileg kisa þótt ég eigi erfitt með að bindast persónulegum böndum e. að Siló minn fékk vængina sína.

 

 

Síló gaf margar glaðar stundir og í raun mætti setja minningarnar í litla prakkarapokketbók.  

 

Siló fór t.d. á veitingarhús með mér og pantaði sér flatfisk og mjólkurskál

 

Síló fór í hagkaupspoka með mér í kringluna

 

Síló var ekki tuskudýr í trabbanum gamla, heldur læf wild cat

 

Síló sat á öxlinni á mér á meðan við elduðum ....

 

Og svo mætti lengi telja

 

 

 

 

Litlu villtu kettirnir mínir eru Íris Hadda og Enrique.  Við skemmtum okkur vel í andlitsmáluninni enda alltaf gaman að gera sniðuga hluti saman.

Þau nutu sín virkilega og við smelltum af nokkrum myndum til sælla minninga.  Ég tók þátt í þema fyrir "wild cats" og datt í hug að mála börnin mín í stað þess að kisulúrast á striga.

Ef einhverjum langar í kisu þá veit ég um þrjár oggulitar rúsur sem leita að heimili.  Geri mér  hins vegar grein fyrir að það þarf að auglýsa eftir kærleiksríkum eiganda í útlöndum!

Það er eitthvað svo mikið stuð í mér núna, sólin gægjist inn undir orange litaðar gardínurnar svo stofan mín er upplýst af sjálfum himnaherranum.  Koddu inn mikli andi, tylltu þér hjá mér og leifðu mér að hjúfra mig upp að þér .......  Eftir svona faðmlag verður dagurinn alveg eins og e. pöntun!

Ætla að mála smá og lifa daginn í gleði 

Athugasemdir

[Ólafur fannberg, 5.5.2007 kl. 09:43]

bara eitra fyrir þeim...

[Doddi - Þorsteinn G. Jónsson (IP-tala skráð) 5.5.2007 kl. 09:47]

Svo er ég kvartandi yfir geitungum og býflugum hérna heima... mikið svakalega er ég feginn að vera ekki með moskítóflugur hérna heima, þrátt fyrir að vera dálítill aðdáandi vampíra ... en ræturnar á þeim áhuga eiga sér lengri skýringar. Ég sendi ykkur stuðningskveðjur gegn moskítóflugum og skal skrá mig í einhvern svona antí-moskító her ef hann verður stofnaður!

Yndisleg myndin af krökkunum samt og spurning vaknar: ætti ég að láta mála mig og fara svoleiðis í vinnuna í dag og vera með túrinn þannig??

Knús frá Akureyri!

[Steinunn Helga Sigurðardóttir, 5.5.2007 kl. 10:42]

dásamleg lesning, gott að lesa þig aftur.þessar blessuðu blóðflugur hafa hrjáð mig mikið, en núna er eins og þær ráðist ekki á mig , en Sól dóttur mína, kannski finnst þeim ungt blóð gott. falleg börn  á myndunum !

Ljós til þín

steina 

[Lisa (IP-tala skráð) 5.5.2007 kl. 11:00]

Úff ... grey litli Enrique.

Flott mynd af krökkunum

[Srósin (IP-tala skráð) 5.5.2007 kl. 12:00]

Ohhh ég og flugur erum ekki eitt.  Þoli einmitt ekki býflugur og geitunga svo ég er mjööög fegin meðan moskito lætur ekki sjá sig hér!
Sá einmitt eina feita búbbulínu í gær, sko býflugu... *hrollur*

Flott málverk á börnunum, æ, svo gaman að dúllast svona.

Eigðu góðan dag í sólinni....mmmm sól... dreymi dreym

[Srósin (IP-tala skráð) 5.5.2007 kl. 12:01]

Ohhh ég og flugur erum ekki eitt.  Þoli einmitt ekki býflugur og geitunga svo ég er mjööög fegin meðan moskito lætur ekki sjá sig hér!
Sá einmitt eina feita búbbulínu í gær, sko býflugu... *hrollur*

Flott málverk á börnunum, æ, svo gaman að dúllast svona.

Eigðu góðan dag í sólinni....mmmm sól... dreymi dreym

[Hugarfluga, 5.5.2007 kl. 12:57]

Oooh geggjuð andlitsmálning. Það held ég að minn litli 6 ára yrði upprifinn að fá svona á fésið sitt. Knús til þín úr sólarleysinu utandyra, en þeim mun meiri innvortis

[Kristín Katla Árnadóttir, 5.5.2007 kl. 12:58]

Úff það er alveg eins gott að þær lifa ekki hérna á Íslandi. Fallegar myndir af börnunum.