Ferðafélaginn danskur og þeldökkur .....

Það má segja að ferðafélaginn sem tekinn var með frá Den danske kærlighed sé ÞELDÖKKUR, HRAUSTUR OG KRÖFTUGUR!

Myndaður í sterkt form og bakaður í einhverja klukkutíma að sið danskra bakara, nefnilega danskt rúgbrauð sem gefur kjarnamengun í ristilskviðum.  Upps og úllala, þegar vísitölufamilian er búin að narta í kjarnafæði með leverpostæj í 2 sólarhringa er ekki hægt að ætlast til annars en að loftmengum fylgi með í pakkanum.

Mikill hlátur, snörp og ör öndun farþega með allar rúður niðurhalaðar!

Frakkar eru misyndislegir og við erum hér stödd í miðju þorpi einskis er heitir Chalon.  Leið liggur niður eftir landakortinu og mikil tilhlökkun að komast í höllina og lúlla í eigin rúmi á eigin baun og og og.

Á vegvísum hraðbrautanna stóð;  Það er gleðiáfangi að komast í frí en miklu meiri að komast heill heim!  Ég tek sko ho í það vegna þess að hraðbrautarakstur er í senn hættulegur og leiðinlegur.  Hins vegar horfi ég upp til fjalla, á græna fleti og sé fyrir mér allskyns fígurur sem mynda næstu verk mín.

Lísa skvísa ég rataði rétta leið í verslun Greina systra og verslaði heilmikið, þar á meðal bleikan hjartalaga prumpublöðru sem við reyndar höfum ekki þurft að nota þar sem sá innri bleiki hefur verið mjög virkur.  hehehe .....  Allt miklu ódýrara og land draumanna er með allt á því líku tilboðsverði að ég svei mér þá veit ekki lengur hvað eru góð kaup og ekki.

Tæplega 6 akrýlmyndir eru nú vandlega innpakkaðar og bíða eftir sýn alheims á veraldarvefnum.  Ég þarf að ferðast oftar því andinn virðist vera fast með mér á ferðalögum.

Hlakka til heimkomu og er sátt við ferðalagið enn sem komið er.

Vona að ristilkrampi familíunnar verði slakur á morgun svo djúpöndun geti átt sér stað.  Thi hi hi ........

 

Athugasemdir

[Elín Björk, 6.8.2006 kl. 22:34]

Hæ sæta skvísa!

Mér heyrist þið farið í loftköstum út og suður!!

Hlakka til að sjá ykkur....hvenær sem það nú verður...á morgun, hinn, eða hinn!

Knús til ykkar