Lífið í lit

17.7.2007 | 07:58

Oriol dagur fuglsins ... frídagur .... hvað er til ráða?

Dagur fuglsins Oriol .... hátíð í bæ Orihuela og þeirra strandar er fellur undir hans sveitir. Stanslaus veisluhöld hafa verið hjá spænsku familíunni þar sem heilagur Enrique og heilög Carmen eru upphaflega frá örófi engla þann 15 og 16 júlí .... svo kemur 17jándi sem slær engu við og er merktur frídagur í héraði.

Gott að eiga frídag og geta spókað sig með "augun" og börnin og "hálsinn" og hvaðeina. Verð að skjóta inn í að ég er betri í augnumgjörðinni og tel ekki ástæðu að fara til Dr.Saxa. Ég sagði við Fjallið í gær að ég hefði sett eyrnadropa í augun á mér þar sem ekkert annað hefði verið til!!!

Hann ba ba ba ba bara átti ekki til augnlit handa mér og stóð á furðulostnu gati. Það var stutt í brosið svo blekkingin stóð ekki lengi yfir. Hálsinn er enn aumur en ég mun gæta mín að vera ekki að horfa á eftir stórglæsilegum snyrtipinnum er nefnast í dag metro menn!

Hvað er til ráða á frídegi?

Fara á ströndina eða í sund ..... kanski fer ég með börnin til tengdó og fer alein eitthvað (nehhh væri ekki siðferðilegt) .... finn mér eitthvað til dundurs. Þarf reyndar að hringja smá vegna vinnunnar og sé til hvort það sé bara ekki í lagi þótt það sé frídagur. Sennilega 3 eða 4 símtöl!

Ég gæti lætt mér til hárgreiðslugúrús bæjarins, farið í botox og nudd. Svo margt og ekki seinna vænna að huga að hvernig tíminn skal drepinn, tala nú ekki um að gera gott skipulag áður en kona íhugar að fara á eftirlaun.

mæli með lestri bókarinnar Embraced by the light

Alls staðar er fólk sem á um sárt að binda. Allstaðar er fólk er finnur til og líður ílla. Allstaðar er fólk sem býr við hörmulegar aðstæður og óviðráðanlegar eftir því. Megi Góður Guð, kærleikur og Orka umvefja sig á réttum stöðum og staldra við hjá þeim sem þörfina hafa.

Eigið yndi á ljúfum degi