Eitthvað svo dæmalaust yndislegt ....

Ég (um mig frá mér til mín)  Þvílík einhverfa að geta endalaust talað um sjálfan sig, fundið sig og tjáð!  Ég er minn eigin fróðleiksmoli, veit allt um sjálfa mig og helling um aðra!  Þó ekki allt

Í dag er dagurinn, Föstudagur svo notalegur að fá, kurteis því aldrei staldrar hann lengi við.  Það kenndi mér framliðinn aðili að þegar þaulsetna gesti ber að garði eigi að strá piparkornum í sófann sem þeir tylla sér í.  Þetta sé til þess að viðkomandi komi sér á brott á viðeigandi tíma.

Góðir gestir koma og fara, staldra stutt við en þó það lengi að unun verði af heimsókninni.  Föstudagur er góður gestur, ávallt velkomin og mig lengir í hann eftri því sem dagarnir tifa fjær.  Ekki það að mér finnast allir dagar vikunnar sérstakir á sinn hátt.  Mánudaga elska ég þar sem nýtt upphaf er í vændum, fyrsti vinnudagurinn og rúnin Daeg kemur mér í huga! 

Ég get ekki sett orð á það en tilfinningin er dæmalaust yndisleg, fyrirboðatilfinningin er að kitla mig í mjúka lundina og ég sé eftirvæntingu í umgjörð sálarinnar. 

Kanski er það bara tómleikinn sem veldur þessu brölti hjá hryssunni er bíður átekta.

Siló minn / þurrkrít á pappír

Síló er sá allramerkilegasti kisulingur sem ég hef þekkt.  Við fórum saman í bíltúr á ískrandi Trabant, út að borða á veitingarstað, í Kringluna í Á.T.V.R. (kaupa Sherrý fyrir Síló  ), elduðum saman ýsusporð (sýni ykkur mynd af því, kanski á eftir ef það er stemming fyrir því) já og svo voru allir dagar FÖSTUDAGUR!

Er ekki lífið dæmalaust yndislegt þegar við glápum og einblínum á það sem við viljum, það sem við skynjum án þess að veita því gaum sem betur má fara!

Njóttu stundarinnar og dagsins kæri vin

Athugasemdir

[Steinunn Helga Sigurðardóttir, 20.7.2007 kl. 07:07]

takk fyrir dásamleg skrif eins og alltaf, létt, kátt, hugljúf, angurvær, allt í einu !

ég elska föstudaga, laugardaga sunnudaga, mánudaga, þriðjudagar eru erfiðir, miðvikudagar eru fínir, fimmtudagar eru tilhlökkun.... þarf aðeins að hugleiða jákvætt á þriðjudaga.

Alheimsljós til þín frá mér

steina 

[Kristín Katla Árnadóttir, 20.7.2007 kl. 09:50]

Það er alti lagi að tala um sjálfa sig ,  það  er gott að vera jákvæður og það ert þú svo sannarlega Zordís mín. Njóttu helgarinnar og allir englar eru með þér

[Hugarfluga, 20.7.2007 kl. 11:06]

Föstudagar eru sko í algjöru uppáhaldi hjá mér. Njóttu dagsins, mín kæra. Það ætla ég að gera. Knús.

[Katrín Snæhólm Baldursdóttir, 20.7.2007 kl. 11:13]

Föstudagur og fínar litríkar myndir frá litríkri konu með bros.

Lífið er einstaklega lagið að draga að sér gullkorn þessa dagana sem glóa í regninu. Segi bara það!!!

[Margrét M, 20.7.2007 kl. 11:29]

allir dagar eru ágætir

[gaa (IP-tala skráð) 20.7.2007 kl. 16:52]

Yndisleg færsla og mynd.. Framliðinn? Tell me more!

[lísa (IP-tala skráð) 20.7.2007 kl. 17:42]

SporðaknÚs

[Solla Guðjóns, 20.7.2007 kl. 23:48]

Síló er kötturinn...sem er svo stór í skemmtilegum minningum þínum

Kyssti Hilla á hálsinn með puttann sem tengingu.

UMmjemmm þetta með piparinn

Knús á þig

[Svava frá Strandbergi , 21.7.2007 kl. 18:27]

Yndisleg færsla hjá þér Zordís mín. Ég átti eitt sinn kött sem hét Bambus. Hann er dáinn fyrir 8 árum síðan og þá fékk ég mér Tító og svo fjórum árum seinna Gosa. En Bambus var gefinn fyrir sopann, ef ég fékk mér kannski bjór og pizzu, vildi hann alltaf fá eina pizzusneið fyrir sig og svo auðvitað bjór á undirskálina sína. 

[Heiða Þórðar, 22.7.2007 kl. 00:27]

Zordis. Hefur einhver sagt þér nýlega hvað þú ert yndisleg?