Lífið í lit

27.8.2007 | 08:22

Alein í kotinu ...

.... á meðan hinir sofa

Það er tréormur sem nagar bókahilluna mína þvers og kryss, spurning um að bjarga bókunum áður en þessi ormur gerist lestrarhestur! Annars hef ég verið að spekulera sem er gott .....

Með þér Olía á Striga nokkuð stór.

Ákvað að máta tátiljurnar hennar Katrínar bloggvinkonu og koma með mynd sem snertir mig á sérstakan hátt, mynd sem heillar fáa en hefur sitt gildi fyrir mig.

Hér birti ég fyrstu svartfuglamyndina mína sem er mér kær, er máluð eftir upplifun frá annari tilveru sem óþarfi er að grafa djúpt í en þessi mynd er uppáhalds mynd sem hvílir sig á felustað þar sem hún kallar fram neikvæðar tilfinningar hjá Fjallinu mínu.

Ég hef stundum málað tilverumyndir sem færa mig úr stað, gera eitthvað svo mikið fyrir litla sjálfið. Eitthvað sem er svo óútskýranlegt en gott og nærir hluta af verunni.

Þetta verður góður dagur, fullur af glæsileik og tilhlökkun. Kanski ég þeyti kerlingar, hummmm.

Þegar gott verður betra þá er best að þenja vængina

Flokkur: Menning og listir | Facebook

Athugasemdir

Eigðu góðan dag Þórdís mín.

Kristín Katla Árnadóttir, 27.8.2007 kl. 09:06

það er svo gott að sniglast um í húsinu snemma að morgni á meðan allir svofa eigðu goðan dag

Margrét M, 27.8.2007 kl. 09:16

Þessi mynd ber það með sér að vera um eitthvað mjög sérstakt...eins og minning úr undirvitundinni sem er stöðugt að flakka með sálinni inn í alls konar víddir.

Svoleiðis myndir eiga það til að hrella annað fólk.

Ég las síðustu setningun á þá leið að þú ætlaðir að fara að ÞREYTA kellingar og foraðið mér hið snarasta. Er nógu þreytt ein og sér

Eigðu góðan dag fuglakona.

Katrín Snæhólm Baldursdóttir, 27.8.2007 kl. 09:46

Zordís, ég hef eytt miklum tíma að skoða gamlar færzlur á síðunni þinni, allt þitt blogg er ein stór myndlistarsýning, og ég er mjög hrifinn af stílnum þínum, þú berð fram fegurð á afar fallegan máta. Guð blessi þig og haltu áfram þessu góða verki.

Guðsteinn Haukur Barkarson, 27.8.2007 kl. 09:58

það er gjöf frá almættinu að við höfum möguleika á að skapa með minningu, hugsun eða því sem er ennþá dýpra, það er gott þegar fólk finnur tengingu við það sem maður gerir, hver út frá sinni reynslu og ekki reynslu !

það er alltaf gaman að sjá myndirnar þínar, ein af þeim heillar mig ekki meira en önnur, því allar segja mér þær sögu um þig.

fuglarnir þínir hvort sem þeir eru dökkir eða litfagrir segja mér sögu um hugargleði, angur, minningu eða allt í einu, þeir eru líka á vængjum eins og textarnir þínir og lífið sem þú lifir í yrti heimi eða þeim innri !

takk kæra bloggvinkona fyrir að vera

AlheimsLjós til þín

Steina

Steinunn Helga Sigurðardóttir, 27.8.2007 kl. 16:03

Myndin segir mér frá einhverju erfiðu, er það í fortíð? Hver dó? Það er friður yfir henni.

Marta B Helgadóttir, 27.8.2007 kl. 21:44

Mér finnst þessi mynd svo stór partur af þér, ein fyrsta hrafnamyndin ef ekki sú fyrsta sem ég sá hjá þér.
Ég væri til í spænskan hita og raka núna, spænskt verð á strigum og ekki síst, íslensk-spænskan félagsskap og tíst í bíbíhjónum
Endalaust knús til þín sætust