Lífið í lit

18.11.2007 | 11:13

Taktu brotna vængi mína ....

... Og lærðu að fljúga!

Bítlarnir eru dásamlegir og lögin þeirra lifa svo vel. Þegar ég var í skólakór Stýrimannaskólans þá sungum við mörg bítlalaganna og hún Ragga gerði tónlistarlífið svo lifandi og yndislegt.

Sunnudagsmorgunn, blómadropar í mallakútinn, kaffidreitill og niðurskornir ávextir, Kiwi og Kaquis ... Hvað er betra en að fá kolvetnisbúst að morgni. Hlusta á Blackbird með bítlunum og horfa út um eldhúsgluggan á lótusblóm teygja sig að iljum englanna.

Í gær var ég löt.

Las blogg vina minna

Fór í kaffisopa út í bæ

Fór í Apotek og keypti ph neutro sápu

Teiknaði

Fór svo út í matvöruverslun og keypti girnilegar Entrecot steikur, tómata og hélt heim á leið að elda ...... Steikin varð "delisju" og einn niðurskorinn tómatur baðaður í balsamediki og olífuolíu mátaði bitana sem runnu niður með perlandi rósavíni Mateus. Fjallið fékk sér kaffi eftir matinn en ég skellti mér í heimalærdóm. Kláraði verkefni sem ég á að skila á morgun og sé fram á að eiga aukafrídag .....

Dagurinn er rétt að byrja og nú er bara að finna takt sinn og trú og sjá hvort ljóð í formi lita nái að blanda geði á stökkum og hráum striganum.

Njótið dagsins og fegurðar þeirra sem deila honum með ykkur.

Flokkur: Menning og listir | Facebook

Athugasemdir

Hver veit nema litríkur striginn líti dagsins ljós hér á blogginu ... hmm?

Yndislegar kveðjur héðan frá Akureyri, þar sem fallegur kuldinn hvílir yfir bænum ... fjölskyldan tók smá göngutúr áðan og þrátt fyrir lítil og sæt grýlukerti í nasaholunum... þá stendur uppi sú fegurð sem bærinn sýndi okkur í þessari birtu.

Kossar og knús

Doddi - Þorsteinn G. Jónsson (IP-tala skráð) 18.11.2007 kl. 17:16

Dagur að kveldi kominn. Eigðu gott kvöld í Spáníá!!

Hugarfluga, 18.11.2007 kl. 17:50

Hæ krúzlan mín! Mmm ég fæ vatn í munninn, langar í steik og balsamolíutómata - og samveru!
Læt mér duga heimanám og kók zero... sé til hvort ég fái mér melónubita síðar
Knús úr kuldanum