Að leiðast ....

Íslenskan er ein af þeim tungum sem mér er kærust nema kanski þegar ég tala tungum undir handleiðslu langömmu heitinnar, Vesturgötupæju, konan sem kom til mín í draumi og sagði mér fréttirnar, sem kom áleiðis kveðjum og skilaboðum ....

Að leiðast er eitt það rómantískasta sem ég geri, berfætt í snjónum.  Smelli einni frostrós á fjallsræturnar mínar og nýt útsýnis í allar áttir.  Að teyma hann áfram og sýna honum mosagróna sem tilheyrir fortíðinni en sýnir okkur hlutdeild framtíðarinnar.  Að leiðast saman í gegn um birtuna sem skín á okkur, úr öllum áttum.

Að leiðast er eitt af þeim orðum sem hefur tvíeflda merkingu og kýs ég rómantísku aðferðina.  Ég hef enga afsökun til að láta mér leiðast, get það einfaldlega ekki því það er of mikið á könnunni.  Ég var að enda við að gera verkefni sem var verulega spennandi.  Sit með hálfkláraða vatnslita mynd sem þarf að ljúka í kvöld .... en nú er miðnættið búið að hjúfra sig að hjartarótum mínum svo nú keppist ég við tímann, ná bjútíblundinum og brenna orku í kvenlegum hrotum mínum.

Á morgun verður varla utan á mér tutla, verð svo grönn, svo heil og fögur.  Stíg inn í daginn og verð rokinn á fund með miðaldra manni í smíðagalla klukkan 0800 .....

Lífið er hættulega gott

Athugasemdir

[Katrín Snæhólm Baldursdóttir, 28.11.2007 kl. 11:08]

Jummí jarðaber með súkkulaði..alveg eins og færslurnar þínar gómsæta kona.  Svo girnilegar eitthvað alltaf hreint og beint. Ég er einmitt að fara í Hagkaup að kaupa jarðaber í kílóatali og ætli mar láti ekki súkkulaði fljóta með til að dífí......

Knús til þín frá íslenski flensu. 

[Solla Guðjóns, 28.11.2007 kl. 12:08]

Talandi tungum þá girnist ég þetta jarðarber.

Þú ert alltaf sama yndið oggott að tutlurnar eru farnar........

Knúsuknús.

[Vatnsberi Margrét, 28.11.2007 kl. 12:53]

Knús

[Steinunn Helga Sigurðardóttir, 28.11.2007 kl. 13:14]

jardaber med súkkuladi, nammi nam, thad er líka voda gott ad borda jardaber med bræddum lakkrís.

thú hljomar dularfull !

Ljós til thín kæra

steina

[Margrét M, 28.11.2007 kl. 13:25]

[Sigrún, 28.11.2007 kl. 16:28]

ískalt kampavín og súkkulaði húðu jaðaber algjörlega allsber hvað er betra

[Lísa (IP-tala skráð) 28.11.2007 kl. 17:05]

Ég verð allavega girnileg eftir þetta jarðarber - botoxgellan sjálf.

[Kristín Katla Árnadóttir, 28.11.2007 kl. 21:36]

Þú er yndisleg.

[Doddi - Þorsteinn G. Jónsson (IP-tala skráð) 28.11.2007 kl. 23:25]

Góð, rétt og falleg sýn á tvíræða hluti - að leiðast ... auðvitað á maður að kjósa rómantísku aðferðina! En mikið rosalega slefaði ég þegar ég sá jarðaberið með drjúpandi súkkulaði. Virkilega falleg sjón ... mikil fegurð ... mikið slef ... mmmm.....

þú ert æði!

[Sóldís Fjóla Karlsdóttir, 28.11.2007 kl. 23:26]

Jarðarberið er svo flott og freistandi...ummm.

Svei mér þá, eftir að maður les færslurnar þínar, leggur flensan endanlega á flótta.

Takk, já... lífið er hættulega gott.

Sóldís Fjóla 

[Marta B Helgadóttir, 29.11.2007 kl. 08:41]

Mikið ertu einstök Þórdís

[Marta B Helgadóttir, 29.11.2007 kl. 08:41]

Vinsamlega taka þátt í vísindalegri könnun á síðunni minni ?? ( )

[Björk (IP-tala skráð) 29.11.2007 kl. 22:13]

Sko... ég skal koma og valhoppa með þér "hönd í hönd" á kirkjutorginu hans heilags Mikaels  - Vonandi fyrr en síðar..... þá skulum við leiðast... en ekki láta okkur leiðast
Hjúts knús á ykkur familíuna