Skynjun

Ilmur, snerting, bragð .... skynjun sérhver ólík, frá manni til manns!  Hring eftir hring áfram heldur sinn gang, lífið snart, kom og brá sér niður í hörund þitt, hörund mitt!

Skynjun sérhvers, upplifun, næmi elskulegi vinur hring eftir hring þar til hringavitleysu er náð!

Skjöldur Akrýl á striga 25 x 35 

Þegar gaumur er gefinn þá hýrnar glaumur og augun opnast í andakt tilverunnar.  Sporður á disk, lífsins skjöldur er veitir stuðning alheims þess er þefar anga lífs.  Þess að vera!

Ung og feimin, stundum gleymin.  Vegna drengjanna sem stóðu hjá, biðu og vonuðu.  Hún handlék einn, náði tveim og fór svo heim ...........

Kvonfang Akrýl á striga 20 x 50

 

Hann sat og horfði, stirðum stórum bláum augum. 

Þau sögðu ekkert,

bara störðu.

Hún tók hann og brá honum í skaut.

hann naut,

bara naut.

Þau liðu sem eitt í samtímans glaum.

þau áðu,

ástarfaðm.

Dagur að kvöldi, nóttin er ung og Fjallið stendur styrkt á sínum enda beddans .....  kanski ég laumi baun undir koddan hans.  Kanski ég narti í baunina þegar hann snýr sér.  Kanski sofna ég út frá lestri góðra bóka.  Kanski geri ég eitthvað annað!

Athugasemdir

[Guðný Anna Arnþórsdóttir, 2.12.2007 kl. 23:08]

Þín var saknað við opnun myndlistarsýningar Katrínar í gær. Myndirnar voru dásamlegar og sómdu sér vel í þessu gamla og yndislega húsi. Við hittumst þarna nokkrar og drukkum saman kakó með rjómafroðu við jólaundirspil. Tær unaður. Er svo ekki samsýning hjá ykkur nokkrum listakonum á næsta ári??

[Svava frá Strandbergi , 2.12.2007 kl. 23:41]

Vildi að þú hefðir komist á opnunina hjá Katrínu. Það var gaman að sjá myndirnar hennar í 'eigin persónu' og hitta bloggvinkonurnar. Góða nótt.

[Marta B Helgadóttir, 3.12.2007 kl. 01:18]

Mikið hefði verið gaman að hitta þig í góðum hópi þarna á opnuninni hjá Katrínu í gær. Þetta var ljúft og fallegt eins og sómir henni vel.

[Steinunn Helga Sigurðardóttir, 3.12.2007 kl. 13:17]

fallegt blogg að vanda hjá þér og ævintýramyndir AlheimsLjós til þín steina

[Margrét Birna Auðunsdóttir, 3.12.2007 kl. 13:39]

Hæ, þessir diskar eru nú ekkert til sölu á almennum markaði, þetta var bara tekið upp fyrir kórinn til að varðveita augnablikið. En það er minnsta málið að brenna eintak og senda, sendu mér bara heimilisfangið þitt á [e-mail]

Kveðja, Bidda 

[Margrét M, 3.12.2007 kl. 14:17]

falleg færsla

[Sigrún, 3.12.2007 kl. 15:30]

aðventuknús

[Kristín Katla Árnadóttir, 3.12.2007 kl. 16:48]

yndislega falleg færsla Þórdís mín eins og vant er hjá þér. Knús

[Solla Guðjóns, 4.12.2007 kl. 00:05]

Knús á.ig elskling........á eftir aðfara yfir margar færslur hjá þér en geri það þegar mín eigin maskína er komin í lag....