lesa, skrifa og reikna ....

Sonur minn situr við hlið mér að læra heimalærdóminn.  Honum finst þessi lærdómur óttaleg vitleysa og vill helst vera að leika sér með vini sínum.  Hugur hans dettur út af einbeitingunni hvað eftir annað því í huga hans eru leikir í mynd sem ráða ríkjum.

Elsku litli drengurinn minn er látinn stroka út þegar hann vandar sig ekki (er að flýta sér) en hann fékk 4 A4 bls sem eru málfræði og stærðfræði.  Hann lærir þetta smátt og smátt, þarf sinn tíma að melta allar upplýsingarnar. 

Það má nú segja að fyrir 30 árum þá hafi móðurhjartað lært með öðrum aðferðum.  Nokkuð breytilegri  en það sem blessuð börnin læra í dag.  Ég nota mína gömlu sem er engu síðri!

Laugardagur til lukku

Hann;  Mamma þegar ég er búinn að læra þá get ég ............ og svo get ég .......

Mamman;  Já elskan en nú skulum við halda áfram!

Hann;  O.k. mamma!  En þegar ég klára, þá ......

Mamman;  Já elskan mín, en mundu að gera þetta vel frá hjartanu.

Hann;  Þögn

Það eina sem heyrist núna er Ellen Kristjáns að syngja bænalög og hugsun drengsins, blýnudd á skraufþurran pappírinn.

Í dag hefur þetta gengið vel

Athugasemdir

[Solla Guðjóns, 16.2.2008 kl. 12:41]

Ég brosi hálf væmið og minnist fyrstu ára barnana minni á skólagöngunni.........

Skil krúttlinginn þinn fullkomlega

Knús til ykkar sæta.

[Vatnsberi Margrét, 16.2.2008 kl. 12:46]

Knús

[Guðný Anna Arnþórsdóttir, 16.2.2008 kl. 13:58]

[Marta B Helgadóttir, 16.2.2008 kl. 14:23]

[Steinunn Helga Sigurðardóttir, 16.2.2008 kl. 15:44]

yndislegt ! lljómar rólegt, og vært.

Blessi þig

steina