Þegar nóttin læðir sér inn ...

.... hún kemur degi að óvörum og yfurbugar ferska geisla hans og vaggar honum blítt til svefns.

Í næturhúmanum gerast mýmörg ævintýri sem við náum ekki að sjá né snerta.  Í hausnum á mér voru átök úr draumaheimi eftir skemmtilega viðveru hjá degi.

Við buðum fólki í hádegisgrill, 14 fullorðnir og 7 börn (vona að ég gleymi engum) .....  Margar hendur vinna létt verk .... orð að sönnu.  Ég var búin að útbúa salötin, grilla bullurnar í ofni, skera niður ávexti sem voru meðlæti Tiramisukökunnar.  Við ákváðum að vera uppá þaki en þar erum við með æðislega útiaðstöðu með frábæru útsýni.  Gestirnir tóku til hendi og báru upp hinar ýmsu veitingar og allt fór þetta vel fram.  Æðislegt grill með góðu fólki.

Vinir á þakinu

Sólin gladdi gestina og sumir tóki lit í húðina, þar á meðal ég sem roðnaði heilan helling.

Eftir veisluna fór Fjallið að aðstoða vin okkar í ökunámi og ég varð eftir og gekk frá því sem þurfti og tók tal við einhverfuna mína og málaði á eina flís.  Ein af gestkomandi hafði séð húsamynd e. mig og langaði mig að prófa að setja þau á flísar .....

Næturævintýri

Fyrsti kaffibollinn leiðir okkur að degi, nóttin sleppti takinu og við munum njóta sólarinnar og þess sem lífið gefur.  Við erum á leið í kirkju og ég sendi ykkur mínar bestu sunnudagskveðjur.

Athugasemdir

[Kristín Katla Árnadóttir, 9.3.2008 kl. 11:09]

Það er alltaf gaman að fá gesti í matarboð og allt svo girnilegt hjá þér Þórdís mín. Gott hjá ykkur að fara í kirkju manni líður svo vel á eftir.

Eigðu góðan sunnudag darling.

[Hrönn Sigurðardóttir, 9.3.2008 kl. 12:56]

Sést þarna út á sjóinn hjá þér?

Dagurinn hljómar vel frá þér. Hér er blíðan enn við völd

[Vatnsberi Margrét, 9.3.2008 kl. 16:40]

Glæsileg húsa flísin :)

Knús

[Steinunn Helga Sigurðardóttir, 9.3.2008 kl. 16:56]

þetta hljómar svo yndislega, og falleg eruð þið á þakinu !

Blessi þig á sunnudagskvöldi.

steina

[Dísa Dóra, 9.3.2008 kl. 17:00]

ohhh æðisleg aðstaða sem þið eruð með þarna á þakinu - algjör dýrð að hafa svona

Flott húsaflísin

[Huld S. Ringsted, 9.3.2008 kl. 22:22]

Það lá við að ég gæti fundið ylinn af sólinni og lyktina af matnum af því að horfa á myndina! Skyldi mig vera farið að dreyma um sól og hita og veðráttu til þess að grilla úti??

Knús á þig í góða veðrið

[Solla Guðjóns, 10.3.2008 kl. 08:34]

Hefði alveg viljað vera á þakinu þínu í gær og fá smá yl ákroppinn