Vaxandi vitund mannkyns ...

... já, fer hún vaxandi eða hvað?

Þegar hugur og sál vaxa ekki heldur minnka hvernig verður þá framhaldslífið?  Er til eitthvað sem heitir framhaldslíf?  Getum við fullyrt án þess að snerta, getum við lifað án þess að anda, erum við efni eða erum við ekkert?

Nýr heimur NÚNA með leiðinni að fjársjóði þess er við leitum öll sem eitt en á misvægum grundvelli.

Sporðdreki bloggvinkona mín bloggaði um fegurð og þá vaknaði spurningin um hvað er fegurð, hvernig er hún og hvers vegna er allt sett niður í munstur eftir kúnstarinnar reglum.

Orkan er hjá okkur akkúrat núna, þegar við bíðum, þegar við grátum, þegar við drögum andann fyrir augnablikið þegar við erum .... ástfangin, hugfangin, viðurkennd og elskuð .....

Olía á striga, Hvað er ástin 20 x 20

Ástin myndast í orðum, á borðum þar sem hjartað smeygir sér í þitt úr mínu.  Af bikar þínum byrgi ég þær góðu unaðs stundir og hjartans kæru fundi.

Læf goes on

Ég er eins og vorið

alveg að spring - a

í svörtum kjól með slæðu

í fangi svarta læðu.

spurningin um að spring -a

bara .....

Oooog,

glugga í Echart Tolle

kveikja hungur

...........

narta svo í Fjallið

og

velta sér í hlíðinni .....

 

Athugasemdir

[Sporðdrekinn, 12.6.2008 kl. 19:19]

Nákvæmlega "Hvað er fegurð?"

Fegurð liggur í svo mörgu, hún fer eftir skapi og okkar eigin duttlungum. Það sem er fagurt í dag getur verið ljót á morgun. Persónur missa fegurð ef að þær sýna okkur hlið á sér sem að okkur líkar ekki við.

Staðir sem að okkur fannst eitt sinn fallegir geta orðið ljótir í okkar huga ef að við eigum vondar minningar þaðan. Það sama á við um föt, lög, mat, lykt og svona mætti lengi telja.

Að sama skapi geta persónur og hlutir sem að okkur eitt sinn fannst ljót orðið falleg í okkar huga.

Fegurðin er í orðum þínum kæra bloggvinkona

[Kristín Katla Árnadóttir, 12.6.2008 kl. 19:24]

Þessu getur engin svarað hvort það sé til framhald líf eða ekki ég minnsta kosti vildi óska þess en það er rétt hjá þér.... Orkan er hjá okkur akkúrat núna fallega orðað hjá þér Þórdís mín Falleg myndin þín og ljóðið.knús

[Solla Guðjóns, 12.6.2008 kl. 21:04]

Ég er svo sammála ykkur hér að ofan......eeeeennnnn kélling er orkulausari en allt í augnablikinu.

Falllega orðað Þórdís mín og fallleg mynd

[Anna Gísladóttir, 12.6.2008 kl. 21:34]

Börnin mín eru mesta fegurðin í mínu lífi.  Þau taka vissulega mikla orku en gefa hana líka margfalt til baka bara með brosinu sínu

[Heiða Þórðar, 12.6.2008 kl. 21:37]

Þú kannt að koma þessu í orð dúllurassgatið mitt

[Gudrún Hauksdótttir, 12.6.2008 kl. 23:08]

Fegurdin liggur í svo mörgu,fangadu bara augnablikid orkan er hér vid turfum bara ad virkja hana...Falleg myndin tín Tórdís mín og elskuleg skrifin tín.Knús inn í nóttina

[Huld S. Ringsted, 12.6.2008 kl. 23:25]

Fallega orðað Þórdís. Fegurðin er svo margt bara spurning hvernig við horfum á hana og hvar við sjáum hana mér finnst lífið bara fallegt þessa dagana

[Hrönn Sigurðardóttir, 13.6.2008 kl. 00:20]

"Fegurðin er í augum þess sem horfir" sagði spakur maður eitt sinn........

Það var samt ekki ég. Ég segi horfðu með hjartanu og þá sérðu fegurðina. 

[Ragnheiður Ása Ingvarsdóttir, 13.6.2008 kl. 09:36]

Fegurðin er allt um kring, meðal annars í orðum þínum og myndum, Þórdís mín!

Ég trúi á að við lifum oft, en samt erum við hér nú, í núinu og eigum þess vegna að lifa lífinu lifandi

Er ekki hér inná á hverjum degi, þessa dagana, en les samt allar þínar færslur, því þær auðga minn anda.

Takk fyrir mig, mín kæra

[Dísa Dóra, 13.6.2008 kl. 12:56]

Fegurðin er lífið finnst mér.  Annars er það ákkúrat rétt hjá þér að það eina sem við höfum öruggt er núið og því  um að gera að nýta það sem best.  Ég hins vegar trúi á framhaldslíf en það breytir samt sem áður ekki þeirri staðreynd að núið er það sem við eigum að njóta.

Eigðu góðan dag

[Elín (IP-tala skráð) 13.6.2008 kl. 14:11]

Lífið er dásó hreint út sagt!
Það er skoho kominn ferðahugur í mína, hlakka alveg gazalega til að hitta þig mín kæra!
Knús á ykkur!

[Ólöf Jóhanna Pálsdóttir, 13.6.2008 kl. 19:51]

Fegurðin kemur innan frá.

[Guðný Anna Arnþórsdóttir, 13.6.2008 kl. 20:46]

Það er bara eitt sem ég get sagt um fegurð: Beauty is pain.