Í lausu lofti á Vesturgötunni ....

.... eilífar draumfarir sem skapa líkamanum sérstöðu.  Þar sem efnið svífur endalaust áfram og blandast tilfinningum raunheima.

Ég bjó beint á móti Silla og Valda versluninni á Vesturgötunni þegar ég var yngri og minni.  "Af ávöxtum skuluð þið þekkja þá" (held að slagorðið þeirra hafi verið svona!)  Denni kaupmaður var í sömu línu en hann keyrði um á bronco bíl.  Í bakhúsi bjó Sigga sæta söngkona og Tryggvi hafnarvörður gekk hnarrreistur í átt að höfninni eftir að hádegismat lauk.  Hann bjó reyndar á Nýlendugötunni.

Að svífa í draumi er stórkostleg tilfinning og geta stjórnað svifinu, hægt á sér og hraðað för í huganum einum.  Stundum væri gott að geta nýtt sér þessa undursamlegu efnistækni í lifanda lífi.

Ég ætla að finna prakkarann í mér og klára nokkur viðvik.

Athugasemdir

[Ásdís Sigurðardóttir, 21.7.2008 kl. 10:53]

Njóttu lífsins prakkarinn minn   

[Didda, 21.7.2008 kl. 11:34]

Held þú þurfir ekki að kafa djúpt eftir prakkaranum, hafðu það gott og njóttu

[Hrönn Sigurðardóttir, 21.7.2008 kl. 11:41]

Þetta var undarlegt - ég var einmitt að hugsa um þennan frasa........ "Af ávöxtunum skuluð þér þekkja þá"

Eigðu góðan dag

[Margrét M, 21.7.2008 kl. 13:11]

[Kristín Katla Árnadóttir, 21.7.2008 kl. 13:24]

Þú hefur átt heima rétt hjá mér nú er ég hissa.

Eigðu góðan dag Þórdís mín.

[Guðný Anna Arnþórsdóttir, 21.7.2008 kl. 22:04]

 - haltu áfram að pakka, kellingin mín....!