Ævintýrin ..

.... í vöku sem draumi ...

 

Íslandið er stórkostlegt, fagurt blátt og svalt.  Það er eitthvað svo Cool við Ísland þrátt fyrir smá slettur.  Vestmannaeyjar voru teknar í túristaleik.  Gengið að Gyg Eldfells, Náttúru og Sjávarsafnið skoðað ...  Allir helstu áningastaðir voru á ferðaplaninu og lífið og veður lék við okkur.

Við heimsóttum vini frá Spáni sem hafa tekið sér bólfestu í Eyjum og komið sér sérlega vel fyrir.  Húnakonungur klikkar ekki á handbragðinu og hefur gert sér prýðilegasta hreiður og slakar ekki á í eldamennskunni.  

Í nótt dreymdi mig konu sem hefur fylgt mér líf úr lífi, einstaklega kær en samt svo ákaflega fjær.  Í nótt, já þá þurfti ég að klípa í mig til að kanna hvort þetta væri draumur ...  Ég kleip og tárin hrundu niður kinnarnar því í draumnum þá var þetta raunveruleiki eeeeeeen þetta var svo bara draumur!

Nú sit ég ein með myrkur allt um kring nema týran frá fartölvunni sem lýsir upp augun mín.  Á bak við mig sofa nafnar tveir er nutu sjóferðar Herjólfs.  Síðan var brunað í höfuðborgina með dóttluna en hún gistir nú hjá frænku sinni en við gömlin hittum Immu vinkonu og hennar bróður er buðu uppá dýrindismat og félagskap.

Nóttin treður sér í vitin og líklegast best að berjast í draumaheim á ný.  Góða nótt í fegurð heims ... úti er ævintýri (eða kanski eru þau bara rétt að byrja ???  Best að halla augnlokum, er þakki) 

Athugasemdir

[Hrönn Sigurðardóttir, 2.9.2009 kl. 07:36]

Þú hefur vaknað á sama tíma og ég. Vona að þú hafir getað hallað þér á ný. Það er erfitt að taka á móti nýjum ævintýrum ósofin.