Kær leikur ...

Átökin eru ljúf þegar nóttin víkur fyrir degi.  Nóttin hefur fengið að kúra í myrkrinu rétt eins og kona sem áði á næturstjörnu í leit að draumum og fyrirheitum í nýjum dag.

Dagarnir tifa áfram hver af öðrum, stútfullir af spennandi stundum er móta vikurnar í lífi okkar.  Í dag er árla morguns á þriðjudegi, heimasætan fær sér morgunmat áður en haldið skal í skólann, Haddan mín svo dugleg þessi elska.  Eldhúsið mitt ilmar af olíulitum og terpentinu, lykt sem ekki allir þykja góð en þessi ilmur gælir við ljúfar minningar sem veita sálinni ró.

Þegar við opnum augum þá verða litirnir dýpri og skærari, þeir smita út frá sér og endurspeglast þúsundfalgt í fallegri birtunni ....  Ég ætla að hafa augun opin í dag og hafa þau með mér.  Stundum er allt til alls en við gleymum að nota skynfærin okkar í réttum tilgangi.  Rétt eins og þegar við leggjum til hlustir þá heyrum við óminn og skilaboðin á mætan hátt.

Í bláa bollanum mínum er nýmalað kaffi sem kona dreypir á með morgunfréttunum.  Ekki ein frétt um eitthvað fallegt eða fjörugt.  Ekkert nema NEI kvætt stöff.  Best að slökkva á fréttunum og finna til penslana og nota tímann sem þýtur hjá, grípa stundina og gera hana að töfrandi minningu.

 

 

 

 

 

 

 

 

 

 

Kær leikur keramikþakflís 40 x 20

Í leik kærleikans ætlar "kvenndið" að takast á við daginn  

Athugasemdir

[Ásdís Sigurðardóttir, 3.11.2009 kl. 13:32]

Þegar þú skrifar orðið kær leikur í tveim orðum, verður það einhvernvegin miklu dýpra.  takk ok knús

[Ein-stök, 4.11.2009 kl. 10:36]

Svona á lífið að vera.. meira eins og hugleiðsla heldur en endalaust kapp við klukkuna eða samansafn af verkum sem ÞARF að gera. Dásamlegt  

Sammála þér með að sleppa bara fréttunum.. þetta er agalegur harmasöngur flesta daga

Eigðu ljúfan dag í kærum leik

[Jóhanna Magnúsdóttir, 4.11.2009 kl. 23:17]

Leikur sá er mér kær!

[Rósa (IP-tala skráð) 6.11.2009 kl. 10:15]

Knús í daginn fallega hugsandi (skrifandi) kona

[Sporðdrekinn, 6.11.2009 kl. 21:17]

Knús

[Kristín Katla Árnadóttir, 9.11.2009 kl. 08:40]