Morgunstundin ljúfa ....

Ég horfi á þig svartsleginn með gullið form á höfðinu, glæzilegur ertu kæri vin með þínar hnausþykku og stífu fjaðrir.  Flögraðu nú uppí háloftin og færðu mér glýjuna er birtir í augum í þér.

Krunkaðu hátt og hafðu hægt því við erum svo mörg um þetta eilífðar kapphlaup.  Ég sé djúpt í sál minni lífsbrot, þitt frelsi.  Fljúgðu, fljúgðu hátt!

Miðvikudagsmorgun með kaffibolla í hönd, hugurinn flöktir eins og hvítt línið á íslenskum eftirmiðdegi.  Ilmurinn af nýslegnu grasi teygir hönd sína í piparköku því jólin eru ekki svo langt frá.  Ekki nema 23 dagar til jóla.  Af nógu er að hyggja því allt á að gerast á svo skömmum tíma.

Allt hvað, spyr sálin sálina er rýnir í rjúkandi kaffibollann.  Allt og ekkert, slaka á og njóta friðar.  Fara jafnvel í guðshús og finna kærleikann er streymir í æðum okkar.  Hlusta á kór líkamans er lifir daginn.

Það er hátíð á næsta leyti sem vonandi færir okkur öllum, kærleikann, friðinn og vonina.  

Það er eitthvað svo jóló að sjá hann

rauðklæddan og rjóðann.

Sjálfan sveinka, hinn ljúfa

spúsuna sína kúra.

Fullsnemmt að segja gleðileg jól en gleðin ríkir þangað til.

 

Athugasemdir

[Elín Björk, 3.12.2010 kl. 22:00]

Vá, er þetta hóm meid piparkökuhús a la Zordis???

[www.zordis.com, 5.12.2010 kl. 14:45]

Já, og nú er að leggja í hús númer 2.  Alveg spurning að reyna að hafa það fallegra en frumraunina hehe

Knús á ykkur í piparkökugerðina.

[Elín Björk, 6.12.2010 kl. 00:41]

Brilljant! Rosa flott! Ég hef ekki lagt í húsagerðina ennþá... sjáum til hvort úr því verði somdei :)
Knús á móti engill!