Sunnudagstilfinning = brjálæðislega löng helgi :-)

Við hjónakornin fórum í gærkvöldi út að borða með vinum okkar.  Leiðin lá á veitingstað við smábátahöfnina í Cabo Roig.  Það voru ekki margir sem nutu félagsskapar okkar nema miskrúttlegir þjónar sem biðu í ofvæni eftir lokun staðarins.  Við yfirgáfum pleisið rúmlega 22:00 sem þykir nú ekki seint á spænska vísu.  

 

Oft hefur þjónustan verið betri en félagsskapurinn bætti upp sofandi andrúmsloftið.  Við völdum gott vín með matnum "Muga Crianza" sem er einstaklega bragðgott og létt á tungunni.  Ég las yfir vínlistann og sá að þeir bjóða ekki upp á kampavínið sem mér þykir svo gott og gantaðist ég aðeins um það við einn þjóninn sem fattaði ekki "woopýskar gjörðir" mínar.  

 

Í forrétt brjálæðislega góður Foi de Strassburg .......

Í aðarétt var nánast hrá Nautalund með gráðostasósu .....

í eftirrétt kaffi og cointreau hellt yfir fullt glas af muldum ís
 

 Eftir frbæran mat fórum við á Karokí stað til að prófa hljómgæðin í kerfinu.  Það sem fáir vita er að ég er söngkona .  Hef gaman af söng, meir að segja hef sungið inn á hljómplötu sem er vinsæl ár hvert um jólaleytið.  Burt séð, þá stendur til að starfsfélagar geri sér glaðan dag um miðjan febrúar og munum við snæða ítalskt léttmeti og syngja í karokí og hafa smá keppni!  Niðurstaðan er að hljóðkerfið er gott og mun ég beita öllum mínum trixum til að vinna til verðlauna! 

 

 

Þótt ég sigri ekki mun ég ljóma og gleðja sal og hjörtu.

Bjartur dagur, nokkrir regndropar sem væta jörð.

3 kerti brenna til heiðurs trúarinnar, vonarinnar og kærleiksins 

Það fjórða lýsir til heiðurs þér

Eigðu góðan dag 

Athugasemdir

[www.zordis.com, 3.2.2007 kl. 15:54]

Fræg, já það má nú segja.  Bakraddarsöngur með honum Ómari skemmtilega Ragnarssyni.  Ógleymanleg minning sem hann gaf 12 ára barninu en hljómplatan heitir í Hátíðarskapi og sungum við 3 stúlkur úr kór Vesturbæjarskólans með honum og hann var sem dæmi að klára að semja og laga texta þegar upptökur fóru fram.  Ragga Gísla kenndi okkur söng og jók áhuga okkar á hljóðfærum .......  Vona að frægðin tylli sér hjá mér af annari listsköpun en sönglistinni. 

Máltíðin kostaði fyrir 4, allir með forrétt, aðalrétt og eftirrétti tæpl. 190 evrur sem eru tæpar 17.000 íslenskar! 

[Vatnsberi Margrét, 3.2.2007 kl. 23:22]

Girnilegur matseðill mmm. Mig rámar nú eitthvað í söng frá frúnni í den og þróunina í myndlistinni ;) Knús til ykkar suður :)

[Guðríður Hrefna Haraldsdóttir, 4.2.2007 kl. 00:12]

Flottur matseðill! Nammi, namm, og ekki dýrt! Þú ert sem sagt svona ofsafræg eins og ég ... það getur enginn gleymt bláu öxlinni á sjúklingnum sem ég lék í Heilsubælinu, ég var þvílíkt sannfærandi sjúklingur ... hehehehhe

[www.zordis.com, 4.2.2007 kl. 12:58]

Já, Margrét manstu eftir hljómsveitinni sem sum okkar gauluðum í. Sú minning var á gráa heilasvæðinu en er nú ljóslifandi þökk sé þér.  Knús til þín og þinna. 

hehehe, Gurrí, já ofsafræg er rétta orðið   get enn sem komið er gengið teinrétt án þess að fá sinaskeiðabólgu af eiginhandaráritunum ........

[Lisa (IP-tala skráð) 5.2.2007 kl. 00:33]

Ein af mínum uppáhalds jólaplötum

[www.zordis.com, 6.2.2007 kl. 19:34]