Vambfylli af ást tengdamóður .....

Rólegheitin fyrir svefninn.  Þegar börnin eru komin á vit ævintýra draumalandsins, þegar þögnin ýtir undir aðgerðarleysið.  Veðrið er búið að vera hreint dásamlegt í dag og við fundum okkur í faðmi tengdafjölskyldunnar.  Það er alltaf notalegt að koma heim og taka þátt á þann eina máta sem mér er mögulegt.  

Á sunnudögum erum við eins og eðalborin og njótum velvilja tengdaforeldranna.

Í hádeginu var eftirfarandi; 

Pönnusteikar rækjur sem er gjörsamlega puttasleikjandi dæmi um forrétt

Freyðandi ísjökulkallt kampavín (já ég er heppin með fjölskyldu)

Matarmenning fjölskyldu minnar er þessi dæmigerði miðjarðarhafsmatseðill, er byggist upp af grænmeti og ávöxtum, soð með vænni kjötbollu, linsubaunir, kjötsúpur og hrísgrjónaréttir svo eitthvað sé nefnt.  Í raun tel ég ekki upp allt sem einkennir þessa matargerð enda væri það of langur listi en ferskt fiskmeti er geysivinsælt og girnilegt.  Allskyns þurrkaðir ávextir og svo mætti lengi telja.  

Á sunnudögum er "Arroz y Costra" sem er hrísgrjónaréttur sem eldaður er í potti, kjúklingur eða kanínukjöt, kryddpylsur og saffran ... ógó gott.  Síðasta "tötsið"  eru eggin sem eru þeytt, hellt yfir og látið krauma í ofninum.  Vænsta soufflé verður úr þessi og Frú Zordisi finst það best milli blautt!

Södd og sæl eftir daginn.  Börnin léku sér við frændsystkyn sín.  Kisan Tigrílla lét sér líða vel og fékk þónokkur klór frá heimilisfólki enda búin að verja virkið eins og Tígrisdýri sæmir.

 

 

Þjóðarréttur Spánverja er án efa Paellan, hrísgrjónaréttur með sjávarfangi, með kjöti eða grænmeti einu saman.

 

Glaðlyndi skemmir ekki fyrir og jafnan er dreypt á spænsku víni sem er framleitt í hérúðum í nágrenni.  Rioja vínin standa samt alltaf fyrir sínu.

 

Takið eftir fallegu glösunum sem eru á myndinni.  Væri alveg til í dúsin af þeim.

 

Njótið kvöldsins kæru vinir 

 

 

 

Athugasemdir

[Kristín Katla Árnadóttir, 11.3.2007 kl. 22:15]

Ég fæ bara vatn í munninn, mér langar svo í þennan mat. Mikið er þetta allt fallegt hjá þér.

[Hugarfluga, 12.3.2007 kl. 09:26]

Mikið rosalega er þetta girnileg lýsing hjá þér! Er tengdafjölskyldan spænsk?? Og glösin .. ji, ég gæti skreytt heimilið mitt með svona glösum!

[Vatnsberi Margrét, 12.3.2007 kl. 09:52]

Girnilegur matur og fínt að njóta dagsins svona.

Mig minnir að mamma og pabbi eigi tvö svona falleg glös ;)

[Solla Guðjóns, 12.3.2007 kl. 09:56]

Ádiskinn minn namminamminamm

Knús á þig sæta.

[Margrét M, 12.3.2007 kl. 11:30]

ummm ferlega girnilegt, já falleg glösin á myndinni ..

[www.zordis.com, 12.3.2007 kl. 11:49]

Tengdó eru spænsk Hugarfluga, í hádeginu bíður mín sérlagaður grænmetisréttur þar sem ég lifi bara á ávöxtum og grænmeti frá mánudegi til föstudags ....

Amma heitin átti svona öskubakka þ.e. úr sama munstri og glösin.  Fyndið og amma reykti ekki þessi sæta dúlla!