Svona getur Skruggan malað .....

Kæru  vinir og fjandans menn, sem aldrei skilja eftir sig hvorki éttu skít né hallelúja .....  Æj, nú er ég bara að grínast, langaði að vera þessi harða og hrjúfa típa sem klórar sér í rassinum á laugarveginum og lætur ekkert stugga stakri rónni nema, hvað? 

 

Það vita sem mig þekkja að ég er forvallin kampavínskerling og elska að breyta um háralit .... mætti halda að ég ætti ekki bara bakarí og blómastúdío heldur líka hárgreiðslustofu.  Svo á ég listagallerý og hrísgrjóna akra ...... Smurbrauðsstofu í köben og ísbúð í Sweden ..... land í Afríku þar sem ég rækta bullur og bullandi vesen í sjálfri mér ... Nei, nei alls ekkert vesen að vera ég

Ég ákvað að sýna ykkur 2 myndir sem ég notaði á samsýningu fyrir 9 árum.  Það var ein kona sem sýndi áhuga á kaupum en ekkert varð úr og ég flutti úr landi fljótlega eftir þessa sýningu og geymi myndirnar fyrir hana ef ske kynni að hún setti sig í samband við mig aftur

Það er bara svo mikið grín í mér á þessum sæla brennheita sumardegi.  

Mamma hringdi í mig og bað mig um að klára mynd sem ég gaf foreldrum mínum í gjöf þegar þau keyptu sér nýtt hús nú um daginn.  Það verk er málað undir andlegri leiðslu og minningu um mann sem yfirgaf okkur og skildi eftir pakka til að gera okkur að betri mönnum og konum.

Ég er að átta mig á hvað þessi maður gerði í raun mikið fyrir mig og ég vona að hann sé sá guð í verunni að fyrirgefa þeim mannlega litla manni sem ég er.  Fyrirgefðu mér elski Afi að hafa hugsað eins og ég gerði að vera það sem ég er ............ ég veit að þú horfir stundum á mig og ég veit líka að þú ert sáttur við þessa kvensnift sem heldur á logandi kyndli, keppist við að halda lífi í tilverunni.

Þegar ég vel slóðina mína þá veit ég að ég vel hana ein, ég stíg skrefin ein með hjálp svo margra sem skilja eftir sig fjaðrir af himnum.  Ég get ekki annað en horft inn í eilífðina mína sem er svo græn.  Ég ligg á jörðinni sem er útgrátin og blaut, hvað höfum við gert .... mennirnir kunna ekki að meta blóð og líkama þess er fórnaði lífi sínu, það er komið að okkur að vera gegnsæ í heimi þrauta og þyrni stráðri hamingju er blossar frá tifandi hjarta er brennir iljar sínar á steiktri gangstéttinni.

 

 

Eins og ávallt er ég komin út fyrir öll bil, allar línur enda er ég leitandi á hinni einu sönnu leið lífshamingju.

Ég er hvorki kristin né helg, ég er hvorki né í heimi þessa darraðadans og trú á það góða afl sem sá hvíti styrki sendir mér alla daga.  Í dag er ég svona og á morgun verð ég önnur, ef ég vil!

Ég get ekki meir en það sem máttugur sá er umlykur veitir mér.  Ég þarf að svífa og fara héðan en minn tími er ekki komin.  Ég bíð og hinkra af stóískri ró og þolinmæði.  Þolinmæði er eitthvað sem ég kann enda liggur mér ekki á.  Í bið minni hef ég skapað mér fallegt umhverfi og sett fólk sem ég elska allt um kring.  Ég hef hitt þig sem staldrar við hjá mér, ég gef þér pláss til að skeggræða við mig um allt sem þig langar.  Láttu mig vita um hvað þú vilt tala því ég get alltaf rætt um mig við mig!  Ég stend á skýji, ligg í grasinu, er hluti af þeim alheimi er Guðsóttinn skapaði, ég er ein í þér, sá hluti sem þú elskar mest!  

Kærleikurinn erum þú og ég, saman hvort í öðru!  Vertu með mér í þessari hugsun

Þessi litla kona er ég ....... engin önnur, uppfull af ást og helgileikjum.  Þessi kona vill hafa hlutina eins og henta hverju sinni.  Þessi kona skiptir um skoðun á hverjum degi, stólaðu á hana ef þú vilt, hún er steingeit ef það segir þér eitthvað.  Hún þykir hvorki fugl né fiskur og reynir að tilla sér innan um sína líkfa.  Læf is vott jú meik itttt og mitt er í hnotskurn, það sem ég hef gert.

Það er kominn tími til að gera hlutina, opna augun og strjúka sér um vömbina .... spurning hvort ég strjúki mér fyrir ofan eða neðan nafla!  

En svona í lokin þá gifti ég mig um daginn, það var gaman.  Fjallið mitt veit kanski best um hverju hann lofaði sínum Kaþólska Guði og öllum þeim mönnum sem mættu.  Ég var sko  með hrísgrjón út um allt marga mánuði á eftir sem og kampavínsbragð ................

Oooog ég er bara nokkuð sátt og sæl með mitt sokkaband, með minn mann og alla hans fjölskyldu.  Gæti ekki hafa fengið betri tengdó eða betri díl .....

Ég gerði sko góðan díl þegar ég náði að narra Fjallið mitt upp krikjugólfið .... Já, ég er sigurvegari dagsins enda er Sunnudagur sá yndislegi sæludagur! 

Athugasemdir

[Doddi - Þorsteinn G. Jónsson (IP-tala skráð) 29.4.2007 kl. 11:23]

Life is indeed what you make it ... sannlega og fallega mælir þú, eins og ávallt, elsku besta Zordis dúlla. Mér finnst bloggið þitt yndislegt, en þú fyrirgefur vonandi að í huganum mínum er enn föst mynd af konu klórandi sér í rassinum á Laugaveginum ...

Fegurð getur birst í svo mörgum formum, og stundum sé ég svo mikla og óbeislaða fegurð í orðum. Þess vegna finnst mér svo gott og hollt að lesa bloggið þitt.

[Kristín Katla Árnadóttir, 29.4.2007 kl. 13:07]

Þessar myndir eru rosa fínar eins og allar myndirnar sem þú hefur sýnt okkur hingað til kæra vinkona

[Guðný Anna Arnþórsdóttir, 29.4.2007 kl. 14:45]

Mér finnst þessar konumyndir, af rauðu og bláu konunum, alger snilld. Skil ekkert í kaupandanum að hafa ekki vitjað þeirra.  - Til mikillar hamingju með giftinguna. - Zordis, viltu segja mér aftur, hverjir voru forledrar þínir og afi og amma á Eskifirði? Þegar ég ætlaði að fara að gera Unni vinkonu grein fyrir þér, fór allt í rugl hjá mér. Please, help!

[Guðný Anna Arnþórsdóttir, 29.4.2007 kl. 14:45]

PS: Ég gerði kommentið í alls konar litum, en þeir koma aldrei framm í kerfinu, arghhh!

[www.zordis.com, 29.4.2007 kl. 17:16]

Elskurnar mínar allar .... þið eruð hetjunar mínar!

Guðný Anna ... Amma mín er Eskfirðingur með brún og yndisleg augu!  Hún hefur haldið augunum alveg sér því ég fékk græn aðrir grá og flestir blá sem koma af hennar legg.  Amma mín heitir G. Sigríður Gísladóttir dóttir Gísla og Jónu Ingibjargar í Sjóhlíð.  Bræður ömmu eru Kiddi og Bjarka er búa enn á sama staðm, Oddný Gísla ekkjan hans Sigga í Landsbankanum .... Mágkona Jóu hans Jonna frænda og og og .... Guðný frænka býr í eyjum og Einar frændi bróðir hennar á Stokkseyrarbakka.  Ég bjó á Hóli fyrir neðan hann Indriða og flutti svo í næsta hús við Barnaskólann og kenndi Guðjón mér í 7 ára bekk, faðir Evu!  

ég er nú ekki allra besta ættfræði kind en kind engu að síður.  Frændi minn Þórhallur var í bekk með Bigga bróðir og Violetta kenndi mér blokkflautufræðin!

Knús á ykkur öll því þið eruð einstök og formið tilveru mína í bloggheimum! 

[www.zordis.com, 29.4.2007 kl. 17:50]

"Hóst" SJÓLIST var húsið þeirra kallað ....... man ekki götuheitið en það er hinum megin við ánna sem Oddný frænka bjó við ....

[Svava frá Strandbergi , 29.4.2007 kl. 18:28]

Til hamingju með giftinguna zordís mín. Þetta eru æðislegar myndir hjá þér.

[Guðný Anna Arnþórsdóttir, 29.4.2007 kl. 18:37]

Takk fyrir upplýsingarnar; nú rifjast þetta einmitt upp fyrir mér! Gaman að rifja svona upp að heiman, tengsl og venzl. Takk, takk!

[www.zordis.com, 29.4.2007 kl. 18:42]

Guðný Anna;  Ég er nú alveg GAGA að kalla ömmu mina elskulega Sigríði .... Veit nú ekki alveg hvað er að mér en hún heitir SIGRÚN Gísladóttir G ið stendur fyrir Guðríður en það nafn hefur hún ekki notað!  Jy hvað ég ég er klikk núna ....

[Heiða Þórðar, 29.4.2007 kl. 19:37]

Þú ert yndisleg! Jebbs, eitt orð yfir það

[bara Maja..., 29.4.2007 kl. 23:16]

Ég er að falla fyrir grænu myndinni þinni,,, jæks hvað ég hlakka til að sjá hana kláraða... hvað er hún stór ? Til lukku með giftinguna

[www.zordis.com, 30.4.2007 kl. 06:11]

Búkolla ..... Ætli myndin sé ekki 89 x rúmur 1 ...... Myndin er fullkláruð   Á hvíta fletinum skín í Tré og blóm.  Fyrir mér er þetta ljosið í skóginum, eins og þú liggir og horfir upp í heiminn eða þegar heimurinn horfir á þig ......

[Katrín Snæhólm Baldursdóttir, 30.4.2007 kl. 07:31]

Zordis er ekki heppin kona..hun er skapandi kona. Skapar sitt hugarfar og skapr serhvern dag og með hugsunum sinum og opnum tilfinningum dregur hun að sér enn meiri dýrð og dásemd. Svona líf kemur bara ekki "fyrir " éinhvern. Viðkomandi skapar sér það sjálfur. Og allir skapa sitt líf. Zordis virðist bara hafa masterað þann galdur. En er það ekki frábært að akkúrat þannig vinnur lífið?

Og að þessi græna mynd er alveg dýrð líka??? Og af konunum rauðu og bláue

Jamm Eigið ykkur dýrðardag og það hjalpar sko að setja mann í rett mood að koma við og fá sér sopa af þessari uppprettu hjá henni Zordísi

[Ólafur fannberg, 30.4.2007 kl. 08:18]

fínar myndir

[Solla Guðjóns, 30.4.2007 kl. 08:51]

Þarna þekki ég þig.Hef ekki séð bláu og rauðu áður.Myndin Ég eða sko þú,ert þú,mynnir mjög á Írisi Höddu.Til hamingju aftur með giftinguna alla sem það snerta.

[bara Maja..., 30.4.2007 kl. 21:06]

Jösses hvað ég er glötuð  heyrðu ég er þá FALLIN fyrir grænu myndinni þinni