Lífið í lit

31.3.2008 | 21:56

Að koma á óvart, alveg óvart!

Varð bara. (Jóan þessi færsla er fyrir þig thi hi hi hi hi)

Hann liggur í skel sinni, hefur varann á sér og lifir af ótrúlegustu þrautir og er lífseigur fjandi. K....................n getur lifað af og þolir allt að 130 sinnum meiri geislum en maðurinn ef til kjarnorkugeislunar kæmi en að sjálfsögðu myndi hann andast ef hann væri nær kjarnaupptökum geislunar. Ástæðuna má rekja til litningagerðar dýrsins, ekki beint gælulegt gæludýr en dýr engu aðsíður.

Svart er smart en hann er líka brúnn og það væri t.d. dásemd að útbúa eyrnalokka úr lökkuðum k...........................m. Parið kostar ekki mikið en þessir lokkar munu gefa þeim sem þá bera mikla gæfu! Alveg satt ........

Þið sem viljið leggja inn pöntun Whistling

Opinberum kvik "yndið" sjálfur kakkalakkinn er kvikk og getur skotist í minnstu smugu og þykir gott að hlýja sér á ómöluðum hlýjum kaffibaunum og þrífst vel í raka. (er by ðe way að drekka kaffi frá kaffitár).

Þess má geta að það fyrirfinnst gerill sem er með meiri geislunarþol en kakkalakkinn er nefnist Deinococcus radiodurans, já og hér erum við að tala um þrjúþúsundfalt geislunarþol á við mannskepnuna. Er það ekki dásamlegt!

Guð blessi allar lífverur jarðar. Fagrar sem fagrar og stórar sem smáar. Það er ekki fegurðin sem skiptir máli, heldur tilgangur og gæði viðkomandi vera. Við erum jú öll ein heild þegar upp er staðið! Öll með hlutverk sem öll skipta máli.

Fagur er hann svartur að lit

harður undir tönn

undir niðri mýktin ein

lifir af í fönn

andlistfríður harmakvein

hræðir ra og menn

lífsins gæði hugsun ein

kakkalakkageim

Hann er vissulega spennandi en af flestum ógeðfelldur blessaður anginn, þó hvergi banginn.

* upplýsingar um kakkalakka eru fengnar á vísindavefnum

Flokkur: Menning og listir | Breytt s.d. kl. 22:00 | Facebook

Athugasemdir

Helga kanski að fyrstu lakkalokkana fáir þú þegar ég kíki við í sumar!

Jóan, úff, stundum finnst mér ég vera ófædd eða annarsstaðar! Veit ekki hvort það er gott en ætla að njóta verunnar í gleði

www.zordis.com, 31.3.2008 kl. 22:20

Þú ert dásamleg alltaf svo hugmundarík.

Knús inn í nóttina

Kristín Katla Árnadóttir, 31.3.2008 kl. 22:26

Þú ert ótrúleg! en kakkalakkar bjó í návígi við svoleiðis kvikindi í heilt ár í Los Angeles og hef ekki jafnað mig síðan

Knús í nóttina Þórdís

Huld S. Ringsted, 31.3.2008 kl. 22:45

Kynntist þessum blessuðum kvikindum á Skodsbrog Sanetorium, á síðustu öld. Segi eins og Ringarinn, hef ekki jafnað mig að fullu ennþá. Sum lífsverkefni eru seigari undir tönn en önnur.

Guðný Anna Arnþórsdóttir, 31.3.2008 kl. 22:47

Já smá skondið við systurnar vorum einmitt að panta okkur ferð út í sumar en lentum í því að íbúðirnar okkar sl sumar voru morandi í kakkalökkum (hrollur) en þeim var eytt nánst held ég sáum þá ekki eftir fyrstu vikuna og við verðum á sama stað og vorum einmitt að ræða um þá heilmikið í dag vil nú helst ekki að þessi kvikindi laumist í töskuna mína og með mér heim En fannst fyndið að þú kæmir svo með þessa merkilegu færslu Hafðu ljúfa viku mín kæra