Tilfinningarnar láta ekki sussa á sig ...

Ég er svo glöð yfir dotlu og hjartað í mér er meirt yfir dotlu.  Það má nú segja að tilfinningarnar taka engu tjasli þegar útrás hjartans hefur flæði sitt.

Mig langar að senda sterkri konu yndislega strauma og senda henni brot af mínum kærleikshugusunum.  Skrítið hvernig við þekkjum okkur lítið þegar við þekkjum okkar samt alveg helling.

Ég á litla postulínskúlu sem er með myndum af englum og blómum.  Í þessa litlu kúlu ætla ég að setja ástina, vonina og kærleikann og vona að það sáldrist jafnt úr henni til okkar allra.

Í augnkrók læðist lítið tár

gleðinnar hrókur fagnaðar

ástin og engill bæta sár

er þér hlúa ljúfa kona.

Tárið niður vangann æðir

það snertir mína sál

rödd þín hjartað kærleika gæðir

duglega yndis kona.

Tárin eru demantar sem koma frá sálinni ... það er gott að gráta

.......

Hvad er betra en ástin

 

Athugasemdir

[Inga Helgadóttir (IP-tala skráð) 7.6.2008 kl. 12:52]

Ég átti móðursystur sem var mér, og öllum öðrum, afskaplega góð.  Ég var einhverju sinni í gæslu hjá henni sem lítil stelpa, við sátum við eldhúsborðið hennar og röbbuðum saman, hún var eflaust að hvetja mig og telja í mig kjark.  Ég var alltaf örugg nálægt þeirri konu. 
Einhverju sinni sagði ég henni að þegar ég yrði stór myndi ég verða ofsalega rík og þá myndi ég að gefa henni gull og demanta í massavís.  Hún brosti bara og þakkaði mér fyrir það.
Svo varð ég stærri og ekkert átti ég gullið og enga demantana til að gefa henni.  Svo ég málaði mynd við ferskeytlu eftir Stein Steinarr og gaf henni. 

Þó að leiðin virðist vönd
vertu þá aldrei hryggur.
Það er eins og hulin hönd
hjálpi er mest á liggur.

Hún rammaði myndina inn og hafði upp á vegg hjá sér og þar hékk það þangað til hún dó.  Gull og demantar geta komið í margskonar myndum.

[Guðný Anna Arnþórsdóttir, 7.6.2008 kl. 14:12]

[Ásdís Sigurðardóttir, 7.6.2008 kl. 18:26]

Falleg færsla elskulegust  líka það sem Inga segir okkur frá gull og demantar liggja í mörgu   Kær kveðja í góða veðrið, hér rignir og blæs og þoka.

[Ólöf Jóhanna Pálsdóttir, 7.6.2008 kl. 18:59]

Ástin er taug sem tengir saman jarðkringluna.

[Elín Björk, 7.6.2008 kl. 20:18]

Hjúts knús á þig engillinn minn
Síjú verrísún

[Hrönn Sigurðardóttir, 7.6.2008 kl. 21:54]

Og enn nærðu að snerta hjarta mitt

[Svava frá Strandbergi , 8.6.2008 kl. 00:19]

[Lilja Guðrún Þorvaldsdóttir, 8.6.2008 kl. 03:21]

þakkir til þín!

[Heiða Þórðar, 8.6.2008 kl. 10:41]

Ástin er best, flottust og mest...sigrar allt

[Kristín Katla Árnadóttir, 8.6.2008 kl. 14:32]

Til þín og þinna elsku Þórdís mín sem alltaf er svo góð.

[Sporðdrekinn, 8.6.2008 kl. 17:19]

Þú ert svo falleg og orðin þín!

Ljóðið er fallegt, ég feldi demant við lesturinn

Ekkert, ekkert er betra en ástin!

[Huld S. Ringsted, 8.6.2008 kl. 23:52]

[Steinunn Helga Sigurðardóttir, 9.6.2008 kl. 16:31]

þú ert bara yndisleg, bara að þú vitir það !

Blessi þig inn í fagurt kvöldið, með fugl á grein.

steina 

[Sesselja Fjóla Þorsteinsdóttir, 10.6.2008 kl. 15:12]

Vá þvílíkt fallegt, er þetta fallega ljóð eftir þig ?????????????????  Fékk það að láni á mína síðu, huggun til konu sem er mér svo kær.

[www.zordis.com, 10.6.2008 kl. 19:59]

Takk fyrir innlitið kæru bloggvinir !!!

Ljóðið er samið til kærrar konu sem hefur átt við bágt að stríða, barist við líf sitt og gefur frá sér styrk til allra.  Hún á vissulega erfitt og stríðið hennar er ekki frá!

Ljóðið er það minnsta sem ég get gefið svo göfuri sál!