Glimmer og glansmynd jólanna ...

Nú fara Spánverjar að hella sér gjörsamlega í jólahátíðina og nú um helgina mun fólk gleyma sér í jólaskreytingum og setja jólatrén í skrautbúningi á verandirnar hjá sér. Jólatrén eru af flestum utandyra þar sem að hitaskil eru frá 14 til 20° .... Það getur hins vegar brugðist og kuldinn læðir sér niður í 5° brrrrr og tannaglamur!

Þann 6. desember halda Spánverjar hátíðlegan í tilefni þess að stjórnarskráon var undirrituð þann sama dag árið 1978. Einvaldið var að baki og við tók hið svokallaða lýðræði sem við Íslendingar fögnuðum 1. desember til 90 ára.

Jólahald er að mörgu leyti frábrugðið því sem við Íslendingar eigum að venjast en engu að síður yndisleg upplifun. Ég man þegar ég fagnaði fyrstu jólastundinni með tengdaforeldrum mínum og unnustanum spænska. Hann var yfir sig rólegur í vinnugallanum sínum (smekklegur að vanda drengurinn) og við mæðgur vorum að punnta okkur fyrir eftirmiðdaginn. Dóttlan fékk kóngabláan fínflauel kjól og slaufu í gyllta lokkana sína. Mamman fór í skósíðan kjól og jakka úr hör með hárið í hnút. Þokkalega sætar og fínar fórum við svo að "herragarði" tengdó þar sem að mágkona mín og hennar dætur voru á jogging göllum, tengdamamma með hversdagssvuntuna og tengdapabbi að slá grasblettinn með grasgrænu á hnjánum.

Jólin komi við klukknahljóm og allir voru í sínu stresslausa umhverfi að gera sína hluti, innifyrir var búið að handera sjávarréttarhlaðborð; rækjur og skeljar, þurrkaður saltfiskur og þurrkuð hrogn, krabbaklær og hnetur og svo mætti lengi telja að ógleymdu soði sem er jafnan á aðfangadagskvöld.  Við mæðgurnar vorum ofsalega fínar og sætar en eitthvað fannst mér óþægilegt að vera svona öðruvísi.  Ég hef haldið í siðinn okkar og  tengdafjölskyldan heldur sinni, kanski ég hafi slakað aðeins á ef eitthvað er.

Ég gæti endalaust fjallað um jólin og það sem við gerum.  Til dæmis, spilum við á gítar og syngjum okkur hás áður en að miðnæturmessan hefst.  Við tökum upp gjafir frá jólasveininum að morgni 25 des þar sem að það er hefin hérna megin hafsins og allir sáttir með það.

Þegar hér er komið við sögu þá eru jólin rétt hálfnuð því að spænsku jólin byrja að kvöld 5.janúar!  Já, tvöföld gleði hjá elskulegum börnunum, tala nú ekki um gleðina mína að vera áhorfandi minna.

 

Kanski full snemmt að segja Gleðileg Jól en hæfir færslunni. 

Athugasemdir

[Hrönn Sigurðardóttir, 4.12.2008 kl. 17:31]

Já sinn er siður í landi hverju - en það hefði getað verra! Eins og maðurinn sagði sem kom eitt sinn og lagaði sjónvarpið fyrir mig........ :) Þið hefðuð getað verið í jogginggöllum og allir hinir fínir.

Góðar stundir í Spanjóla og sígaunaveldi, mín ljúfust

[www.zordis.com, 4.12.2008 kl. 17:40]

Hrönn, það hefði nú verið saga til næsta bæjar ..... í svona hnökruðum 3ja ára bómullarjoggingalla .... Sígaunarnir sækja í sig veðrið!

[Ásdís Sigurðardóttir, 4.12.2008 kl. 18:26]

Eru ekki 5 í plús hjá þér kaldari en fimm í mínus hjá okkur hér heima.

[Rósa (IP-tala skráð) 4.12.2008 kl. 20:09]

Flott að vita að jólahátíðin er svona róleg að spænskum sið.

Jólaknús í hús

[Kristín Gunnarsdóttir, 5.12.2008 kl. 11:23]

Altaf gaman að heira um öðruvisi jól. Kærleikur til þín

[Steinunn Helga Sigurðardóttir, 5.12.2008 kl. 15:38]

ég man einmitt eftir fyrstu jólunum okkar hérna í dk. Við fórum fyrir það fyrsta á jólaskemtun á skóladagheimilinu hans sigga, í okkar fínasta pússi, uppsss. Við vorum þau einu sem voru svona fín, allir hinir bara í venjulegum fötum.

einnig fórum við í kirkju á kristjánshöfn, í okkar fínasta pússi. allir hinir ósköp venjulegir. við erum þó enn fín á aðfangadagskvöld, en restina í jogging !!!

knus til þín

s

[Margrét M, 5.12.2008 kl. 16:33]

mér finst frábært að jónin séu ekki eins allstaðar.. gott væri fyrir fólk að prófa að vera annarstaðar en heima ..