Þegar piparkökur bakast ...

... kökugerðarmaður bla bla ....

Konan er að fara á límingum í því að líma saman líkan af piparkökuhúsi.Sonurinn sagði við mig rétt í þessu; mamma er þér ekki sama þótt ég fari og leiki mér? Það var hann sem vildi ólmur gera húsið og ég gaf eftir.

Við sváfum út eins og sveskjur og ég vaknaði allt önnur!Ég þekkti mig ekki í speglinum (af því ég var önnur) var með ógurlega martröð í nótt (hugsanlega frapinið að lækna hálsstöðina) .... mín var á leið til Bandaríkjanna og það var búið að stela ferðatöskunni minni, farmiðanum og peningunum ..... Ég var svo lost að það hálfa væri nóg, talaði tungum í draumnum en vaknaði heil á húfi með litlar tær og lita fingur í hálsakotinu.

Ég er langt komin með piparkökuhúsið og get nú bara svarið það að það að líma er ekki neitt svo einfalt, bíða eftir að límið þorni og að húsið sé hornrétt ..... Kanski er flórsykurinn of þunnur hjá mér (sennilegast) ....

Það er mildur dagur, ég hef opið út og birtan leikur sér niður ljósopið. Það er að skella í hádegi og eitthvað verður familían að narta því annars fara litlir herramenn að kvarta.

Set inn mynd seinna af konunni sem fór á límingum!

Aðventukveðjur til ykkar allra.

Athugasemdir

[Ásdís Sigurðardóttir, 8.12.2008 kl. 13:07]

Gastu notað uppskriftina frá mér? mér finnst hún svo góð. Hlakka til að sjá húsið ykkar.  er þig nokkuð farið að dreyma bleika fíla??

[Kristín Katla Árnadóttir, 8.12.2008 kl. 13:36]

Voðalega ertu myndarleg að búa til piparkökuhús. Þetta var hræðilegur draumur gott að þetta var bara draumur.

Kær kveðja elskan.

[www.zordis.com, 8.12.2008 kl. 13:45]

JÆJA húsið fór í klessu þegar ég ætlaði að fara það af álpappírnum á sinn stað! Það er litið við því að gera og gera bara eins og í kvikmyndaheiminum ..... TAKA TVÖ!

Ætla að hvíla mig á þessu og fara með familíunni út að borða í hádeginu en það er frídagur hjá Spánverjum og við njótum þess að hafa átt langa og ljúfa helgi.

Ásdís, engir bleikir fílar enn, en er með fíl í huga fyrir þig!!!

[Hrönn Sigurðardóttir, 8.12.2008 kl. 13:50]

ojojojojojojojojoj - fátt eins ergilegt. Gangi þér vel með töku tvö