Lítið leyndarmál ...

... Að umvefja þig leynd þangað til rétti tíminn kemur. Í eyra mitt hvíslaðir litlu leyndu máli sem ég ákvað að geyma með þér.  Tilhlökkun eða kvíði, væntingarnar og vonin hönd í hönd.   Nú bíð ég bara rólega að heyra meira, að fá að geyma meira í hjartastað.

Þegar ævin er hálfnuð og horft er yfir farin veg þá finnur kona bara fyrir þakklæti.   Allt það yndislega fólk sem hefur verið samstíga á lífsgöngunni.  Gleðin og sorgin hafa sannarlega litið við og hefur sú fyrri vermt hjartarætur oftar en hin.   Sporin eru sýnileg í mjúkum sandinum, þökk sé þér.

Lífið í dag.

Eigum við að bora tánum í sandinn?  Ganga berfætt eftir strandlengjunni og láta gullslóðina nudda iljarnar.  Það er eitthvað svo vinalegt við hafgoluna, heyra gnauð í vindinum og sjá öldurnar hvíla sig hver yfir aðra.  Vera einn í alheimi flæðarmálsins þar sem undirrót öldunnar hvíslar orðum beint í hjartastað.  Ég ætla að kíkja á ströndina í dag og fanga skilaboð Ægis og allra hans meyja.

Lífið er hrein dásemd

 

Athugasemdir

[Margrét M, 9.2.2009 kl. 11:54]

ohh- langar með á ströndina

[Hrönn Sigurðardóttir, 9.2.2009 kl. 11:55]

Ég dáleiðist alltaf af hafinu. Ætla, í ellinni, að byggja mér hús í fjörunni, horfa út um gluggann á hafið og verða kölluð kuldalega kellingin á klöppinni :)

Bið að heilsa Ægi.

[www.zordis.com, 9.2.2009 kl. 12:09]

Margrét, við getum vonandi farið á ströndina saman fyrr en varir!

Hrönn, kuldalega hvað???  Það mun ríka ást og lýgileg hlýja frá þér .... Líst vel á klöppina. 

Helga, ég hlakka til að heyra leyndarmálið þitt :-)

[Rósótt (IP-tala skráð) 9.2.2009 kl. 17:34]

Góð hugmynd að ganga á ströndinni, ætla að gera það á miðvikudaginn...... þá lofa þeir að hitinn verði kominn vel upp fyrir 20 gráðurnar.......

Gleðin og sorgin eru systur og önnur meiri auðfúsugestur en hin.

Knús í hús kerla mín.

[Elín (IP-tala skráð) 9.2.2009 kl. 20:26]

Æj hvað ég sakna gullinna sanda!
-Erum búin að mála barnaherbergin, eitt með einum eldrauðum vegg og tvö með sitthvorum skær-appelsínugulum veggjum..... strong speaking colours!
Ég læt í mér heyra á fimmtudaginn,  var það til frægðar eða frama?
Knús á þig engillinn minn  Lovjú görl!!

[Guðný Anna Arnþórsdóttir, 9.2.2009 kl. 21:28]

Ég fór í draumkennda, andlega sturtu við að kíkja á bloggið þitt, sunnanvindastrandarkonan mín. Leydarmál, úhaha? Eða ukulele, babúla?

Hvað um það, eigðu góða daga, ljósið mitt.

[www.zordis.com, 9.2.2009 kl. 23:13]

GAA já kanski er það svona ukelele (held það sé fótboltahetja haahhaha) en allavega ég er í andlegri hreinsun .... self healing prosess þessa dagana!

Elín, eitt lítið leyndarmál ég á og geymi það djúpt í mínu hjarta kæra vinkona! Hlakka til að koma og sjá breytingarnar!!!!!!

Rósótta mín .... þú leiðir pabba um strandlengjuna á meðan mamma ferðast um háloftin!

[Elín (IP-tala skráð) 10.2.2009 kl. 10:01]

[Kristín Gunnarsdóttir, 10.2.2009 kl. 13:14]

Mikið væri ég til í að fara með þér á ströndina

[Þórdís (IP-tala skráð) 10.2.2009 kl. 16:44]