Eins og sólin á örbraut um jörðu ....

Hún kraup og horfði í skaut sér. Vikan hafði flogið áfram og hún þráði, ÞRÁÐI ..... Það skiptir víst engu máli hver þráin er hvíslaði hvítur engill í vit hennar.  Þráin er aumkunnarverð leið til að hafa hugann upptekinn af fóðruðum nýjungum.  Hún velti ekki frekari vöngum yfir skilaboðum engilsins og hélt áfram;  1, 2, 3 svo hoppaði hún í gulum kjól á hægri fæti. Stúlkan hafði gripið völu af jörðinni og teiknað París og stökk á milli reita allan eftirmiðdaginn.

Rödd móður hennar ómaði í eyrum hennar og hljómurinn fylgdi henni í lifandi árin. Konan í gula kjólnum er nú orðin fullnuma, hún hefur ekki farið í París í mööööööörg ár en til Parísar steig hún fæti algjörlega óhoppandi.

Guli kjóllinn mun víkja fyrir hvítum gardínukjól með allskonar djörfu munstri og gegnsæju brjóststykki.  Kjólinn mun hún nota við athöfn sem beðið hefur verið eftir í ein 20 ár.

20 ár er helmingur ævi hennar en bara einn fjórði af því sem hún ætlar sér .... Svo er aldrei að vita nema að 10 bónusár skelli sér inn fyrir hörund hennar.  Að njóta og hrjóta, að gæla við geðheilsuna og stefna í þá átt er sálin leitar.  Að vera sannur sjálfum sér og njóta lífsins, það er lífið!

 

14 ára afmæli dóttlunnar

   

Hér glyttir í slöngustrákinn minn 

Sunna og Elísabet dalmatahundar

 

Airton og Enrique eftir sýningu 

 

   Íris Hadda með Sunnu og Elísabetu

Eftir sýningu

 

Genesis sjóræningjastelpa 

Góður dagur á enda ..... Guli kjóllinn er hluti af minningunni sem bara gamla konan þekkir sem er jafn gömul og henni líður.  Börnin á myndinni eru hluti af henni, fegurð þess er lífið gefur!

 Lífið er óneitanlega gott

 

Athugasemdir

[Rósótt (IP-tala skráð) 20.2.2009 kl. 00:03]

Lífið er sko yndislega gott og takk fyrir kikkið í köff....... yndislegust

[Kristín Gunnarsdóttir, 20.2.2009 kl. 07:11]

Og þú ert bara yndisleg Zordís min, knus til ykkar og til hamingju með fallegu stelpuna þína

[Kristín Katla Árnadóttir, 20.2.2009 kl. 09:08]

Þú er dásamleg elskan mín og segir svo fallega frá til hamingu fallegu stúlkuna þínaJá lífið getur verið yndislegt.

[Lilja Guðrún Þorvaldsdóttir, 20.2.2009 kl. 15:22]

Til hamingju með litlu yndisfríð, og mikið rosalega eru þetta fallegar og skemmtilegar myndir, af fallegum börnum.

[Lárus Gabríel Guðmundsson, 21.2.2009 kl. 01:22]

Björt og falleg færsla :) Ljós og hamingja :)

[Ólöf Jóhanna Pálsdóttir, 21.2.2009 kl. 15:22]

Að vera sannur sjálfum sér er aðalatriði lífsins. Þroska sitt innra og leita dýpra og dúpra, það ert þú Zordís mín. Til hamingju með stelpuna þína.

[Unnur Sólrún (IP-tala skráð) 21.2.2009 kl. 22:31]

Takk elsku Zordís, skapari fegurðar og til hamingju með stúlkuna þína fallegu.

[Solla Guðjóns, 22.2.2009 kl. 16:55]

[Gudrún Hauksdótttir, 24.2.2009 kl. 08:19]

Yndislega Zordís.Takk fyrir inspirit sem madur upplifir alltaf hérna á sídunni tinni.

Til hamingju med stúlkuna tína.

KNús frá mér  sem er á sjaldgæfum bloggkíkki.

[Margrét Birna Auðunsdóttir, 25.2.2009 kl. 18:13]

Til hamingju með afmælisbarnið

Er öskudagurinn haldinn eitthvað fyrr þarna suður frá eða var þetta bara svona skólahátíð?

[www.zordis.com, 25.2.2009 kl. 19:08]

Bidda, þetta er Karneval sem er haldið með miklum stæl á Kanarý eyjum og í Brasilíu um þetta leyti. Það þekkist ekki að halda öskudag sem slíkan, né bolludag eða hvað þá sprengidag!

Bara gaman!!!