Nágranni minn er lóða tík .....

Hún montar sig yfir "guð má vita hverju" dillar bossanum út í eitt en ég segi hana bara gamla kerlingu.  Það er samt eitthvað við hana sem dregur að allt karlkyns í götunni.

Hún spásserar í sínu fínasta pússi niður eftir götunni og stóðið á eftir henni!

Ég hélt að gamlar kventíkur lóðuðu ekki út lífið en svo virðist vera með hana Lúku litlu .....  Nú situr einn sperrtar karlhundur og búinn að míga út garðhliðið hennar!

Það er bjartur og fallegur dagur, allir klæddir og komnir á ról.  Herramennirnir mínir eru farnir að ná í vegabréf fyrir soninn.  Hann verður að fá eitt stk svoleiðis svo við getum ferðast saman!  Við hin erum með okkar skilríki í lagi.

 Það eina sem við eigum eftir að gera og það er að spekulera í jólaglaðningum handa ástkærum ættingjum og vinum.  Er ekki enn gjafabrjálæði á klakanum?

Bara tilhlökkun og tíminn fyrir brottför styttist á ofurhraða, svona gerist þegar maður lætur hlutina hinkra og hinkra þangað til að tíminn er farinn að hlaupa á undan manni.  Einn starfsfélagi sagði við mig að honum þætti með ólíkindum að 24 klst reyndust fáar!!!  Aha, mikið rétt að tíminn flýgur en mishratt eftir hvað við tökum okkur fyrir hendur!

Nú vona ég eftir að heimasíðan mín www.zordis.com komist í gagnið í dag, uppfærð og fín!  Andlitið verður púðrað og svo þarf ég að vera dugleg og klippa til myndir, setja þær svo inn og vera dugleg í þessu.  Fjallið mitt tók sig til og myndaði allar þær myndir sem hafa orðið útundan til þessa!  Hann er svo duglegur þegar hann hefst handa.  Á meðan hann tók myndir hófst ég handa við nýtt verkefni sem er "Ástin Eina"  ..............  Já, spennandi!  Fann mig í olíunni aftur og angaði af terpentínu, var með nýtt efni sem ég prófaði að blanda við litina sem ég held að virki!

Benidorm myndin eða rissið var einnig tekið fyrir og vonast ég til að klára eitthvað í vikunni.  Annars er ég að leggja lokahönd á sýningarefnið mitt "þessi jól" en er efins hvort ég eigi að láta til skarar skríða, hinkra en alla vega mun ég taka efnið með mér til Íslands og setja það í geymslu og setja mér takmart og mála á fullu ................ Hvergi betri inspiration heldur en á Íslandi.

Get ekki beðið að komast í Selvoginn, drekka herba með Sollu, hitta Margréti hjá Lísu og taka kaffibollann og másabrauð með henni Lísu minni.  Svo margt sem ég hlakka til eins og barnið eina.  Upplifa íslensk jól en það eru akkúrat 8 jól sem ég hef ekki fengið íslensk í æð!  8 spænsk jól sem ég á örugglega eftir að sakna ponsý!   

Góður dagur ..... Vinna ... púl í leikfimi og ást til heimsins!  

Athugasemdir

[Lisa (IP-tala skráð) 7.12.2006 kl. 09:11]

Hvenær kemur þú til landsins? Ég hef þurft að munna svo margar dagsetningar í morgun, það rennur allt saman í einn graut.

Gjafabrjálæðið er eins og hver og einn vill hafa það - Kerti og spil eru enn í gildi, Mackintoshið er alltaf hugmynd og svo heyrði ég af góðri konu sem ætlar að gefa sínum kalli húsbíl. Annars er mjög vinsælt núna  að gefa gjöf sem gefur, t.d styrktaráskrift hjá Unisef - Ég er að hugsa um að hafa náttfataþema hjá mér og gefa öllum náttföt ... annars eru heilir 17 dagar í pakkakvöldið þannig það er nógur tími til að pæla fyrir mig.

Já, það er rétt hjá þér: Þetta er ágætis dagur.

[www.zordis.com, 7.12.2006 kl. 17:54]

Ég kem tuttugasta de, held mjög seint.  Húkks að ég kíkti á flugmiðann því ég hélt að ég væri ekki á heimleið fyrr en 22. des ........... hefði farið ílla að komast að því að vélin færi á 2 dögum á undan mér...........  Hef heyrt af Unisef gjöfum.  Og mínar gjafir eiga að vera hnyttnar en mest kærleiksvottur frá mér til hinna.  Eitthvað lítið og sætt!

Koss á allar kinnar þessi jólin!