Lífið í lit

29.9.2009 | 08:24

Sýningarlok ...

... Þann 3ja September var ég stödd á Íslandi og fékk fallegasta veðrið á meðan að dvöl min stóð. Þennan sama dag opnaði ég sýninguna mína í Hárgreiðslustofunni Hárnýjung. Falleg stofa með flott veggpláss þar sem þakflísarnar ásamt 2 akrýl myndum á striga nutu sín vel.

Zórdís og Hlíf Sýningarveggur

Myndirnar eru eins og frímerki en tala sínu engu að síður. Á morgun lýkur sýningunni og geta þeir sem keyptu sér verk sótt þau til Hlífar í byrjun Október. Á morgun verður hins vegar dreginn út einn heppinn September viðskiptavinur Hárnýjungar er hlýtur þakflís að launum.

Tíminn flýgur áfram á sínum ógnarhraða, gráu hárin riðjast í vanga en það má laga á góðri stofu. Daggardroparnir hafa urlast af himnum svo að stórflóð hafa myndast víðast hvar á Spáni. Í dag er hins vegar bjart veður, góð lykt af jörðinni og nýr kafli að hefjast,

Ætli það sé ekki þjóðráð að fara út með myndavélina og sinna nokkrum erindum.

Lífið er sjaldan eins gott og þegar syttir upp.

Flokkur: Menning og listir | Facebook