Vambfylli af ást tengdamóður .....

Rólegheitin fyrir svefninn.  Þegar börnin eru komin á vit ævintýra draumalandsins, þegar þögnin ýtir undir aðgerðarleysið.  Veðrið er búið að vera hreint dásamlegt í dag og við fundum okkur í faðmi tengdafjölskyldunnar.  Það er alltaf notalegt að koma heim og taka þátt á þann eina máta sem mér er mögulegt.  

Á sunnudögum erum við eins og eðalborin og njótum velvilja tengdaforeldranna.

Í hádeginu var eftirfarandi; 

Pönnusteikar rækjur sem er gjörsamlega puttasleikjandi dæmi um forrétt

Freyðandi ísjökulkallt kampavín (já ég er heppin með fjölskyldu)

Matarmenning fjölskyldu minnar er þessi dæmigerði miðjarðarhafsmatseðill, er byggist upp af grænmeti og ávöxtum, soð með vænni kjötbollu, linsubaunir, kjötsúpur og hrísgrjónaréttir svo eitthvað sé nefnt.  Í raun tel ég ekki upp allt sem einkennir þessa matargerð enda væri það of langur listi en ferskt fiskmeti er geysivinsælt og girnilegt.  Allskyns þurrkaðir ávextir og svo mætti lengi telja.  

Á sunnudögum er "Arroz y Costra" sem er hrísgrjónaréttur sem eldaður er í potti, kjúklingur eða kanínukjöt, kryddpylsur og saffran ... ógó gott.  Síðasta "tötsið"  eru eggin sem eru þeytt, hellt yfir og látið krauma í ofninum.  Vænsta soufflé verður úr þessi og Frú Zordisi finst það best milli blautt!

Södd og sæl eftir daginn.  Börnin léku sér við frændsystkyn sín.  Kisan Tigrílla lét sér líða vel og fékk þónokkur klór frá heimilisfólki enda búin að verja virkið eins og Tígrisdýri sæmir.

 

 

Þjóðarréttur Spánverja er án efa Paellan, hrísgrjónaréttur með sjávarfangi, með kjöti eða grænmeti einu saman.

 

Glaðlyndi skemmir ekki fyrir og jafnan er dreypt á spænsku víni sem er framleitt í hérúðum í nágrenni.  Rioja vínin standa samt alltaf fyrir sínu.

 

Takið eftir fallegu glösunum sem eru á myndinni.  Væri alveg til í dúsin af þeim.

 

Njótið kvöldsins kæru vinir 

 

 

 

Kósý kvöld ....

Það er allt í lagi að stelast í tölvuna á meðan heimilisfólkið horfir á Barca leika á móti Real Madrid.  Staðan er 2 - 2 fyrir ykkur sem hafið áhuga á boltanum.  Viðurkenni að það er bara gaman að horfa á þessa kroppa með öðru auganu.  

Lífið í lit með tóna sem gæla við eyrun stór og smá.  Lífið er stórkostleg veisla sem maður ætti að kappkosta vel.  Ég er á himnaslóð, get varla hreyft á mér varirnar, þar sem fætur mínir bera mig í takt við hljóm auglýsinganna.  Ég loka augunum og læt mig fljóta eins og stórkostlega og fislétt ský, eins og guðsgjöf af himnum.

Laugardagskvöld, fjölskyldan kúrir saman, allir í sínum heimi að gera það sem er skemmtilegt.  Allir saman og segja ekki orð og stundum tala allir í einu.  Þetta er fjölskyldan mín.

Ég er alsæl 

Gular rósir sem ilma vel, ég anda að mér gulum lit og finn orkuna.  Það eru allir orðnir þreyttir, ég kanski anda of mikilli orku að mér frá þeim.

Best að anda rétt og passlega

Að leiðast ....

Bjartur og fagur dagur, dagur til að láta allt gerast, vera sæll og glaður.  Leiðast niður Laugarveginn, hönd í hönd með góðum vin.

Leiðast saman og valhoppa, staldra við, fá sér kaffisopa og pönnsu!

Að leiða vinkonu sína að veiða til sín vini.  Ég væri til í að upplifa við skulum leiðast dag og strjúka bringubein hvors annars.

Ég finn fyrir svo mikilli gleði og birtu.  Það er gylltur dagur, sólin skín og allir búnir að snæða hádegisverðinn.

 

Dagur á ströndinni er alltaf hugleikinn

 Sonur minn fékk fiskifingur og franskar, dóttir mín fékk pönnusteikta kjúlla bringu, tómata og kartöflur og við hjónakornin fengum okkur Burritos .... Mexico matur sem er mitt sjoppufæði en ath.heimagert!  Ég átti leið í súpermarkaðinn þegar ég fór í bjargleiðangur Fjallsins í morgun (sjá fyrri færslu) Ég vann 5€ í kassahappadrættinu.  Ég skynja þennan dag sem hamingjudag og vona að hann sé ykkur til heilla og hamingju.

 Ég þarf að vinda úr vinnugallanum mínum, litaði á mér hárið og finst gott að láta goluna leika um geirvörturnar á mér.  Það er enginn nema ég sem get staðið upp og sagt fyrir sjálfið

Þetta er dásamlegt gyllt og geggjað líf

Eigum við að leiðast

Risa eðlileg á lyfjum eigin framleiðslu ....

Stundum velti ég því á milli míns ytra og innra sjálfs með þessi náttúrulegu efni sem við framleiðum.  Við erum glöð og döpur, falleg og ljót til skiptis.  Samt eins!

Fullkomin stjórn á milli þess ytra og innra, vera með risaeðluna í góðum gír, láta geisla alheimsins "tjilla! svolítið upp í þessu hversdagslega.  Stundum svo nálægt sannleikanum en jafnan fjarri.

Óskir og draumar sem uppfylla   

Ég þurfti frá að hverfa um stund og egóið mitt fauk með mér út í sumarheitan daginn.  Fjallið hafði hringt.  Hann var í vandræðum, "mæ god" það gengur ekki.  Blessaður karlinn hafði farið út, tekið bensín á eðalvagninn og var auralaus út í bæ.    Ég hlæ nú bara að þessu núna!

Hann blessaður staddur 20 mín frá mér, á bílnum mínum.  Ég fór á litla brúðkaupsbílnum okkar, lítill Citroen AX síðan 17hundruð og súrkál, náði að lífga´nn við og smellti mér í brúnan kjól með gullröndum, í sandala og tyllti hárinu í hnút.

Ómáluð næst ég ekki nema látin sem er ekki líklegt, hin náttúrulega fegurð er mér næst!

Þetta er kampavínsdagur

gylltur dagur 

    

 

Í dag ætla ég að tala við dúfuna sem skítur í bakgarðinum hjá mér.

Í dag bíður mín svo margt
 
Hvað bíður þín 

Hafmeyjan sem kunni ekki að synda ....

.... kastaði sér til hafs og uggarnir uxu og hún lærði að anda með ofursálinni sem ofurþorskurinn hafði gefið henni.  Hún sat á syllunni og velti fyrir sér hvenær hennar dagar myndu enda, hvenær andinn færði henni ekki gjöf lífsins.

Litlir gullfiskar í glasi voru hennar líf og yndi.

Lítil elska brosir, horfir til þín, er veikgeðja!  Styrkur eilífðarinnar umvefur litlu hafmeyjuna sem  kann að synda, bróðir hennar kenndi henni það og nú syndir hún í öllum höfum, er ekki hrædd við neitt, ekkert nema sjálfa sig.

Er lífið eintóm endalaus hræðsa.  Hvað er uggalaust líf án daggardropa, án agnar af súrefni sem við grípum án kennslu, án fordóma, án viðmiðunar.

 

 

Mannskepnan er óargadýr í garði guðsheima.  Óargadýr sem þykist og grætur á víxl.

Ég er ekki undanskilin þessu, ég er hafmeyja sem hef lært að synda og nýt þess að vera til.  Bæxl og uggar, ljóstillífun og endalaus frumskógur blóma og plantna, skordýra og ilmefna.

Lífð er það blóm sem þú sérð, sá uggi sem sveiflast á þeim hraða sem augað nemur.  Fegurðin hvílir í hjartalagi alheimsins og við deilum því saman!  

Blóðdropi fellur til jarðar, hann perlar af enni þínu á enni mitt, við erum tvö ein, saman!

 

Hjónaskilnaður og nýjar ástir .....

Það gekk vel að vakna í morgun, koma Lýð litla (svei mér, sonur minn Enrique bæri nafnið Lýður rentuvel)  drengurinn er þrjóskur og náði viðkvæmum punkti móður sinnar ..... hann er alvanur því að hafa þessa blómarós í sínu liði og varð bara orðlaus af ást að hafa kerlinguna á móti!

Í gær kom hann með snilldartillögu;  "mamma, skildu við pabba og gifstu mér, þá erum við, þú og ég alltaf saman"  Brosið á þessu litla fagra andliti geislaði af fyrstu ástinni, þeirri ást sem við upplifum öll hver og eitt.

Allir farnir í skóla, ég sit og hlusta á Möggu Stínu raula lag, er með ananas safa í glasi og niðuskorin jarðarber, kiwi og vínber.  Dásamlegur morgunverður fyrir daginn.  Fagrir litir gleðja sálina jafnt innan sem utan .....  Ég stíg veg regnbogans, ég býð deginum ljúfan dag og tek á móti góðum gjöfum guðs og dásemdum þeirra sem kasta í mig peningum og vel ilmandi blómum.

 Niðurskurður holdsins

 

Það er ekki að spyrja, spegillinn sagði; Já!  Við erum vinkonur, hún og ég.  Tvær saman tökum við daginn létt.  Vikan er að verða búin og það sem toppað gæti litríkan dag væri djúsí vatnsmelóna.

 

Eigið góðan og árangursríkan dag 

 

heim fagri heimur ....

Komst heil heim til mín.  Lenti í föndri á Standsted flugvelli, meiri vitleysan!  Ég sem ferðast alltaf með alltof mikinn farangur lenti heldur betur í veseni.  1 stk.  handfarangur hljómar hræðilega en mín var með myndavélatösku, veskið, fartölvuna og hjólatösku í handfarangur og var kastað frá þegar ég átti að fara í gegnumlýsingu.  Ohhhhh ...... þreytandi staða sem ég reddaði snilldarlega!

Reyndar mölvaði ég 2 páskaegg á bröltinu sem þýðir að börnin mín fá páskakurl um páskana en það sem er mest um vert að málshátturinn er vonandi heill.  Svo lenti ég næstum því í því að láta taka af mér Tópas skotið sem ég fjarfesti í, í Keflavík.  Spurði alveg sérstaklega að því hvort ég fengi að taka það með í millilendingu í gegn um allt írafárið á flugvellinum.  Já, þú færð að fara með hann í gegn ef ég innsigla pokann.  "Vale chica, no problem"  Þegar hér var komið, mín búin að tæta upp og troða saman farangri sem endaði með því að keflavík airport fríhafnarpokinn var úttroðinn af tölvu, ipodi, 2 páskaeggjum, eggjabakka, myndavélatösku og innsigluðum áfengispoka gekk ég sposk framhjá lágkúrunni og smælaði farman í heiminn!  

 

 

Smælaðu framan í heiminn og heimurinn smælar framan í þig 

 

Hvað er að!

Hvernig á kona að vera bara með eina tösku eða eitt stk af öllum þeim hundrað nauðsynlegum hlutum sem raska tilveru hennar .... Ég bara spyr!

Hvað lærði ég af þessari ferð fyrir utan að fljúga bara í gegn um köben og það er;

Ég ætla að kaupa mér flugfélag, alltaf standby fyrir frekjurassgatið "moi" ... Ég mun ganga minn veg, fljúga með mínu einkaflugfélagi og vera með ofurfallega freyja í öllum millilandaflugum .... snittur og kampavín við flugtak og klapp á cd þegar hazarkroppurinn lendir járnfuglinum.  Hann fær nafnið Svanur (járnfuglinn) og Fjallið er að fara að læra einkaflugmanninn!

 

 

 Deginum reddað.

Hefðarkona að skúra, skrúbba og pakka niður .....

Aldrei sprækari og frískari!  Búin að skúra pleisið, skrúbba postulínsfákinn .... úða Ajax á sturtuklefann og nuddgræjuna.  Eldaði Lasagna og Tabaði mér í drykkju ( Tab frá Coca Cola)  Ef Miranda væri selt hefði ég eflaust fengið mér það eða Spur Cola!

Nú er komið að því .... kveðja klakann, faðma náttúruna niður í hjartarætur, leggjast nakin út í hraun og finna fyrir ástinni sem hylur þokuhjúpaðan kroppinn.  Dagurinn fer að mestu leyti í ferðalagið en ég fagna því að um 1700 fæ ég faðmlög frá elskulegu börnum og manni.  Með viðkomu í Standsted held ég áfram til Murcia   Hef alltaf sagt að ég elski að fljúga (smá plat), ég leiði það í raun eins mikið hjá og ég get, sem ljóð, teikna og stundum les ég.  Ég er með bók sem heitir "El Poder del Ahora" (the power of now / A guide to a spiritual enlightment) e. Eckhart Tolle sem ég glugga í  ............... það verður gaman.  Muna bara að kaupa tyggjó og gjafir í Keflavík.

 

 

Bráðum heima......

 

Ég hef hugleitt það

haldið því fram

 klæðst því

tekið í sátt

hver er ég

hver var ég

hver verð ég

ég er

það sem

ég er 

 

Er þetta ég

ég held það

ég hef séð mig í draumi í þessum kjól

Ai wo Ni

Í hönd mína leit og sá þar óteljandi línur sem lágu hver yfir aðra.  Ég gekk venusarhæðinu og leið vel þar.  Ég hef valhoppað einn tæplega helming af lífslínunni  og á eftir að upplifa sælustundir ávaxtanna.  Ferðalögin eru mörkuð fyrir lífstíð og ekki hægt að afmá!

Undarlegt að sitja á öxl sinni, sjá yfir höfuðmótin og geta valið.

Við höfum öll val og eigum að njóta þess að finna andann, finna hvert fyrir öðru, finna til.

Ég sagði við Fjallið mitt, " ef ég kemst ekki heim þá veistu að ég elska þig mikið"  Það fussaði nú aðeins í honum ...... Ég sagði "ég mun leiðbeina þér úr hásæti himnaríkis við val á þeirri konu sem mun ala upp börnin mín og elska þig eins og ég"  meira fuss og mildur hlátur .....  

Eitt orð sem varð að mörgum

Góða Nótt

Hálsrígur, heitt nuddbað eftir ævintýri dagsins ....

Dagurinn er sigldur yfir í nóttina.  

Mikið akkorð er nú yfirstaðið sem ég fagna með Tab í flösku og kúri með fartölvunni upp í rúmmi.  Ég vaknaði rúml 1100 var sybbin eftir Caruso ferð.  Fékk himneska sjávarréttarsúpu í forrétt en varð fyrir vonbrigðum með aðalréttinn.  Lax með of sítraðri sósu!  Gott rauðvín fékk að lurka sér niður um vitin og kaffi og Grand á eftir!

Hefðarfrúin er búin að vera í ströngu og unnið hefur verið að markmiði sem verður klárt með ýmsum tilfæringum og la la la ....

Ég hrindi í fjölskylduna mína og það var bara góð stemming á þeim .... rúml. 21° hjá þessum elskum   Á meðan psoriasis útbrotin mín versna og brjóstið brennur tel ég mínúturnar fyrir brottför.  Ég ók sem leið lá að heimkynnum mínum og Hr. Hafnarfjarðar en HVAÐ HALDIÐ ÞIÐ????  Yarisinn minn varð bensínlaus, úti rigndi hellidembu og göturnar voru sem léttar lækjarsprænur.

 

 

Íslensk hönnun ullarenglar

 

Svo mikið ég 

 

Nú voru góð ráð dýr.

Rollufelldurinn minn bjargaði miklu þegar ég setti hazard ljósin á og tipplaði út í raunveruleikann!  Já, þetta kom fyrir mig   Hressandi og köld rigningin sleikt andlitið á mér og puttarnir voru orðnir kaldir.  Hinir kóngarnir keyrðu með hnarreista hnakkana og reyndu að gusa yfir aumingjann mig.  Algjör pæja en aðstæður miður skemmtilegar.

Ég keypti brúsa á Shellstöðinni sem kom eins og engill í fangið á mér og fékk stút lánaðann hjá hot keisinu sem starfaði þarna og svo sendi ég honum puttakoss og hvarf út í kuldann að nýju.

Þetta tókst hjá mér, helkaldri með krefjandi hálsríg og hef verið að farast í kulda.  Smellti mér í nuddbað og tendraði upp  í tetrinu .... fékk mér tab í glas á fæti og kúri hér með besta vininum.  Dell litla sem er ljúflingur í gráum teinóttum búningi.

Góða nótt elskurnar mínar  

Hjálpaðu mér upp ....

Mér finst ég vera að drukkna er fallegt lag sem Grafík söng inn í hjörtu okkar landsmanna fyrir nokkrum árum.  Eins og gerst hefði í gær!

Gasalega er dagurinn búinn að vera fljótur að líða frá mér .......... búin að eiga frábæran dag, búin að læra fullt, er þakklát fyrir fólkið sem umgengst mig, nennir að vera með mér þótt ég svo rosalega mjó.

Þegar ég birti myndir af mér á blogginu þá reyni ég alltaf að gera mig holdmeiri en ég er.  Einu bloggvinir mínir sem viti um mitt rétta útlit segja............................hvernig ferðu að ? 

 

 

Ég horfi upp til þín kæri bloggvinur

 

Þú ert mér allt í þessum vísindaheimi

 

þrátt fyrir holdleysi og lítið blóð

 

Ég held áfram eins og lítill ormur

 

silkiormur sem etur grænt lauf

 

sem bólgnar út

 

og 

 

fitnar.

 

Í alvöru talað þá gríp ég fyrsta orðið, hversu mörg vandamál, hversu margra daga, hversu þjáð erum við sem glímum við hversdagsvandann.

 

Allt hefur verið sagt, gert og framkvæmt

 

Ég ætla ekki að finna upp hjólið heldur sigli með vindinum

 

hlakka til morgundagsins sem er eins og hver önnur sprauta

 

Vítamín sprauta

 

 

Alein

sem fyrr

ég

alein

 

Ég sé sýnir

þetta er stund

sálin einblínir

á Guðmund

 

Í útvarpinu er lag um undursamlega veröld, þar sem himinn skartar og af honum styrnir.  Vináttan geislar sem hún gerir á meðal okkar.  Er meiru við þessa undarlegu einmanna færslu að bæta?

Held ekki