Ég stari út í loftið ....

Það er orkusuga í grennd við mig, eða lek ég.  Sver það ef öll mín orka er ekki á leið niður ristarnar!  Verð að plástra því saman því ekki gengur að vera svona lengur.

Ég er að spá hvort Master Arden spelli bréfin sem hann sendir mér?  Hann er meistari meistara í White Woodoo, je right!  En það er með ólíkindum hvurslags bréf berast manni þessa dagana!  

Penis enlargement póstarnir eru nánast hættir að koma.

Rolex skartgripasalinn nennir mér ekki.

Tryggingarfyrirtækin, lánaplottarar, hin og þessi tips um fjárfestingar .... það næsta verður brask á fólki en ég vona að við þessi einföldu orkulekandi verur fáum frið.

Ég sit og stari og ég er sko alveg tóm, eins galtóm og nú glymur í mér og ekki gaman að vera samferða!  Þess vegna ætla ég að hrista þetta af mér, taka eitt stk. bíltúr og gera nokkur góðverk.

Ert þú búinn að gera góðverk í dag?

 

Feng Shue fjölskylduhornið mitt ....

Var að spekulera í Feng Shue fjölskylduhorninu mínu.  Sé að það er komin ringulreið og allt of mikið að pinklum og prjáli þar. 

Hlakka til helgarinnar til að leggja upp með nýtt skipulag og ætla að hreinsa út skepnurnar sem sitja fyrir mér og fella mig.

Ég er slæm í vinstri öxlinni, nokkuð góð í hnjánum en þokkalega íllt í vinstri hönd eftir fallið.   Ég "ba ba ba ba ba bara skilettekki" eða hvað??? 

Alltaf að reyna að komast á flug, finst ég hafa vængi en kann bara ekki almennilega á þá!

    

Reyni eftir megni að að þyrla þeim, fer ekki úr fjöðrum en þetta er slungnara en ég bjóst við.  Það stóð ekki neitt um þetta í leiðbeiningunum.  Vankunnáttan verður til að sumir enda svo upp aumir og skræmdir!  Það sagði enginn að lífið væri auðvelt og þægilegt .................. en það er bráðskemmtilegt og gott að eiga góða að!  Best að vera góð við Fjallið mitt í dag!

Eigið góðan og áfallalausan dag

Fall er fararheill ...

var að detta ................ datt um þrep eitt sem varð til þess að frúin lá eins og klessa á jörðu.

Get sko alveg sagt ykkur að mér fanst þetta EKKI fyndið og varð heldur súr í bragði.  Ekki gott að narta í fleskið núna, frekar súrt sko!

Núna er mér íllt í öxlinni, fékk hnykk á skrokkinn og skrámaði hnén.  Ég er nýbúin að skera mig á innverðum lillaputta í hnífaskúffunni og skar mig við uppvaskið í gær á baugfingri .  (ég sagði nú að þar sem að fjallið hefði ekki gefið mér hring á afmælisdaginn hefði ég nælt mér í índjánablóð-hring í staðinn eins og gert var þá, talandi um fyrri líf og trúlofanr á þessum tíma)  Að auki er ég gift og hvað er maður svo sem að spá í hringi hér og hringi þar en þar sem hringskurður kom á baugfingur þótti mér hugsunin frá fyrra lífi koma smart inn.

Annars þykir mér  bara nóg um, árið byrjar með stæl.   Hvað get ég svo sem sagt!

Teikna fyrir ykkur ljósmyndarann við tækifæri, ég kalla hann fyrir tröllið!  

Fall er fararheill, "er sagt" og spurning um að falla bara í kramið.

Núna fyrst skil ég orðasamsetninguna " trött pá kropp og sjel"  þreytt á sál og líkama, cansada del cuerpo y alma.  Ich bin mude die flesch und ............

já vel þreytt því nú er bullumælirinn kominn á fullt.   

Saga Myndatöku ....

Ákveðið var í fyrirtækinu er ég starfa að myndataka væri málið.

 

Allir mættu prúðbúnir og fínir til myndatöku og það gerði mín einnig.  Splæsti í blástur og þótti bara vel til takast!

 

Ljósmyndarinn hins vegar var ekki alveg undir væntingum og sagði að glansinn í andlitinu  væri svona gljái sem væri einna líkastur þegar viðkomandi módel væri á ströndinni.  Hljómaði allt voða svona vel í síma en þegar við sáum myndirnar gat ég ekki stillt mig og lýst yfir vonbrigðum myndatökunnar.  Ég setti mig í samband við ljósmyndarann sem hafði heldur betur þyrlað í augu okkar með eigin ágæti! 

 

 

 

Mynd af bestu vinkonu minni

 

anywho

 

Já, og ekki hætti ljósmyndarinn að gefa mér útskýringar á af hverju mér líkaði ekki myndefnið.

 

Fyrirsæturnar eru ljótar

Fyrirsæturnar eru ekki tilbúnar andlega

Fyrirsæturnar eru X

Fyrirsæturnar eru Z

og guð má vita hvað ........

 

Reikningurinn hlómaði upp á tæpar 1000€

 

JEDÚDDA MÍA

 

við fengum afslátt sem nam 940 € þar sem þetta var fyrsta verkefnið sem fyrirtækið tók að sér.

 

Ég átti ekki til orð yfir þessu.

 

Vill einhver fá ljósmyndara sem segir;

 

Þið eruð ljót

þið eruð óvön

þú ert með bólu

þú ert of feit

þú ert bara FYNDIN

þú ættir nú að reyna að gera eitthvað í þessu með útlitið

 

Og það besta

 

Ljósmyndarinn var hvorki fagur né fágaður.

 

Dásamleg lífsreynsla

 

 

Dísa var ekki lengi í Undralandi ....

Hún undraðist margt og einna helst varð hún furðulostin af sjálfri sér.  Undraveröld er dásamleg og gott að geta farið afsíðis og horft á aðstæður frá öðru og víðara sjónarhorni.

Árið 2007 lætur engann bíða eftir sér og betra að halda sér við efnið.  Í ár mun Zordis bjóða upp á fermingarkort til íslenskra fermingarbarna og að auki litlar og krúttlega myndir sem eru ákjósanlegar til fermingargjafa.  Ég mun birta allar myndirnar á heimasíðunni minni www.zordis.com á næstu vikum því páskar og fermingar fara að skella á.  Endilega látið mig vita hvað ykkur finst.  Ég bý við mikla sjálfsgagnrýni og hef þann allra harðasta gagnrýnanda inn á heimilinu. 

                                  

Annars er gott að hafa í huga það sem uppeldið færði manni og það er að ef maður er sáttur við eigið sjálf þá er víst fátt sem getur svertað jákvæða og góðar kenndir.  Batnandi fólki er best að lifa og það er víst ábyggilegt að manni líður alltaf betur ef maður hefur rétt út hjálparhönd til þeirra er nauðsynlega þurfa.

Hefur þú gert góðverk í dag?

Verum góð við hvort annað og ég viðurkenni að þetta er hálfgert vælublogg því ég blogga hvorki um málefnalegt né fréttatengt efni.  ég blogga um minn innsta hring, mitt auma yndislega líf!

Eigið góðan dag og finnið gæsku til að rétta samferðarmanni gleði.  Bros bræðir hjarta!

Er nema von að stúlkan tollir ekki í Undralandi, vill bara vera í sinni einkaparadís með sínum manni og 2 meðalóþekkum börnum. 

Fyrsti Skóladagurinn ....

Allir vöknuðu án vandræða.  Brosið var á sínum stað og létt í fasi í hverri sál!  Greinilega tilhlökkun að byrja hversdagsleikann á ný sem er jú það góða, góða við lífið.

Ég er "ekkert" smá fegin því að EKKI vinkona mín "Bóla" sem hefði öðlast sjáfstætt líf á andlitinu á mér  ákvað að koma ekki.  Það var líka ítrekað gert í því að hún kæmi alls ekki við!  Suma langar mann bara alls ekki að vita um né frá fréttir af.

Var að vafra á netinu í gær og datt inn á skemmtilega síðu með allskyns upplýsingum um Nornir, þulur og galdrastafi.  Að galdra er eins og að baka = ég er sammála því að galdramaðurinn sé ekki ósvipaður og bakarameistarinn er leiðir huga minn að myndinni kryddlegin hjörtu sem ef mig minnir ekki rangt sé eftir Isabellu Allende.  Stórgóð mynd!

Nú er best að hrista af sér það asnalega og takast við nýja árið sem mætti ferskt á áræðanlegt. 

 

 

Svolítið asnaleg í dag en alltaf blómleg

 

Litla Nornin ...

Get svarið það kæru vinir að ég held að sumir sem deila líkama með mér séu að breytast í NORN.  Ræð bara ekkert við þetta, get ekki náð stjórn á kvikyndinu sem reynir með öllu að ná landi.

Mér til mikillar skelfingar fann ég fyrir miklum óþægindum í nefinu mína huggulega og sæta.  Ein krúttleg og rjóð dúlla er að ryðja sér rúms til að skoða heiminn.  Var ekki einhver tröllasaga sem hét "Bóla" já, já, ekki gaman og hefur frúin beitt ýmsum brögðum til að kæfa fæðinguna.  Við sjáum til á morgun hvernig þetta fer.

 

 

 Vona að þetta verði ekki smitandi 

Óskiljanlegt með öllu hvernig svona dásamleg manneskja eins og ég, geti verið jafn hundleiðinleg  og núna.  En, eigin pýning og fúl lyndi stýrir geðþætti sjálfsins og þegar staðan er svona á maður að draga sig í hlé.  TAKA SÉR FRÍ !!! hljómar vel en það er ekki hægtþar sem sumir eru nýbúnir að vera í 2ja vikna fríi.  

Þrátt fyrir erfitt sjálf þá áttum við kjarnafjölskyldan stórkostlegan dag hjá tengdó.  Krakkarnir skautuðu, skutu úr loftbyssu í mark svo og úr boganum fína.  Mér sýnist sonur minn vera bara þokkalega góður, spurning um að þjálfa drenginn upp.

Eru "bólufræ" svona erfið uppdráttar?

Jamm, ekki gott að segja af hverju hugurinn er svona leiðinlegur við mig eins og ég er að eðlisfari þægileg manneskja.  Ég hvolfdi bolla áðan og það var bara bjart og þessi hugkvilli hlýtur að renna af mér í nótt. 

Örvar, bogi og línuskautar ......

Var eitt af því sem konungarnir færðu börnum heimilisins.  Hundurinn kom ekki né fílsunginn sem voru á tilfinningalista barnanna.

Börnin 6 og 11 ára biðu þolinmóð eftir að foreldrarnir vöknuðu til að taka upp þær gjafir sem kumpánarnir skildu eftir.  Dóttir mín fékk örvar og boga, hún er sýnilega glöð yfir þessari skrítnu gjöf en það má giska á að faðir barnanna var í innsta hring með konunugunum.  Sonur minn fékk línuskauta og hlífðarbúnað og áætla má að það hafi verið fylgst með honum að skauta á Íslandi við Ingólfstorg svo og í skautum móður sinnar n°40 frekar hættulegt!

Nú ættum við mæðgin að geta tekið einn hring saman eða tvo jafnvel.

Rólegur dagur í það minnsta eins og er en fallegur er hann ef marka má gluggasýninguna.  Ég er búin að vökva sígaunblómin mín sem blómstra rauðum knúbbum.  Þrátt fyrir að þessi planta blómstri öllu jöfnu ekki frá nóv til mars þá er mín í góðum litum.   

 

 

Sígaunablómið eða Geraníum plantan "pelargonium pelatum" á uppruna sinn í suður Afríku af höfðanum og var kynnt inn í Evrópu á átjándu öld.  Vaxtarskilyrði hennar eru góð og þarf að muna vökvun því þetta er þyrst planta á heita tímanum og að auki elskar hún birtuna.  Gleðigjafi enda fagur vaxtarbroddur í þessum misfagra heimi. 

Það tæki mig út næstu viku og þarnæstu að tala um öll blómin mín sem eru yndisleg og öll eru þau utandyra að fráskildum hamingju bambus sem fær að vera í fjölskylduhorni Feng Shue fræðarinnar sem er einnig mjög svo merkileg fræði.

Allt er vænt sem vel er grænt og vona ég að þið eigið öll frábæran dag á þessum bjarta þrettánda.  Vissulega væri gaman að fara á Álfabrennu í þeim herklæðum er fylgja!   

Los Reyes í hátíðarskapi ....

Engum öðrum en Vitringunum þrem var ekið um bæjarstæðið okkar.  Aðstoðarmenn þeirra þeyttu brjóstsykri (væri alveg til í perubrjóst núna) og þorpsbúar fylgdust með og lítlar hendur sem stórar og langar voru í útréttri stöðu með von um að grípa mola.  Við fjölskyldan gripum einn rauðann lítinn mola sem var settur í vasann á rauðri flíspeysu.    Erum öll frekar lá í loftinu ...

 

 

 

Los Reyes sem er í raun í beinni þýðingu á hinu fagra máli íslendinga eru konungar!  Hvort sem konungar eru Vitringar er annað mál og bera þeir allir nafn og heita; Baltasar, Gaspar og Melchor.  Falleg nöfn og könnumst við íslendingar við frægasta Baltastar Íslands hann B. Kormák.  "Baltasar er í raun nefndur sem einn af vitringunum á Wikipedia"  Gott mál.

Í nótt munu þessir heiðursfélagar sem við mæðginin hittum áðan, er struki hár sonar míns og hann varð mjög glaður og sagði; "mamma ég fæ örugglega hundinn"  Cross my ég vona sko ekki!  Vona að Kanarý fuglarnir verði einu gæludýrin á þessu heimili í náinni framtíð.  Ég á eiginmann (jíha) og þarf ekki og get ekki haft umsjón með fleiru á heimilinu.

En talandi um gæludýr ....... ég rakst á grein um gælurottur #hrollur# í tímaritinu Birta sem borið var út í hús í Hafnarfirðinum sem og viss geisladiskur frá Alcan .... Gælurottur, Unnur nefnd umsjónarkona og starfsmaður Húsdýragarðsins var með gælurottuna í hárinu ... Hvernig líst ykkur á gælurottur á heimilið árið 2007?

Í háttinn snemma þar sem Konungarnir koma í nótt með glaðning fyrir börnin ...... Koma þeir með hund, hest og kengúru, fugl eða fílsunga?  Nehhhh, ég held að það sé ekki gott að gefa gæludýr.

 

 Gleðilegan Þrettánda

Stúlka í Gulum Kjól

 Það að vera rati er ekkert grín en ekki látum við það slá okkur út af laginu.

Í dag 5.janúar skein sólin beint í hjartastað og smitaði út frá sér og litaði mig.

Akrýl á vatnslitapappír 10.2 x 15.2 cm

Til sölu og kostar 50€ án ramma

Ég stóð við fjallið mitt og sólin skein í hjartastað.

Það er gaman að hnoða snjóbolta

Það er gaman að vera til

Eigið góðan dag