Um að gera ....

....  að missa sig aðeins í bloggheimum!

Konan missir sig jafnan í kjötheimum yfir því minsta!

Fór einu sinni til Galdrakonu á Skaganum sem sagði ýmislegt skemmtilegt við mig.  M.a. að ég tæki ómerkilegustu hluti inn á mig meðan að stærri sneiðar "færu um fjúkandi eyru"  .....  Má það vel vera enda er þessi Galdrakona ótrúlega yndisleg og ég er bara ég!

Sólin dillar sér af mikilli natni á silkiþræðinum og kona hefur átt við mörg verkefnin að gæla.  Get alveg tekið að mér að vera fulltrúi íslenzku þjóðarinnar í hinum ýmsu störfum á erlendri grundu.  Og í mörgum löndum þar sem ég hef ákv. að láta klóna mig á einkatilraunastofu.

Kemur sér vel við hin ýmsu störf 

 

Tekið á málverkasýningu, Café Sofá í Algorfa við Costa Blanca strönd Spánar

Notalegt að sitja með rjúkandi kaffibolla við tölvuna en mér er víst ekki til setunnar boðið þar sem að konan ætlar að drífa sig í geimgallann og flögra í nýja vídd og taka hressilega á því í ræktinni.

Ekkert mál fyrir Jón Pál eru orð tileinkuð mér  

Í blíðu og stríðu ....

Þegar hugurinn er auður og kallar hvorki frambros né birtu.  Þegar kona horfir áangan blóma og finnur ekki ilminn. Þegar orðin hætta að hljóma og löngunin er lítil sem engin.   Hún lokar augunum og sér sig ílausu lofti. án vængja án alls .... hún er týnd í sjálfri sér, alein.

Sumir dagar eru hvorki né í tilfinningalífinu,litbrigðin týnast í grámu skuggans og hugurinn fellur eins og lauf aðhausti.  Að snerta jörðina, finnamoldina og kærleika móðurinnar er ávallt huggun, ávallt staðfestingtilverunnar.

Eitt andartak með þér á ljúfri leið.  Þú tekur hönd mína og leiðir mig þínaleið, þá leið er sýnist besta .  Að leiðast saman í eilífðardansinn þann eina sem okkur var ætlað.

Stundum þá er hið augljósa hulin stjarna erglitrar í hjartanu og ferðast á ógnarhraða um líkama þinn, um líkama minn envið sjáum ekki ljósið fyrir birtunni er skín svo skært.  Stjarnan þín og stjarnan mín!

Að lýsa hvort öðru leið, að finna kærleikansslátt í hjarta þínu og þú í mínu.   Tvö en samt eitt í hvort öðru.

Að týna sér í ást okkar og falla í ljúfu loftián þess að finna ilm ástarinnar, án þess að finna hljóm dýrðarinnar og án þessað finna rödd kærleikans.

Að elska er sú gleði sem við gefum hvort öðruég í þér og þú í mér.  Að finnahamingjuna á öllum tímum jafnt ljúfum sem sárum.   Í þér vil ég finna frið þess er leiðir mig á öllumtímum.  Hamingjan er dansinn semvið stígum í blíðu sem stríðu 

 

Birta, olía á striga 

 

Ljósið í lífinu ...

...  þegar ljósið gælir við okkur líður okkur vel samt má það ekki vera of skært eða bjart.  Strengur jafnvægis er svo mikilvægur í öllum þessum lífsdansi.  Vera megnugur að elska af hreinu hjarta og gefa okkur sjálfum sem öðrum tækifæri.  Það er dásamlega jarðlegt að dúsa og krúsa í þessum líkama, vitandi að sálin er svo miklu betra vön.  Svona er þetta bara og ætli það sé ekki bara best að njóta lífsins eins og það kemur fyrir, virða líkaman svo sálin njóti verunnar á jörðinni.

Í gamla daga, samt ekki svo gamla daga því það eru bara 13 ár síðan ég málaði  mynd sem ég endurheimti í þessum mánuði.  Árið ´97 setti ég olíu á striga og er sú mynd bara fyndin og þykir mér ótrúlega vænt um þá mynd ...

 

Kona og fíll, Olía á striga  

Svo flutti konan úr landi og hitti þar lífsförunaut sinn.  Síðan þá hefur konan verið þar en ekki hér.  Er samt sem áður hér sem gæti allt eins verið þar!  Lífið í sinni sjúku hnotskurn sem samt er svo heil og hrein.  Já, margslungið samt einfalt .....

Hvítasunnuhelgi þessa helgina, hátíð í bæ, kirkjusókn fermingardrengsins, málun, morgunmatur og kona enn á náttfötum.  Eitthvað þarf að gera í því eða hvað?  Alveg spurning hvað kona gerir en dagurinn er þinn og hennar.  Við eigum hann saman, heppinn er sá dagur er fangar okkur saman  

 Gleði og ljós í daginn þinn  

Ein frænka mín ...

....  sagði alltaf þegar það var drazzlaralegt hjá henni.  "Þetta er bara eins og hóruhús í hafsjó".

 

Önnur frænka mín, ömmusystir sagði við dóttur sína og mína.  "Hvar voruð þið að hryssast".

 

Það má sjá á þessu að ég á mjög skemmtilegar frænkur bæði ömmu og móður systur.  

Langaði bara að segja ykkur að fuglinn sem ég er að passa, svona kanarý syngur eins og hann eigi lífið að leysa.  Sólin er þarna að sperra sig og kvenndið ætlar að drífa sig og nálgast ströndina og dreypa á kaffilús.  Kanski geri ég eitthvað meira, viturlegra og betra en fyrst er það kaffi við ströndina því lífið er stundum gott rétt eins og það er!

Sem minnir mig á setningu, ég elska þig alveg eins og þú ert   Og, það er alveg satt .... 

Stundum ....

....  Sólin skín og sendir geisla sína til jarðarinnar þar sem litlu mennirnir leika sér.  Stundum er sólin í felum og við söknum hennar svo kemur hún og gleður okkur óendanlega.

Áhyggjur verða af engu og kærluleysisleg sumartilfinning vex í hjartanu.  Í dag var hlýtt og ég hitti skemmtilegt fólk frá Íslandi.  Það er svo gaman að hitta fólk sem gleður og kætir 

Svo koma dagar þegar sólin skín ekki og skúrir eru í hjartanu er vökvar hamingjufræið.  Það er sniðugt að rækta hamingjufræ í hjartanu og ákveða að dagurinn í dag verður sá besti.  Að vera meðvitaður um að við erum ólík og í misgóðu andlegu ástandi, bera virðingu fyrir hvort öðru og virða ekki síst sjálfið okkar ....

 

Sæt í kvöld, olía á striga

Ég er sæt í kvöld, olímynd á striga sem ég málaði fyrir langa löngu og hangir í herbergi heimasætunnar.  Orðin gæla við okkur og tilfinningin innra fegrar umhverfið, verum jákvæð, allavega stundum því þá er lífið svo miklu betra.

Og svo læddi nóttin sér inn.  Litlar sálir þurfa hvíld, góða nótt í nóttina og góðan dag í daginn þinn ....

Atvinnutilboð :-)

.....  mín beið atvinnutilboð í morgun 

 Ég skoðaði þetta tilboð og sá að launakrafa mín hafði verið virt, ákvað að lesa lengra.

Duglega sölukonu með launagrunn frá 360 þús kúlum með möguleika að hækka í tæpar 500 þús kúlur.  Ok ég var svo sem geim í það og las því lengra og sá að þrátt fyrir mikinn dug og mikinn vilja þá gæti ég tæplega fengið starfið.  Ekki það að svo margir væru búnir að skrá sig heldur var hæð mín og umfang að spilla fyrir.

Ég þyrfti eiginlega að vera eins og Heidi Klum til að fá starfið.  Óneitanlega er Heidi falleg en ég gæti ekki í þúsund ár orðið jafn stór og hún, gæti alveg borðað mig í stærð 36.  Fyrir utan að starfið var ekki "mæ köpp off tí"  Erlendur Tóbaksframleiðandi að koma vöru á markað "Nósörrý"  ......

Þannig að ég held áfram að hinkra eftir góðum tilboðum er henta minni fatastærð og hæð   Ég vaknaði óvenju há til hnésins í morgun og afskaplega þótti ég falleg er ég leit í spegilinn.  Morgunstund gefur nefnilega "gull í mund" .

Að gefa "Gull í mund" = A quien madruga Dios le ayuda.  Það er nefnilega það!  Spænska þýðingin á Morgunstund gefur gull í mund er frábær, Sá er fer snemma á fætur nýtur aðstoðar himnaherrans.

  

Gróu Sögur akríll á striga 60 x 80

í einkaeign

Ég er tæpleg góð á fæti í 7 cm háum hælum þrátt fyrir að ég tæki af mér nokkrar fatastærðir.  Þarf að huxa þetta aðeins ef álíka störf kæmu á borð.  Væri alveg til í að promótora eitthvað annað en tóbak.  Hélt að það væri löngu "out" að vilja reykja ???  

 Njótið lífsins það ætla ég að gera  

Silkiþráður ...

....  ég náði að klára silkikjólinn sem ég prjónaði úr fallega snjóhvíta og dúnmjúka skýjinu sem ég klófesti í einni draumaferðinni.  Ég gleðst svo óendanlega mikið að amma geti klæðst flíkinni enda var hún sérsniðin á elskuna er kvaddi þennan heim þann 20.Apríl síðastliðinn. 

Ísland tók vel á móti mér þrátt fyrir nokkur óþægindi er Eyjafjallajökull skapaði farþegum háloftanna en það er ekkert miðað við það sem íbúar landsins hafa mátt þola.  Það var gott að hitta fólkið mitt og við kvöddum ömmu í hinsta sinn.  Hún er nú komin á betri stað og hlakka ég til að hitta hana á ný þegar tíminn er réttur.

Biðukolla, olía á hrástirga 100 x 50

Biðukollan er mér sérstök því hún er tákn frelsis og frjóvgunar, hún er blómið mitt, ég get setið í háu grasinu, horfið aftur í tímann, óskað mér og lesið í skýjin.  Í skýjin þar sem þú ert núna.

Ég held í silkiþráðinn því hann bindur okkur saman um heila eilífð, alveg þangað til við eigum næsta fund.  Ég er strengjarbrúða lífsins, mitt líf leikur í höndum á þeirri gæfu er ég þigg og tek.

Hamingjan er það litla er snertir okkur og færir bros á vör

Abraka ....

Sólin er farin að skína og sendir geisla sína í leynilegar C vítamínferðir er skella á hvítu hörundi.  Tími sólarvarnar er líklegast kominn, sú gula er iðin í dag, sprelllifandi og heit.

Ég vaknaði þreytt, svo þreytt svo óskaplega þreytt.  Líklegast er ég bara að ná upp svefnleysi síðustu viku.  Ekkert hefur verið gefið eftir í ræktinni og matarÆÐIÐ er komið á hærra og hollara plan.  Máttleysið er kanski meira þar sem sykurneysla er minni.  Allt að gerast og allt í einu, ræktin er orðin ómissandi þáttur í daglegu lífi sem er gott.

Góð stemming fyrir ís í dag

Já, sumarið er komið þrátt fyrir að sumardagurinn fyrsti sé ekki fyrr en eftir miðjan júní mánuð.  Nú er tími fyrir ís í brauðformi, fara að gefa bra bra brauð og spóka sig og horfa á mannlífið.

Svo er litli unginn minn að fara að fermast e. 20 daga og allt tilbúið fyrir þann gjörning!  Flott föt og veislusalur ásamt gestum i orden.  Allt eins og það á að vera!  Litla örverpið mitt 

Nú er tíminn til að gera eitthvað dásamlegt, spurningin er bara, HVAÐ?

Lífið er gott "No matter what"  Eigið yndislega daga í dag sem aðra daga   smá galdur gerir bara gott betra!  Akabra dabra hviss bang og hamingjan leikur við okkur öll sem eitt ...... 

Það er gott ....

... að hlæja, gráta, tala og finna tilfinningarnar fara landa á milli.

Að ganga um eftir gylltri strönd með ástina sína í hönd.  Það er margt sem er svo gott, gott í hjarta og gott í sál.  Gotterý og trallala!

Að halda í von um góða ferð og hefa sig upp til skýja   Ég er glöð í dag, fitja uppá galdraprjóna og ætla að prjóna silkiflík úr dúnmjúku skýji.  Sit svo í ruggustól og dúa varlega fram og til baka.  Flíkin tekur fagra mynd enda hönnun sálarinnar sem veit alltaf hvað er gott, rétt og fallegt.  .

Gjöfin þín sem ert mér svo kær, ferð í hinstu ferð, í nýjan heim, þar sem hið góða slær í takt við hjartslátt himnaherrans.  Tónlistin ómar og kjóllin bíður þín elskuleg, björt og hrein.

 

 

Sitji Guðs englar

eftirprentun 12 x 12 

Í brúðarskóm á leið á ball ....

.... Gylltir og fallegir, támjóir skór.

Roði í kinnum, stútur á munn og létt indigó augnskuggi. Andlitið að taka á sig nýja mynd.  Í morgun á þessum annars ljúfa degi 1. Apríl þá vaknaði konan falleg, milljón krónum eldri eins og nýsleginn túskildingur.

Í happadrætti lífsins gerist ýmislegt, hið ókunna og spennandi bankar uppá og verkefni streyma inn.

Gifta konan búin að trúlofast andanum og gleypir Omega 3 á öðru hundraði, gott fyrir hjarta, heila og liði!

3 kg af sérlegum safa appelsínum eru í netinu á eldhúseyjunni og góð tónlist hljómar úr tölvunni.  Útvarpið gamla og góða er stóð í eldhúsgluggaum hjá ömmu og afa heyrir nú sögunni til og tæknin tröllríður hverri frumu líkamans.  Í glugganum situr fagur hrafn og hvæsir, úti er bjart og fallegt og það endurspeglar sálartetrið.  Ég er sæl og glöð enda alsett demöntum, jebb ....  Demöntum og smá silki!  Konur eru bara hamingjusamar þegar þær geta ausið yfir sig englafjöðrum og baðað sig í demöntum.

Ég er hamingjusöm enda einföld og ofboðslega falleg.  Hver væri nú ekki tengdur hamigjunni ef hann væri eins og ég?  Er það nema von að ég spyrji ....

 

Svo eru það páskarnir, gulir og gylltir sem koma nú tipplandi á tánum.  Skírdagur og fermingar, föstudagurinn langi í minningu þjáninga Jesúbarnsins og svo páskadagur með allri sinni gleði.

Ég gleymdi laugardeginum en þá fæ ég góða vinkonu í heimsókn.  Hún kemur seint um kvöldið og mun ég vera tilbúin með Sangríu handa henni og öllara fyrir gamlann hennar.  Já svona er lífið gott og skemmtilegt ....

 Ég verð líklegast á sýningunni minni um helgina, þarf að velja mér dag til að mæta og hvet ykkur sem eruð hér á Spáni að kíkja við á Café Sofá í Algorfa að skoða sýninguna.  

Svo ætla ég að ganga um á brúðarskónum og láta mér liða eins og drottningu.

Gleðilega Páska elskulegur vinur minn 

Lífið hefur aldrei verið fallegra enda held ég að það verði bara fegurra eftir því sem við eldumst.  Erum og verðum þakklátari fyrir það sem gerist í lífinu.  Ðeinkjú kæri viðstoppari .......