Ofureyra og myndlistarsýning dagsins ...

það má nú segja að dagurinn hafi tekið vel á móti mér í morgun.  Ég lá á mínu ofurnæma eyra og vaknaði við það að dóttir mín leitaði álpappírs í léttu geðlundarkasti.  Allsber fjallkonan brá sér í morgunfötin (ath.sef svo vel í Evu klæðum) fór með svengyðjuna fyrir augunum og gekk beint að álpappírsgeymslunni okkar þar sem þúsundir rúlla af álpappír skrjáfa nótt og nýtan dag!

Svo sveif ég inn í svefnherbergisálmuna og átti pökkunarstarf fyrir höndum.  Kata Marta fótboltavinkona mín var að fara til Íslands áðan og hún tók fyrir mig 6 myndir ....

Rósir rata heim

Stútmunnar

Ástfangin

Með blátt í glasi

Hugfangin

Ég er mjög hamingjusöm yfir því að myndirnar skuli nú rata í nálægð sína.  ég er sérstaklega ánægð með heimili Rósanna og vona að Kata Marta faðmi sendinguna alla leið.

Ég er vön að taka allt inn á mig, má ekkert aumt sjá og þannig geri ég litla hnúta að stórum og er svo að reyna að leysa allann þann vanda sem ég hef pikkað upp þann daginn.  Í gær sá ég stóra lykkju og að venju komin í ákveðnar stellingar ... Viti konur og menn, það gerðist eitthvað og ég tók lykkjuna og kom henni á sinn stað, tók hana ekki inn á mig og líður stórkostlega.

Ég er ástfangin af lífinu og er á fullu að fá einhver deja vú sem þýðir að ég er á réttri leið.  Hvert leiðin liggur er mér enn hulin ráðgáta en ég ætla að vissulega að njóta tímans sem fuðrar frá mér eins og yndisfögur ljós á himnum.  "það liggur við að ég geri áramótaheit" af öllu þessu ljósashow.

 

lítil fegurð, stór fegurð, meðal fegurð ....

... óskapleg fegurð er þetta!

Í morgun vaknaði ég fallega, frekar þreytt en fallega.  Ég er enn marin sbr.færslu hér að neðan og uppgötvaði annan marblett sem ég finn ekki neitt til í

Spurning að fara að drekka C - vítamínbætt kampavín .....

Það er búið að vera mikið að gera í öllu og ég kom heim sátt og sæl, eitthvað svo yfirþyrmandi falleg í sinni.  Ég læt spegilinn lönd og leið, þarf ekki neitt á honum að halda.

aha, it´s me .... satt

En fegurðin er afstæð og hverjum þykir sinn fugl fegurri en nokkur annar í heimi hér.  Þetta segir mér bara eitt að heimurinn er fallegur þegar við leitum inn.  Hann er fegurri en allt annað ef við kjósum að horfa á eigin flöt og skippa því sem er hinum megin hafsins eða handan hornsins.

Í dag er ég falleg vegna þess að í æðum mér rennur galdrablóð, er seitlar sig í sinni og breytist í minni hjá konunni sem lokar augunum fyrir ljótleikanum ...

Call it what you like

Lífsmottó er gleðin og sú fegurð sem býr í öllu kviku.  Sem er allstaðar í kring um okkur ef við bara "opnum augun" til að sjá í stað þess að mæna og horfa út um allt!  Að sjá er um leið sú skynjun sem við kjósum.

Í dag kaus ég fegurð vegna þess að þú átt leið og gefur frá þér eitt lítið spor er markar daginn.

FEGURÐ

Alla tíð mun ég fylgja þér ....

..... texti sem hljómar og fær mann til að skynja tilveruna.

Hverjum mun ég fylgja alla tíð?  Hver fær að skynja mína nærveru?

Ekki gott að segja því ég læt mér daginn í dag duga. 

Ég er marin rétt fyrir neðan hné.  Finn til, mikið til en ég veit að verkurinn mun hverfa.  Ég henti nýju dýnunni úr himnasænginni minni og sá þar sökudólginn!!!

Græn stökk baun var í fóðri dýnunnar.  Það hlaut að vera .... búin að vera svo Nönnuleg í morgun og undanfarna morgna, ósjálfrátt kallað Fjallið mitt Felipe og þérað hann í bak og fyrir.

Við erum undir áhrifum þessarar sængur, himnasængin sem keypt er úr safni kóngafólksins er geymir minningar og drauma heldri kvenna og manna.  Er það nema von að draumar hafa einkennst af eðalpostulíni, nýmöluðu ilmandi kaffi og dragsíðun kjólum .... ?

Það er athöfn út af fyrir sig að leggjast í hvílu.

Ég verð fljót að ná mér og mun bera olíu á marblettin, drekka ferskan nýkreistan appelsínusafa og leita að nornabúningnum mínum svo þessi höfgi falli frá mér.

Kaffidreitill í morgunsárið er alltaf ljúfur, nú er það morgunsturtan ... allt klárt fyrir eftirmiðdag með tengdó.  Hvaða góðgæti skyldi hún útbúa með sinni einskæru ást og snilld? 

Krunk krunk

sagði konan

kvaddi krumma sinn

krunk krunk

Kanski ég ætti að setja mig í þema og vinna út frá þeirri hugmynd

Var með hundraðfalda ást á heilanum og ætti kanski bara að vinna úr þeim tilfinningum sem ég fann þar?  Svei mér þá, ekki seinna vænna .... meðgangan orðin þokkaleg.

Sunnudagar eru sæludagar

Með og án, hingað og þangað ......

Ég sá tröll út um gluggan minn, tunglsroðin skar svip er minnti á veru af öðrum heimi.  Ég varð ósjáfrátt í hjartanu en fann að það voru viðbröð þess er einskis ann.  Hræðslan sú tindrandi tilfinning, vakti forvitni er færði mig nær.  Hver ert þú vinur kær, hvað er nafn þitt?

Í draumaheimi gerast undur ein sem fáir eða engin fær skilið ... 

Í raunheimi erum við fjölskyldan að koma okkur betur og betur fyrir í nýja heimilinu okkar og vinnustofan mín er á milli húsa.  Ég er komin með ca. 10m2 aðstöðu heimafyrir með frábæru skápaplássi til að geyma efni og svolll ... hlakka bara til að geta byrjað á ný.

Ég er búin að vera í öðrum heimi undanfarinn mánuð, búin að senda mikið af myndum á nýja staði, sofið í litlu barnarúmmi og horfið til undarlegra heima.  Setið á bakinu á risastórum hesti með þrjú augu, safnað maríuerlum og mátað hundrað skópör og ferðast til þúsund landa!  Allt á einni nóttu, geri aðrir betur.

Jæja gullin mín, ætla að skjótast í Melabúðina eins og Hugarfluga gerir oft á laugardögum.  Kaupa væna steik, gott rauðvín og meðlæti svo allt verði fullkomið.  Kveikja svo á kertum fyrir gullið mitt sem er að klára að ditta að gamla heimilinu.

Ég læt mig svífa um loftin blá

Hver segir svo að kústar séu í tísku.

Adios queridos amigitos

 

Spekuleringar .....

Það sem gleður mig eru litlir hlutir í lífinu.  Þeir stóru verða sjálfsagðir og falla í skuggann fyrir fegurð þeirra smáu.

Það sem hryggir mig er ljótleiki heimsins, fáviska þeirra sem vilja stjórna en eyðileggja heiminn um leið.

Það sem fegrar umhverfið eru bjartir og fallegir litir, regnbogans dreitill ef svo að orði mætti komast. 

Það sem umvefur sig að sálinni er myrkrið sem hefur ótal víddir, ótal leiðir til að velja.  Í myrkrinu eru ljósdropar sem falla í vitin sem fylla sálina. 

Í myrkrinu sé ég ljósið sem lýsir mér leið og í ljósinu vona ég rökkrið sem kveikir bjarma í ljósaskiptum.  Að tendra sálina á móti sól, njóta fljótandi vatns er eitthvað það undursamlegasta í okkar sólkerfi.

Það sem gerir dvölina svo kæra er ferðalagið endalausa, áfram um aldur og ævi, hugans gnævi!

Það sem mér þykir heillandi eru kaldar tær, þvöl il og ylur frá arni.  Það sem bræðir mig er bjarminn af sól sem hitar tær, mýkir il og gyllir sæng andans.

Það sem mér er kærast er án efa það fólk sem umvefur sálartetur sitt að mínu.  Er hægt annað en að vera sáttur og sæll með hlutskiptið ....... ?

Góða Nótt

 

Jólakortið í ár ....

Hvað eru vinir nema til að gefa góð ráð  ....

Á morgun fæ ég tengilið úr prentsmiðjunni þar sem ég ætla að senda jólakortið / in í prentun þar sem tíminn hefur flogið á ógnarhraða inn í geim og aftur heim.

Ég ætla að biðja ykkur um einlægt svar um hvað ykkur finst um kortið í ár og svo ef þið viljið vera á jólakortabloggvinalistanum, þarf ég að fá heimilisfangið ykkar á netfangið mitt [e-mail].

Jólakortið í ár 2007

Jólakortið í fyrra 2006

Jólakortið árið 2005

Ég er að spá í að ef ég vel englana þá verð ég með 2-3 tegundir í pakka og hef þ.a.l. 6 stk í einingu.

Jamm jólin nálgast!  Ef einhver sem starfar í félagslífi eða í stjórn hjá íþróttafélagi þá væri alveg tilvalið að selja falleg jólakort og fá skerf.

Jæja krúttin mín ... nú þarf ég að huga að KLUKKINU skellibjallan Jóna Ingibjörg klukkaði mig og tími til komin að hugleiða eitthvað krassandi sem enginn veit nema fuglinn fljúgandi og systurnar sjö sem svífa yfir hausamótunum á mér.

 

Spliss, splass .... best væri ....

að fara í bað ... sturta sig í framan að ofan og neðan.  Reka burtu búklyktina, skrúbba hér, skrúbba þar ekki veitir af.  Nú lyktar konan eins og frumkona, hin náttúrulega búkfíla gæti dregið að heilan her af g_öðum hóp af hreindýrum.

Blómahafið er komið í sinn ljósaskrúð eins og samið var um.  Allir heilir eftir burðinn en það má segja að nokkur tonn af mold hafi verið flutt í leirkerum blómstrandi blóma.  Hafið er grænt og vænt, iðandi af ánægðum verum sem komu í blómstrandi Jukku.  Ætti helst að senda National Geografik mynd af þessari einstæðu blómstrandi Jukku, nema þetta sé ofuralgengt atriði.

Á brúðkaupsafmælinu okkar færðu foreldrar mínir og amma okkur hjónaefnum 24 hvítar rósir og börnin mín komu með búnt af gladíólum ... hreinn unaður alveg!¨

Nú þurfum við að bruna í búð og versla nauðsynjar þar sem Valencíuhérað er með löggildan frídag á morgun.  Frídagurinn verður notaður til að tæma gamla húsið sem við munum skila af okkur sem fyrst.  Blómstrandi kveðjur úr eldhúsinu þar sem fjölskyldan unir sér best.

Ja for helvede!

Sorry kids að ég skuli blóta á erlendri tungu .... var að tala við Germaníu í gær og gat ekki fyrir mitt litla líf sagt for helvede á þýsku.  Þannig að ég sagði bara "Sjæse" .... Sauerkraut og Bratwurst á borðum ásamt þýskum þjóðlaga"saungvum" ... Överflödende af Mósel vínum og ljóshærðum hnellnum einhleypum stúlkum. 

Gleymi því ekki þegar við vorum vinirnir saman að eta á þýskum stað þar sem grínað var með Hitler ....  mæ god það var sko ekkert grín!

Í dag þá tældi ég Fjallið að altarinu fyrir nákvæmlega 2 árum.  2 heil og óslitin ár í ást og hamingju, ekki það að við vissum vel að hverju við gengum.  Búin að vera saman í 7 ár nánast alla daga og flestar nætur.

Sáttmálinn var skýr og greinilegur;

Þú þekkir mig

veist hver ég er

bannað að kvarta

kveina yfir neinu

þú gengur að mér

vísri

sannri

heilli

skilafrestur enginn er

núll

og

nix

svo þá veistu það karlinn

við altarið færðu séns

getur sagt 

Nei

og farið

segiru

Já

Þá færðu

ótal

óteljandi 

unaðsstundir að launum

Hann sagði Já, breyttist í Fjall og er sáttur.  Allavega kvartar hann ekki enda fylgir sáttmálanum í ystu og aftur hjem.

Flutningurinn gengur vel, mjög vel þrátt fyrir að það sé mikið eftir, þá er líka mikið búið.  Ég þarf að skila af mér húsnæðinu mínu sem fyrst.  Fæ flutningamenn til að bera það þyngsta og ferja öll málverkin úr kjallaranum.

Ég er búin að velja mér stað til að vera með stúdíóið mitt, held að þetta verði gott.  Vona það af hreinu hjarta og spella svo heiminn í blikinu rétt fyrir næsta fulla tungl!

Í kvöld þá ætlum við familían að fara á Indverskan veitingastað, krakkarnir eru í fríi á morgun þannig að við ætlum að djamma og njóta tilverunnar saman.  Mamma, pabbi og amma koma með okkur svo það verður enn betra!

Uppúr kassa ....

Ofaní kassa, uppúr kassa ... skíst manneskjulegt trúðsandlit .... Mikið skelfing hlakkar konutetur til þegar allt er búið.

Hálfnað verk þá hafið er

Syng lagið "litlir kassar" allan daginn og hugsa um útvarpsmann í bítlaskóm! 

Það er allt að gerast hjá Ramon fjölskyldunni.  Gengur bara vel að flytja á litla brúðkaupsbílnum.  Litlir bílar eru oft mun stærri en augað nemur!!!  Við flytum allt á toppgrindinni með augu nágrannana uppglennt.  Í miðjun flutning kom hellidemba með drumbuslætti nafna míns Þórs.

Viðurkenni að það væri notalegt að flytja án alls draslsins   Ég ákallaði guðina í einhverri af fyrri færslum og þakka þeim fyrir að hafa haldið leið okkar greiðri í þessum ham.  Það flæddi inn hjá nágranna mínum í annað sinn á skömmum tíma. 

Sundurslitin færsla engu líkarara en hér sé að verki mæðuveik rolla

Á að skila verkefni fyrir kvöldið.  Ljóðskáldið Jóhannes úr Kötlum er aðalmaðurinn núna og ljóðið Morgunsöngur fær smá umfjöllun.  Kassahvíld og kanski nokkrir kaffibollar ef ég næ að læra á nýju kaffikönnuna.  Set inn mynd af henni síðar

Já, á meðan ég man ..... svo undursamlegt sem það er þá fór ég út í portið á gamla heimilinu um daginn og ákvað að spjalla við blómálfana og þær hulduverur sem stökkva á milli blaða!  Ég sagði þeim að nú værum við að flytja og það mættu allir koma svo framarlega sem þeir kæmu í góðri trú og gleði.

Daginn eftir gerðust undur því ein Jukkan mín hafði tekið að blómstra þvílíkt ilmandi blómum að ég viðurkenni að svona lagað hef ég aldrei séð.  Þarna vissi ég að litlu verurnar voru að undirbúa flutninginn sinn með þessari yndislegu gjöf sem blómið veitti. (mynd síðar)

Okkur er boðið í 4 og 0 afmæli í kvöld ..... kanski við skellum okkur, hver veit!  Þarf að finna gjöf, vera dugleg að læra, skila inn verkefni og pússa grænu skóna.

Það er hörkuvinna að flytja, koma sér fyrir, tæma og þrífa.

Bless í bili og ég gef mér tíma að lesa ykkur öll þegar kassastússtið minnkar

Vængjafiður og Guarana .....

.... Ekki veitir af aðstoð norðlensku guðanna!  Ég ákalla þig nafni, ég ákalla þig Loki ( vona að loki taki vænan kipp þegar eitrið fellur í auga hans ) ég ákalla þig Freyja þu yndislega meyja! 

Ég er búin að vekja upp heilan Indjánaflokk sem hljóp með mér um sléttur og lendur Kanada, einnig búin að útbúa smyrsl til að bera á bak við eyrun á mér.  Er svo þurr á bak við eyrun sem orsakar öndunarerfiðleikum fyrralífs Atlantisbúa!  Nú væri gott að hnipra sig saman og taka svo væna dýfu, en það er ekki á allt kosið sem argintætan kýs í duttlungum fjölbreytilegs persónuleika.

Pælingar hjá syni mínum

Drengur "Mamma hvernig fær maður vængi"

Mamma "þeir vaxa út frá herðablaðavængjum þínum"

Drengur "ahhh, já.  En fær maður stóra vængi?"

Mamma " Jafn stóra og þú ert búinn að vera góður"

Drengur "ahhhhh, kanski ég fari þá bara eitthvað annað"  mjög huxandi!

Mamma "litlir vængir eru líka sætir og svo stækka þeir"

Drengur "ahhhh, ok þá fer ég bara þangað með þér" .......

Engladagur í bænum okkar.  Erkiengillinn Mikael er dýrkaður í bænum okkar er heitir í höfuð hans.  Við vöknuðum við sprengjur í áramótabombum eins og við Íslendingar notum um áramót og það eru engin lát á gleði sprengjusérfræðinganna!  Við fögnum og tökum þátt í gleðinni á okkar máta.

Í dag erum við að mjatla okkur við flutninga í nýja húsnæðið okkar og það er mikið verk fyrir höndum.  Ég er ekki frá því að ég eigi eftir að vanrækja ykkur kæru bloggvinir en þið sem viljið koma skilaboðum áleiðis sendið mér linu á [e-mail] ....

Vala frænka eignaðist myndarlegan dreng þann 27 september, algjöran dúlludreng sem ég fæ vonandi að sjá sem fyrst!  Til hamingju elsku Vala og Nonni með frumburðinn ykkar!

Með fiðurbragð í munni og Guarana skammt til inntöku bíður mín strembið pökkunarstarf!

Kveð ykkur mín kæru and wish me luck!