Eitt af þúsund fiðrildum leita þín ....

Rok og rigning er heldur óvenjulegt veðurfar en mikið fanst mér það ljúft að láta vinda upp undir pilsfaldinn.    Mikið óskaplega er ég nú búin að vera löt í fríinu mínu.  Hangi og geri varla nokkurn skapaðann hlut.  Reyndar vinn ég stöðugt í því að koma mér að verki með pennslana en það er alltaf eitthvað annað sem hindrar mig.

Í gær elduðum við og um leið bökuðum Muffins.  Svei mér þá að gera þessa 2 hluti saman en allt heppnaðist þetta stórkostlega og súkkulaðimúffur tæpl. 30 voru gerðar með stæl.

Börnin fengu pönnusteikta ýsu og við þessi gömlu gúffuðum í okkur kjúklinga burritos með allskyns grænmeti sem er gott!  Svo var sofið til klukkan 09.30 og lítið verið gert nema að hanga í tölvunni.  Ég skoðaði síðuna hennar Zou og þar sá ég link á danska fasteignasölu og er búin að vera stökk þar!  Með ólíkindum alveg ... sá svo mörg hús sem mér list vel á   Ja, for helvede!

Ertu Fugl

Bónorð Blitt Akrýl á striga 20 x 50

Eða ertu Fiskur

Eldheitur Koss Akrýl á striga 20 x 50

Góð spurning hvort ég telji mig til þess að vera fugl eða fiskur.  Furðufugl og Sjaldgæfur fiskur!

Páll Rosinkrans syngur undurblítt til mín og segir; "you are so bjútífúl ..... to me" , ég er sátt við það og ætti kanski að slíta mig frá tölvunni og njóta fegurðarinnar sem dagurinn býður uppá!

Lítið sætt fiðrildi leggur af stað yfir hafið.  Skildi það staldra við hjá þér?

Þúsund lítil sæt fiðrildi leita að stað hamingju og gleði

Flott hjá Heiðu bloggvinkonu ......

Bloggheimur hefur tekið höndum saman og stutt við baráttuna er Heiða bloggvina ýtti af stað.  Flott viðtalilð við hana á Stöð 2 í gær og óska ég henni til og bloggurum til hamingju með þennan áfangasigur í baráttunni.  Vonandi verður tekið rétt á málinu og það skoðað með réttum augum.

Frábært hjá þér Heiða 

sorry kann ekki að setja inn linkinn, kemur alltaf eitthvað bull upp hjá mér.

Flokkun á rusli ....

Spánn er yndislegur, sólríkur og hlýr en það er margt sem er ekki í takt við N-Evrópu.  Sem dæmi flokkun á rusli !!!

Fjallið mitt er upptekin af því að flokka rusl og er með litla höldupoka og flokkar grimmt í þá   Ég viðurkenni að ég er orðin þreytt á þessum pokum hjá honum út um hálft eldhúsið "eða bara komplítlý þreytt"  Það verður bót á máli því við ætlum að leggja land undir fót og kíkja við í Ikea sem er staðsett í næsta héraði og kanna hvort þar sé ekki að finna úrvals ruslahýði svo veran verði notalegri í eldhúsinu.

Seint að sofa og seint á fætur virðist vera mottóið hjá okkur en þar verður breyting á, á næstu dögum.  Í morgun vaknaði ég við ferskan blæ og fuglasöng.  Litli kúturinn minn hafði komið og náð í mig inn í svefnherbergið til að knúsa hann aðeins sem ég og gerði.

Trylltar hugmyndir hafa breyst í jafnvægi sem er gott.  Mig dreymir endalaust fyrir nýjungum ..... börn og brjóst í hverjum draumi.  Góðir draumar og hryllingsdraumar

Í dag ætla ég að kaupa sápukúludollur og blása gleðistraumi út í himingeiminn.  Í dag er dagurinn til að finna krakkaorminn og njóta tilverunnar. 

Með grænt í glasi akrýl á striga 30 x 30

Kanski get ég blásið sápukúlur með þessu græna, hver veit ???

Svo blæs ég eina sápukúlu spes fyrir þig fulla af fögrum litum og ljúfum tónum.

Sumarfrí ... Stuðmenn ... hið ljúfa líf ...

Sumarfrí er sá tími ársins sem flest fólk bíður með eftirvæntingu.  Fríið mitt var kærkomið þegar það loksins kom því ég þurfti að fresta því sem kom sér alls ekki ílla fyrir mig   Heil vika er liðin og hefur hún flogið á ógnarhraða sem er eðlilegt því allt gaman líður hraðar en það sem er erfitt, leiðinlegt og sárt! 

Þrátt fyrir að tíminn blikki mig og líði á ógnarhraða þá gefur hann mér sólskínsbrosið sitt og bíður mér góðan dag og kyssir mig á kinn á kvöldin.  Tíminn hvíslaði að mér stórkostlegri hugmynd, tíminn getur verið svo næs ef við bara viljum.

Þegar tíminn líður þá fylgjum við frelsinu og teygjum okkur í þræði hamingju sem okkur er ætluð.  Í hverju er mín hamingja fólgin.  Er ég hamingjusöm? 

Hvað er hamingja

Ég vil brosa í gegn um hamingjuna, gefa hlýju sem er sönn.  Ég hef brosað svo oft grunnu brosi til að fullnægja þörfum annara án þess að sýna mitt rétta sjálf.  Það er nú sennilega bara hluti af þeirri veru er við kjósum til að vera elskuleg.  Það er ekkert að því að vera elskulegur og notalegur því flest heyjum við harða baráttu og hvað er yndislegra en bros og fallegur sannleikur og jákvætt gildi.

Hvað er betra á köldum rigningardegi en hlýtt bros og gott viðmót.  Sólin gæti ekki brætt hjarta mitt ef brosið þitt og kakóbolli væri í boði ........  Ég er nýkomin niður af skýji, dúnmjúkum hnoðra þar sem hvísl um ást og hamingju sótti að mér.  Ást og hamingja fyrir allan heiminn, hvorki meira né minna.

Ég ætla að klára Sjómannskonuna sem er stór Olía á striga, gerð eftir pastelrissu ....  er minnir mig á "risotherapia" (hlátursmeðferð).  Já, kanski ég hlæji mig inn í kvöldið og njóti lífsins með pensil í hönd.  Þeir sletta olíunni sem eiga hana ..........

Morgunstund 55 x 46 Olía á Striga

Já og svo væri ég alveg til í skyrtertu

Hvað gerði frúin í Hamborg við auðæfin sín ...

Spurning hvort frúin hafi flutt búferlaflutningum, hvort hún sé hamingjusöm og sæl með hlutskipti sitt og auðæfin.

Hvað myndir þú gera við við peningana sem frúin í Hamborg ætlar þér ???

Spennandi ekki satt.

Gulur, rauður, grænn og blár, svartur, hvítur og fjólublár !

Elskuleg og yndisleg börnin mín

Fjársjóður hvers tíma er minning kær er lifir og slær í sálinni okkar ár eftir ár og líf eftir líf.  Þegar tíminn stendur í stað þýtur hann í raun áfram og við tökum þátt í umstangi þess sem okkur er ætlað!

Hringrásin, fæðing eða dauði.  Hvort um sig undursamleg staðreynd þess að lifa sjá og finna. 

Í dag er ég Gul með gylltu ívafi, finn fyrir moldarbrúnu undirlagi og ilmurinn sem snertir sál mína er mild geilsun fresíunnar ....  Þegar ég loka augunum ligg ég á dúnmjúku skýji og hlusta á hvíslið sem lifir í loftinu .....

Guðný vinkona hélt til síns heima eftir skemmtilega og viðburðarrika helgi.  Það var heilmikið brallað og aldrei dauð stund hjá okkur.  Ströndin, mini golf, tónlistarspekulering en við sáum konuna María Jesús með nikkuna en hún samdi það ódauðlega lag fuglasönginn .... svo hélt helgin með skemmtilegu ívafi, tók enda og fór.  Helgin var á förum og nú bíðum við spennt eftir því að taka á móti þeirri næstu með allt það sem hún hefur upp á að bjóða.  Guðný mín takk fyrir komuna!  

Seint að sofa og snemma á fætur ...

....  Fyrsta strandferð ársins  ....... og ágúst mánuður hálfnaður!  Við bjuggum okkur til farar og fórum með vatn, gos og pilsner í kæliboxinu.  Bikiní og sundskýlur, handklæði, sólhlíf, og allan almennan farangur sem er nauðsynlegur ..... skóflur, fötur og brimbretti.

Það var nægjanlegt brim í dag "Gurrí væri sennilega ekki sammála mér með sitt einkabrim" Við áttum góða stund með vinkonu okkar Guðnýju sem er í heimsókn yfir helgina.  Krakkarnir fóru og fengu sér ís á strandbarnum með pabba sínum á meðan við vinkonurnar gættum að farangrinum ..... síðan fórum við og fengum okkur Piña Colada ......  jummý jumm!

Zordis og Gudny

Það má nú segja að drykkurinn hafi verið góður en hér var kominn tími til að tygja sig!  Við drifum okkur í að taka allt stranddótið saman og iðuðum í skinninu að fara í sturtu þar sem sjórinn er klístraður á íturvöxnum líkamanum!  Veit einhver eitthvað verra en sand út um allt ?

Notalegur dagur á ströndinni

Eftir að hafa útbúið snarl hér heima, erum við öll að gera sitthvað .... sjónvarpsgláp, tölvunördast, leggja okkur og afslöppun!

Í kvöld verður það Bowling og allsherjar fjölskylduskemmtun.

Heimferð um himingeim ...

Þegar þungur og líflaus líkaminn liggur í sænginni þá er gott að stelast upp í skýjaveröld og stikla létt á stjörnum er glansa eins og gimsteinar himins.  Svífa eins og sankorn eilífðarinnar, snerta frelsið og láta hugann reika.

Í nótt lagði ég af stað í ferðalag um geiminn, þandi hugvitið og lét mig dreyma.  Tyllti mér á eyðimerkurstein og horfði á gleðina og sorgina.  "Hvað vil ég tileinka mér og hvað get ég gefið á móti".  Svo innan-djúp og utan-tóm, heill hringur er snýr sér í átt að þeirri einu veru sem honum er ætlaður.  Líf í heimi, án upphafs og endi, lífið þitt og lífið mitt!

Þegar þú fæðist mælti hún af munni sínum;  "munt þú hljóta þá ljúfu gjöf inn í mannlegt líf, njóta blessunar".  Hún mælti um og strauk barninu um ennið þrátt fyrir að líkami þess lægi enn í móðurkviði.   Þessar tvær sálir er þekkjast svo vel, hittast á stakri stjörnu við lind hina einu.

Strákur og Stélfjöður Olía á Striga

Minning um líf sem heldur áfram.

Orð án orða, borð á borða og sporður án sporðs ....

Hún opnaði munninn og sagði eitthvað svo merkilegt.  Ég sat og heyrði ekki orð en ég sá gegnsæjar sápukúlur ná festu á himni.  Orð hennar mynduðust í sápukúlum sem sprungu ein af annari á leiðinni upp. 

Ég lagði eyrun við ásýndina og náði samhenginu.  Stundum skiljum við ekki í orðum annara, þykjumst og jánkum við einu og öllu.  Já, stundum er lífið skrítið, stundum erum við aum af baun, eða aum af dúnmjúki fiðrinu!  Hverju og hverjum er það að þakka að við erum mismjúk, mismikið yndi og mismikið manneskjur?  Já, ég bara spyr ....

Vinkonur Olía á Striga / Gjafakort

Í dag leið mér eins og á laugardegi, langaði að þrífa húsið mitt.  Langaði að gera eitthvað stórfenglegt.  Það góða var að ég gerði hvorki neitt stórfenglegt né þreif húsið ..... Fór hins vegar seinnipartinn með reiðina mína og puðraði henni út í náttúruna, verslaði inn, eldaði sérrétt fyrir unga fólkið og naut aðstoðar Fjallsins míns við gjörning matreiðslu okkar eldri mannvera á heimilinu.

Barnamatseðill kvöldins var;  pönnusteikt ýsuflak ásamt frönskum kartöflum.

Fullorðinsmatseðill kvöldins var; pönnusteiktur túnfiskur með olivuolíu með hvítlauks, persil og sítrónu "tötsi" ... æj, hvað það var gott að fóðra vömbina í kvöld  ....

Katrín boggvinkona sagði að ég ætti að geta bloggað fullt þar sem ég væri komin í frí .... hehehehhehhehehehe  ég ætti að geta gert eitthvað í þessu en í þessum rituðu er ég að leyta að listagyðjunni til að geta tekið þátt í sögukeppninni hennar!  Allir að taka þátt í keppninni hjá henni og ég get svo sannarlega mælt með verðlaunum hjá henni því þau eru æði!

Ég á marga góða og yndislega vini.  Vini sem ég skil í hljóði, vini sem ég spyr einskis og vini sem krefjast alls af mér.  Ég krefst aldrei neins af neinum sem er ekki maki, barn eða foreldri!  Við stöldrum stutt við, við erum allt of stutt saman í sáttinni, við erum svo lítil í hafsins heimi .....

Orðflaumur í hafi þar sem fiskar eru hafmeyjur og hákarlar svanir!  Undirdjúpstilfinning frá fyrri tíma, þegar svif í djúpi var sem fósturtilfinning og ásýnd fegurðin ein.

Góða nótt elsku vinir .... túnfiskur er flottur í mallann fyrir svefninn ...

Á mörkum þess, hvers .... alvega sama ég er í ....fríi !

Dásamlegt að vakna eldsnemma á laugardegi, fyrsta frídegi sumarfríssins.  Það var kærkomið þar sem ég frestaði fríinu um viku og vann bæði á laugardegi og sunnudegi svo nú er ég brosandi allan hringinn.

Fríið byrjaði á eldhús"sjæni" og smá hringferð um bloggheima.  Ég lét til leiðast að skoða síður hjá vinum annara, sem og mínum eigin, staldraði við í þeirri hugsun hvað lífið er okkur gott.  Við erum að díla við margskonar vanda hver með sinum hætti og þykir mér aðdáunarvert að sjá hvernig sumir greina skilmerkilega frá vanda sem gleði.

Þegar ég stend í gættinni, horfi á ljósið og þokukennt myrkrið, veit ég að ég á hluta af hvoru um sig.  Í ljósinu set ég upp sólgleraugun til að fá ekki ofbirtu í augun og nýt gjafanna sem okkur eru ætlaðar.  Þegar ég stend í þokukenndu myrkri tek ég niður sólgleraugun og rýni í birtuna sem mér er ætluð.

Fullt í Fangi Olia á Striga 50 x 60

Það er reynslan sem mótar okkur, styrkir og herðir.  Ég trúi á það góða og bjarta þótt ég sökkvi mér stundum niður í hyldýpið, næli mér í smá blund við og við.  Það er fegurð í öllu, jafnvel því sem heillar ekki, það er fegurð í öllum verum þótt við náum ekki að sjá hana.  Fegurð er í auga þess er nemur!

Af því að ég er í fríi, sit í hita og svita, velti fyrir mér ýmsu ... bæði góðu og slæmu.  Ég er að vinna í sérpöntun á litlum akrýl myndum sem ég klára vonandi um helgina þrátt fyrir að ég ætla að djamma í kvöld með familíunni, fara og skoða húsgögn og hönnun, Já og mikið væri ég til í að fá mér sæt jarðarber og ískallt kampavín í tilefni dagsins ..... 

Fæ mér bara kampavín þar sem jarðaberja"sísonið" er búið!

Blóm, brjóst og bbbbbb ...... (bjútíkvín)

Ef ég gæti stöðvað tímann, eitt augnablik, lygnt aftur augunum heila eilífð og hlustað á ofurfagra tóna gítartónlistar sem eiginmaðurinn býður okkur uppá.  Þá væri gaman að njóta eilífðar!

Kyrrðin er með eindæmum eða ....... segir kona með einsdæmum .... (eins dæmi eru allavega þrjú 2 +2 öll með sömu útkomuna .... eða hvað)  Sýrð tilveran er eins og hún er!

Rauðu skórnir klikka ekki, Ó ... Nei !  Er með særi á fótum, ALVEG ÞESS VIRÐI .... Gekk rosalega vel i vinnunni og er að íhuga að verðlauna mig sem starfsmann vikunnar.  Verðlaunin verða varla öllum til geðs því ég er búin að ákveða dulítið.  Dulítið, stórt og KREYSÍ er tengist brjálaðri hugmynd ....

Æj, já!

Verð eiginlega að sýna ykkur dálítið út af dottlu en myndavélin er ekki til staðar .... en meybí beibý set ég inn eina hálf kláraða ........ hvað finnst ykkur?   Það verður víst að gerast síðar ...

Fyrst að myndavélin er ekki heima þá sýni ég ykkur brot úr mynd.  Kaffikerlur heitir þessi Olía á Striga .... Ílöng og stór og algjör vinkonumynd!

Annars og hinsvegar

fyndin orð

lífið er gott

þótt annarsvegar

eða hinsvegar

það sé stundudm

mismunandi

Hvaða tilfinningu fáið þið þegar þið skoðið myndbrotið?