Albrjáluð móðir að þrífa fuglabúr kl. 08:50 og skólinn byrjar klukkan nænhöndred ....

Ég skal segja ykkur það að hann sonur minn er ekkert lamb að leika við, enda sonur refs og hænu.  Undanfarna morgna hefur hann beðið um að fara með gæludýrið sitt í skólann.  Spurning hvort guli kanarífuglinn er býr í portinu sé gælinn eða til skrauts.  

Það varð úr að faðir drengsins ræddi við kennarann og þar kom fram að Victoria hafði komið með orma í kassa (jamm, gæludýrin hennar) og aðrir nemendur (5 ára) voru búnir að koma eða fá stund til að lýsa sínum gæludýrum.  Í gærmorgun þá var herranum ekki til setunnar boðið og heimtaði vinur að taka kanarífuglinn sinn með.  Ekki gat mín látið drenginn fara með búrið með óhreinum pappír í botninum og tók í hendingskasti fuglaþrifgræjurnar og sjænaði búrið.  Viðurkenni að ég var ekkert sérstaklega glöð, hátt í grimm þar sem ég er fox í eðlinu.  Búrið varð til heimilisprýði og það var bætt á fæðu og vatni fyrir vængjuðu veruna.  

Haldið var til menntasetursins og sumir brosandi glaðir.  Allt gekk þetta vel hjá drengnum og morgun athöfnin vel þess virði því vel var tekið á móti drengnum.  Hann var miðpunktur skólasystkyna sinna og takmarkinu náð.

Góð tilfinning móður að sjá son sinn sælann. 

Athugasemdir

[www.zordis.com, 12.5.2006 kl. 11:26]

Það er sem ég segi, þú ert algjör C-vítamín sprauta röndótta ellefu ára mær! Mér líst vel á litla útibúið sem þú ert að hanna fyrir mig!!!!

[www.zordis.com, 12.5.2006 kl. 11:27]

Oooooog kanarífuglinn talar ekki hann syngur hástöfum ef hann sér ekki kanarý-pullu .... hvernig svo sem litlar fuglspullur eru *roðn* og *bláðn*

[Elín Björk, 12.5.2006 kl. 23:38]

Hmmmm, er leyfilegt að fara með fuglana í skólann? Ekki ertu að segja mér að ég eigi þetta framundan með júníor?

En hvað varð um headerinn þinn????

Bíð spennt eftir að sjá útkomuna hjá Röndóttu mærinni á síðunni þinni!